Xki̱ 30
30
Ni xi ꞌmií Néná nga niꞌánkjatjosón
1Moisee̱ bi̱ katsoó ngito̱ko̱o̱ xota̱ tji̱e̱e̱ xota̱ Israee̱l:
Néná atíxomana kjo̱a̱a̱ nga kokoyájnúꞌun 2kjo̱a̱a̱ ni xi ꞌmíyatjón xi chjiéngá si̱ꞌankjatjosón.
3Tsi ngo tsa̱kjìn xo̱ngò xi ngo ni ka̱tso̱o̱ Néná nga sa̱ꞌínkjatjosón, 4kó tsi nijan kamá na̱ꞌmii̱ kui tsa̱kji̱ín kjo̱a̱a̱ ni xi katsó nga sa̱ꞌínkjatjosón, kjo̱a̱ꞌniútjínnií nga sa̱ꞌínkjatjosón kui nii̱. 5Ta̱nga tsi nijánjín kamá na̱ꞌmii̱ kjo̱a̱a̱ ni xi katsó nga sa̱ꞌínkjatjosón, ja̱ jmí kjo̱a̱ꞌniújiín nga sa̱ꞌínkjatjosón, kó Néná sa̱ꞌínjetakoón.
6Tsi ngo na̱ xi tikón xo̱ngò, kó tsi ta̱xkiya ku̱i̱chji̱a̱ nga ngo ni sa̱ꞌínkjatjosón ka̱tso̱, kósꞌe̱ jaskan ku̱i̱xan, 7kó tsi xi̱ꞌii̱n nijan ka̱ma kui naa̱, kjo̱a̱ꞌniútjínnií sa̱ꞌínkjatjosón ni xi katsóyàtjón nga sa̱ꞌín. 8Ta̱nga tsi nijánjín kamá xi̱ꞌii̱n kjo̱a̱a̱ kui ni xi katsóyàtjón nga sa̱ꞌín, jmí kjo̱a̱ꞌniújiín nga sa̱ꞌínkjatjosón, kó Néná sa̱ꞌínjetakoón.
9Ínchjiín tjínrií kjo̱a̱ꞌniú nga sa̱ꞌínkjatjosón ni xi katsoó Néná nga sa̱ꞌínkjatjosoón, ndatsi je íjñá ndi̱yà xi̱ꞌii̱n, ko̱jo tsi je kisꞌijña kꞌán nga je kꞌien xi̱ꞌii̱n.
10Tsi ngo xota̱chjo̱on xi je ixán xi ngo ni ka̱tso̱o̱ Néná nga sa̱ꞌínkjatjosón, 11kó tsi xi̱ꞌii̱n nijan ka̱ma, kui naa̱ kjo̱a̱ꞌniútjínnií nga sa̱ꞌínkjatjosón ni xi katsóyàtjón nga sa̱ꞌín. 12Ta̱nga tsi nijánjín kamá xi̱ꞌii̱n kjo̱a̱a̱ kui ni xi katsóyàtjón nga sa̱ꞌín, ja̱ jmí kjo̱a̱ꞌniújiín nga sa̱ꞌínkjatjosón, kó Néná sa̱ꞌínjetakoón.
13Nda̱ xi xi̱ꞌii̱n kui xota̱chjo̱on, kuí boá xi tikoón én xí fetꞌani kjiꞌanga chjo̱ón ngo ni ka̱tso̱o̱ Néná xi sa̱ꞌínkjatjosón. 14Tsi xi̱ꞌii̱n kui xota̱chjo̱on nijan kamá chjo̱ón kjo̱a̱a̱ ngo ni xi katsoó Néná nga sa̱ꞌínkjatjosón, tjínrií kjo̱a̱ꞌniú kuí xota̱chjo̱on nga sa̱ꞌínkjatjosón kui nii̱. 15Ta̱nga tsi xi̱ꞌii̱n kui xota̱chjo̱on nijan kamá mára, kósꞌe̱ jaskan ngije jaꞌa ni̱xtjin, tsja̱ndièjiín chjo̱ón nga sa̱ꞌínkjatjosón ni xi je katsoó Néná, kuí boá kui nda̱a̱ xi sꞌi̱nié jé ngindyi̱ko̱n Néná.
16Kuí bí kui kjo̱a̱botíxomaa̱ xi Néná katsjaá Moisee̱ kjo̱a̱a̱ kjiꞌanga ínchjiín tsóyaà Néná nga sa̱ꞌínkjatjosón ngo ni, tsi ínchjín xi je ixaán ko̱jo tsi xi síndo kꞌán xi kji̱e̱ jmí xi̱ꞌínjiín.
Currently Selected:
Xki̱ 30: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
