Éksondo̱ 37

Ni xi machjieén na̱ngo̱xi̱ ndikoón Néná

Koxa̱a̱ kjo̱a̱ꞌbíndaa̱

1-9Besalee̱l boá xi katsꞌénda koxa̱a̱ kjo̱a̱ꞌbíndaa̱ nga, kó yáꞌakasia̱ katsꞌéndani, kó nga ngo nga ngo nijon íjñaá ngo ni ńtsó, ko̱jo jó yá xí foxtikjaá ngindiee̱ xi chínkꞌajo̱ni koxa̱a̱, kó ti̱ katsꞌénda ngo tsꞌoa koxa̱ xi to̱nsinié xi jó keruu̱b índosoón. Bo̱a̱ má tsꞌén katsꞌénda xikoó chi̱bo̱a̱ xi atíxoma Néná nga ka̱manda.

Yámíxa̱ nínga ikꞌíjñasón pan xi kiniꞌánkꞌasꞌiee̱n Néná

10-16Besalee̱l ti̱ kui katsꞌénda yámíxa̱ nínga ikꞌíjñasón pan xi kiniꞌánkꞌasꞌiee̱n Néná xi yáꞌakasia̱ katsꞌéndani nga, ko̱jo jó yá xí foxtikjaá ngindiee̱ xi chínkꞌajo̱ni kui yámíxa̱a̱, ko̱jo ngayeje ni xi machjieén, kó to̱nsinié soboá soboá katsꞌéndani.

Ni xi ꞌbítíyá ndiꞌí xí tsꞌentsíjen xi to̱nsinieé

17-24Jaskan Besalee̱l katsꞌénda ni xi ꞌbítíyá ndiꞌí xí tsꞌentsíjee̱n ko̱jo nga yito ndiꞌií ko̱jo ni xí machjieén kui nii̱. Kantié ján kilo̱ to̱nsinié xi kui soboá soboá xi kamáchjieén nga katsꞌénda kui nii̱.

Ṉchandikón nínga ikꞌítí nisijee̱n

25-28Besalee̱l ti̱ yáꞌakasia̱ katsꞌéndani ṉchandikón nínga ꞌbítí nisijee̱n, ko̱jo jó yá xí foxtikjaá ngindiee̱ xi chínkꞌajo̱ni kui nii̱.

Istii̱ ko̱jo ni sije̱e̱n

29Besalee̱l katsꞌénda isti̱ xi nanginjon xota̱ xi boeꞌéxaá ko̱jo nisije̱n xi kuí soboá soboaá. Kó bo̱a̱ tsꞌén katsꞌénda, xikótsꞌèn niꞌánda ndásíje̱n xi ꞌniú ndaa̱.

Ngayeje kui nii̱ kamánda xi kótsꞌèn Néná atíxomaa̱ Moisee̱ nga ka̱manda.

Currently Selected:

Éksondo̱ 37: MAIX

Highlight

Copy