Xki̱ 33
33
Ngi̱ndie nínga jaꞌa xota̱ Israee̱l
1-50Ni̱xtjin tjiꞌuún sá xí ꞌmí Abii̱b, ngo ni̱xtjin ngije jaꞌa sꞌué paskuaa̱, xota̱ Israee̱l achichí tsjá tjiín nga katsꞌén nga jatjoni nangi Ejipto̱ ngindyi̱ko̱n ngayeje xota̱ Ejiptoo̱. Ti̱kuii ni̱xtjii̱n xota̱ Ejiptoo̱ ndyi̱bónijín ndí tjoón, ngatꞌa̱ Néná katsꞌénkjiesón nga atíjeé nee̱ xota̱ Ejiptoo̱.
Xota̱ Israee̱l nga kijí ndi̱ya̱à, kijí xikó maá jájún xi je síndonda, kó Moisee̱ ko̱jo Aaroo̱n boá xi atíxomaa̱. Néná boá xi bo̱a̱ katsoó Moisee̱ tsi̱ꞌe̱ nga sa̱ꞌínꞌindó, nga ko̱a̱ꞌa̱xki̱ ngayeje ngi̱ndie nínga kjo̱a̱ꞌa, kó kuí bí ngi̱ndie nínga jaꞌa ko̱jo nínga katsꞌénkjaꞌyá, ndeskande nga jatjoni na̱xi̱ńdá Ramsee̱, ki̱a̱ nangi Ejiptoo̱:
Sukoo̱t,
Etaa̱n, ki̱a̱ nínga fetꞌanii̱ nangi kixií,
Pi-Airoo̱t, xtji̱e̱e̱n nínga fotjo tsꞌueé nangi Baa̱l-Sefoo̱n,
Mijndoo̱l,
Ndáchíkón Inií,
nangi kixií nangi Etaa̱n,
Maraa̱,
Elii̱n, nínga kisꞌińdo tiejó ndáńchꞌi̱ sijén ko̱jo ichítié ko̱jo kan yáxka̱jèn,
nangi kixií nangi Sii̱n,
Ndofkaa̱,
Aluu̱,
Refindii̱n, nínga jmí ndáfoa xi ꞌyó kisꞌiejiín,
nangi kixií na̱xi̱ Sinaii̱,
Kibroo̱t-Ataabaa̱,
Aseroo̱t,
Ritmaa̱,
Rimoo̱n-Peree̱,
Libnaa̱,
Keelataa̱,
Séfee̱r,
Arandaa̱,
Makeloo̱t,
Taa̱t,
Teraa̱j,
Mitkaa̱,
Asmonaa̱,
Moseroo̱t,
Benee̱-Jaakaa̱n,
Oo̱r tsi̱ꞌe̱ Ngindngaa̱d,
Jotbataa̱,
Abronaa̱,
Esion-Ngébee̱r,
Kandee̱,
Na̱xi̱ Oo̱r, nínga ꞌbítsi̱yani nangi nínga síndo xota̱ tji̱e̱e̱ Endoo̱n,
Salmonaa̱,
Punoo̱n,
Oboo̱t,
Ilie̱-Abarii̱n, nínga tsindió mánii̱ nangii̱ xota̱ tji̱e̱e̱ Moaa̱b,
Ndiboo̱n-Ngaa̱nd,
Almoo̱n-Ndiblataii̱n,
na̱xi̱ Abarii̱n, ki̱a̱ nínga fotjoni tsꞌueé na̱xi̱ Neboo̱, ko̱jo
nangi soón nínga síndo xota̱ tji̱e̱e̱ Moaa̱b.
Kó nga bo̱a̱ tsꞌén ndyi̱fí xota̱ Israee̱l, nga jachó na̱xi̱ Oo̱r, Néná bo̱a̱ katsoó chináꞌmi Aaroo̱n nga ko̱e̱je̱nijíngí na̱xi̱i̱, kó ki̱a̱ kꞌien Aaroo̱n, úchán ko̱jo kan ján noó nga kꞌien. Ni̱xtjin ngoo̱ sá xí ꞌmí Aa̱b má nga kamá kui nii̱, yichán nó jaskan ngije jatjo xota̱ Israee̱l ki̱a̱ nangi Ejiptoo̱.
Kó ti̱ kꞌi̱e̱ bí nínga, nga jachó na̱xi̱ Oo̱r xota̱ Israee̱l, nga Araa̱nd, nda̱ ree̱ xota̱ tji̱e̱e̱ Kaa̱n, kui xi kisꞌijña nangi kixí xi tikón xtji̱e̱e̱n na̱ngii̱ nangi Kanaa̱n, kamábe nga xota̱ Israee̱l je ndyi̱fochó tiña nangi xi tsi̱ꞌe̱ kui xotaa̱.
Nangi soón nangii̱ xota̱ tji̱e̱e̱ Moaa̱b ki̱a̱ kisꞌijñatꞌa ndejèꞌ Jorndaa̱n, ko̱jo kje̱n na̱xi̱ńdáꞌniú Jerikoo̱. Kjiꞌanga katsꞌénkjaꞌyá kꞌi̱e̱e̱ xota̱ Israee̱l, achichí je kamá ngi̱ndie nínga kisꞌińdo, ki̱a̱ ítsꞌi̱yanii̱ nangi Bee̱t-Jesimoo̱t, kó ngaskande Abee̱-Sitii̱n jachó.
Xikó tsꞌén akakjangaa̱ xotaa̱ nangi Kanaa̱n
Nga to̱kó síndo ngase ki̱a̱ nangi soón nangii̱ xota̱ tji̱e̱e̱ Moaa̱b, Néná bi̱ katsoó Moisee̱:
51Bo̱a̱ tꞌíi̱n xota̱ Israee̱l nga kjiꞌanga kjo̱a̱ꞌatio ndejèꞌ Jorndaa̱n, kó nga kꞌo̱sꞌien nangi Kanaa̱n, 52chjiéngá ko̱ngatji̱ngii̱ xota̱ xi síndo ki̱a̱a̱. Kó ti̱ chjiéngá ngatsꞌénkjátsón ngayeje ni ndi̱jo̱ xi tsꞌéndíkón, ko̱jo ni xi a̱sie̱én xota̱, ko̱jo ṉchan nínga tsꞌéndíkón kuí nii̱.
53Án boá xi nee̱ kui xotaa̱, kó án boá xi tsꞌéntsjàa̱ kui nangii̱ tsi̱ꞌe̱ nga ki̱a̱ kꞌuíndo. Kuíni nga chjiéngá sa̱ꞌiín nga skjánjo̱ xota̱ xi síndo ki̱a̱a̱, tsi̱ꞌe̱ nga ki̱a̱ kꞌuíndo kui ngijee̱. 54Tsi̱ꞌe̱ nga ko̱kjangaa̱ kui nangii̱ ngayeje xtín xotaa̱, ngo kjo̱a̱chꞌáṉcha̱ ti̱ꞌin ji. Xtín xota̱ xi kjín maá, ngo chikjan nangi xi tsie te̱ꞌée̱, kó xtín xota̱ xi chiboa maa̱, ngo chikjan nangi xi chichí te̱ꞌée̱. Nangi xi sa̱ko̱ó nga ngo nga ngo xtín kuí xotaa̱, kuí tsi̱ꞌe̱ ka̱ma. Kui nangii̱ xki̱ xota̱ tji̱e̱ boá nga ka̱makabii̱.
55Ta̱nga tsi jún ko̱ꞌna̱xiéjínjnú kui xota̱ xi síndo ki̱a̱a̱ ngotꞌe̱, án boá xi sa̱ꞌin an nga kui xotaa̱ xi sa̱ꞌínniꞌínjnú, xikó maá tsi xi̱i̱ yá kjingi ndyikonjnú, ko̱jo tsi xikó maá tsi ndaꞌyá ndyi̱a̱sꞌiee̱n yojojnú. 56Kó jún boá xi sa̱ꞌinjnúꞌun ni xi ndajín, xi katsꞌenkjó án nga sa̱ꞌinjo̱ an kui xotaa̱ katsaki.
Currently Selected:
Xki̱ 33: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
