Ni xi kamá 22
22
1–Jún já ntsꞌie ko̱jo jún já xchá, ndaꞌyájnú ni xi kuichjiájojnúꞌun nga kuichji̱a̱tjé an yojona.
2Kó nga tsintꞌié xota̱ na̱xi̱ńdaá nga én ebreo̱ tsíchji̱a̱jo Pabloo̱, xió ngase kisꞌińdo, sꞌe̱ Pabloo̱ bi̱ katsó ngase nga tsíchji̱a̱jo:
3–Nda̱ jundío̱ an, ki̱a̱ katsen an na̱xi̱ńdáꞌniú Tarso̱, xi chji̱a̱ni nangi Silisia̱, ta̱nga kꞌi̱e̱ kamáxchá án kꞌi̱e̱ na̱xi̱ńdáꞌniú Jerusale̱n, kó kui nda̱ chji̱ni̱e̱ xi ꞌmí Ngamaliee̱l xí akóyána, xikó tsó kjo̱a̱kitii̱ xota̱ tji̱e̱ xcháná, chi̱ni̱ án kjo̱a̱a̱ Néná, xikó ndyi̱niꞌánjnú xi jún kui ni̱xtjin xi̱ꞌbi̱. 4Ngasꞌe̱ tsangatji̱ngíi̱ nga sa̱ꞌínkꞌién an xota̱ xi tjimátji̱ngi kui ndi̱yà tja̱tsi̱e̱e̱, kó katsoboa an kósꞌe̱ katsangisꞌien an ndo̱bo̱a̱yà xí chjo̱on xí xi̱ꞌin. 5Kó chináꞌmi xi ꞌniú nkꞌa xaá ko̱jo ngayeje xota̱ xi xchaá xi chistiko̱ kjo̱a̱a̱ kui nii̱, kó kuí jaá xi katsjána ngo xo̱jo̱n tsi̱ꞌe̱ já ntsꞌie xi jundío̱ xi chji̱a̱ni na̱xi̱ńdáꞌniú Ndamasko̱, kó kijí an kui ngi̱ndie jàn nga kijíngase an xota̱ xi sꞌijii̱n Kjisoo̱, tsi̱ꞌe̱ nga kjoéꞌe̱jo an kꞌi̱e̱ na̱xi̱ńdáꞌniú Jerusale̱n, kósꞌe̱ kꞌi̱e̱ ka̱majeé.
Bi̱ tsꞌén íni̱jmì Pabloo̱ xikótsꞌèn kisꞌijii̱n eén Néná
(Nxk 9:1-19; 26:12-18)
6Kó tji̱e̱nga tsꞌénfí an ndi̱ya̱à, kó ngije ma kjachó tiña an na̱xi̱ńdáꞌniú Ndamasko̱, mején ndisꞌuérá, ngo ndiꞌí xí ꞌniú kjindibáni ndiꞌakꞌajmi jàn xi ta̱niján ma jaꞌatjiyajonna, 7kó tsꞌákatójó an tꞌanangii̱, kó tsintꞌie an ngo nda̱ xi bi̱ katsóna: “Saulo̱, Saulo̱, míkjo̱a̱a̱ nga an timiyitji̱nginí.” 8Kó an bi̱ kixiáa̱n nga asíyaá kui xi tsꞌénchji̱a̱jona: “ꞌYá jí bo̱a̱ Ndi̱a̱.” Kó kui nda̱a̱, bi̱ katsóna: “Án boá xi Kjisoo̱, xi chji̱a̱ni na̱xi̱ńdáꞌniú Nasaree̱t, án xí timiyitji̱nginí.” 9Kui já xí nijan tjimájo̱na kamábe ja̱koxi̱ ndiꞌií, ta̱nga tsintꞌiéjiín nda̱ xi tsꞌénchji̱a̱jona. 10Kó bi̱ kixiáa̱n: “Mí xí mejeén nga sa̱ꞌin an Ndi̱a̱.” Kó Ndi̱a̱a̱ bi̱ katsóna: “Ti̱sítji̱n, kó ta̱kó tꞌenra ji na̱xi̱ńdáꞌniú Ndamasko̱, kó ki̱a̱ kꞌuiyaá ngayeje ni xi si̱ꞌin ji.” 11Kó nda̱a̱ ndiꞌií kui kjo̱a̱jee̱ katsꞌénti̱ka̱na, kó kuíni nga já xí nijan tsoꞌbájo̱ an iskjíbengína nga kijíjo̱na ngaskande na̱xi̱ńdáꞌniú Ndamasko̱.
12Kó ki̱a̱ kui ngindiee̱ tikón ngo nda̱ xi ꞌmí Ananiya̱, ngo nda̱ xi ꞌniú ni̱ma̱ máa xotaa̱ ko̱jo xi ꞌniú kamábendikón kjo̱a̱kitii̱ Moisee̱, ngayeje xota̱ jundío̱ xi síndo na̱xi̱ńdáꞌniú Ndamasko̱ kjén nga ta̱ nda tsíchji̱a̱ kjo̱a̱a̱ kui nda̱a̱, 13kó jachókónna, kó ngije jeꞌekón tiñana, bi̱ katsóna: “Nda̱ ntsꞌie Saulo̱, ngatamatsijen nginií.” Kósꞌe̱ ti̱ kjiꞌa kamátsijenna, kó kamábe an nda̱ xi ꞌmí Ananiyaa̱. 14Kó bi̱ katsó ngasena: “Kuí Nee̱ xota̱ tji̱e̱ xcháná xí jaꞌájiin ji tsi̱ꞌe̱ nga xche̱ ji ngayeje ni xi mejeén sa̱ꞌín, ko̱jo tsi̱ꞌe̱ nga xche̱ ji Kjiso̱ xi kixi̱i̱, kó ko̱nda̱ꞌyé ji nda̱a̱ nga tsꞌoa má xi ku̱i̱chji̱a̱joo, 15ngatꞌa̱ jí xí ka̱ma ji chistiko̱, tsi̱ꞌe̱ ngayeje xotaa̱, kó bo̱a̱ tsꞌén kꞌuiyé ji ni xi xche̱ ko̱jo ni xi ko̱nda̱ꞌyé ji. 16Kó ngotꞌe̱ ꞌne̱, ngiti̱ chiyéjín ngase, ti̱sítji̱n, tatíndé jí yojòo̱, kó taníjín ngayeje jée̱ nga si̱ꞌinkaxome ji jaꞌeén Néná.”
Bi̱ tsꞌén kanangiya Pabloo̱ ngi̱jii̱n xota̱ xi jundío̱jín
17Kó ngije kijí nginí an na̱xi̱ńdáꞌniú Jerusale̱n, kijí an na̱ngo̱xi̱i̱ nga tsíchji̱a̱a̱ Néná, kó ki̱a̱ akakona ngo ni. 18Kamábe an Néná nga bi̱ katsóna: “Tsá ti̱ꞌíi̱n yojòo̱, kó tsá ti̱tjaxi̱e̱ ji na̱xi̱ńdáꞌniú Jerusale̱n, ngatꞌa̱ jmíjín xi sꞌi̱jii̱n ni xi ko̱ndókjo̱e̱ kjo̱a̱a̱ an.” 19Kó án bi̱ kixiáa̱n: “Ndi̱a̱, jè be ngayeje kui xotaa̱ nga án xí kistsoꞌbá an ngayeje ndiꞌa nínga ndokjo̱a̱ eén Néná, kó kijíjo̱ an ndo̱bo̱a̱yà kui xota̱ xi kisꞌijii̱n ji, kó katsꞌenꞌóo̱n, 20kó kjiꞌanga kiniꞌánkꞌién mosoo̱ xi ꞌmí Ixtibaa̱, xi tsíchji̱a̱ kjo̱a̱a̱ ji, ti̱ ki̱a̱ tikòn an nga, kó nda kasasienna nga kiniꞌánkꞌién, kó ngaskande ti̱ an askóo̱n ńjñoo̱ xota̱ xi katsꞌénkꞌién.” 21Kó Néná bi̱ katsóna: “Jè ka̱ma kꞌuin ji ꞌne̱, ngatꞌa̱ kjin nangi nínga sangiyaa ji nínga síndo xota̱ xi jundío̱jín.”
Nda̱jun ngito̱ko̱o̱ bi̱ tsꞌén katsoboá Pabloo̱
22Kó ngaskande kꞌi̱e̱ tji̱e̱n jachó nga tsíchji̱a̱ Pabloo̱, sꞌe̱ ítsꞌi̱yanii̱ nga askjandáyà má xota̱ na̱xi̱ńdaá, nga bi̱ katsó:
–¡Kui nda̱a̱ chjiénjín nga kꞌuijñá ngase! ¡Ta̱sá ti̱ꞌankꞌiènjnú, ngiti̱ mejénjínjne̱ xcha̱ ji̱n nga kꞌuijñá ngase!
23Kó nga askjandáyà kui xotaa̱, ítsanie má ńjñoo̱ nga ndyi̱ꞌbojmi xa̱a̱ ngi̱jinꞌa̱sie̱èn, 24nda̱ ngito̱ko̱o̱ jájuún katsjákjo̱a̱ tsi̱ꞌe̱ nga ko̱na̱ngísꞌién Pabloo̱ ngi̱ya ndiꞌaa̱ jájuún, kó katsjákjo̱a̱ nga kjoaá tsi̱ꞌe̱ nga ku̱i̱e̱je̱ntsꞌoa míkjo̱a̱a̱ nga xota̱ na̱xi̱ńdaá ndyi̱kjandayà nga chꞌoo̱ kui. 25Ta̱nga ngije tjitáꞌniú tsi̱ꞌe̱ nga kjoaá, Pabloo̱ bi̱ katsó nga asíyaá nda̱ ngito̱ko̱o̱ jájuún xi nkꞌa ngase xaá xi tikónjin ki̱a̱a̱:
–A tsjandièjnú kjo̱a̱kitii̱ nga ka̱ma kjoájnúu̱ ngo nda̱ Roma̱, kó ngase nga kji̱e̱ sakójínjnú ngo jé xí katsꞌén.
26Kó nga tsintꞌié kuí nii̱, kui nda̱jun ngito̱ko̱ xi nkꞌa ngase xaá kijítsóyaà nda̱jun ngito̱ko̱ xi ingoo̱, nga bi̱ katsoó:
–Mí xí si̱ꞌin ji. A yejín nga kui nda̱a̱, nda̱ Roma̱ boá.
27Sꞌe̱ nda̱jun ngito̱ko̱o̱ kijíkóntiñaa̱ Pabloo̱, kó bi̱ katsó nga asíyaá:
–A kjén xoò nga nda̱ Roma̱ ji.
Sꞌe̱ Pabloo̱, bi̱ katsó:
–Jo̱o̱n.
28Kó nda̱jun ngito̱ko̱o̱, bi̱ katsoó:
–An achichí to̱n kisꞌingina nga nda̱ Roma̱ kamá an.
Kó Pabloo̱ bi̱ katsó:
Ta̱nga an ki̱a̱ katsen an ngo na̱xi̱ńdá xí chji̱a̱ni Roma̱, kuíni nga nda̱ Roma̱ án.
29Ta̱nga ngije bo̱a̱ katsó, kui já xí ko̱ꞌon Pabloo̱ katsaki, tji̱e̱nmá kitsjuien, kó ngaskande ti̱ kui nda̱ ngito̱ko̱o̱ jájuún, ngije tsintꞌié nga Pabloo̱ nda̱ Roma̱ boá, katsakjónní ngatꞌa̱ ngaskande ńꞌniúki̱cha̱ má ikꞌítꞌaꞌniú.
Bi̱ tsꞌén tsangínjo̱ Pabloo̱ ngindyi̱ko̱n jáxá jundíoo̱
30Nga kamángindyiojón, nda̱jun ngito̱ko̱o̱, kamámejeén sku̱i̱e̱ cha̱n cha̱n míkjo̱a̱a̱ nga ndyi̱bongítaꞌin Pabloo̱ já jundíoo̱, sꞌe̱ jaꞌáxiín ńꞌniúki̱cha̱ xi tjitáꞌniúní, kó ítikó ngayeje já ngito̱ko̱o̱ chináꞌmii̱, ko̱jo ngayeje jáxá ngito̱ko̱o̱, sꞌe̱ jachójo̱ Pabloo̱ ngindyi̱ko̱n kui jáxaá.
Currently Selected:
Ni xi kamá 22: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Ni xi kamá 22
22
1–Jún já ntsꞌie ko̱jo jún já xchá, ndaꞌyájnú ni xi kuichjiájojnúꞌun nga kuichji̱a̱tjé an yojona.
2Kó nga tsintꞌié xota̱ na̱xi̱ńdaá nga én ebreo̱ tsíchji̱a̱jo Pabloo̱, xió ngase kisꞌińdo, sꞌe̱ Pabloo̱ bi̱ katsó ngase nga tsíchji̱a̱jo:
3–Nda̱ jundío̱ an, ki̱a̱ katsen an na̱xi̱ńdáꞌniú Tarso̱, xi chji̱a̱ni nangi Silisia̱, ta̱nga kꞌi̱e̱ kamáxchá án kꞌi̱e̱ na̱xi̱ńdáꞌniú Jerusale̱n, kó kui nda̱ chji̱ni̱e̱ xi ꞌmí Ngamaliee̱l xí akóyána, xikó tsó kjo̱a̱kitii̱ xota̱ tji̱e̱ xcháná, chi̱ni̱ án kjo̱a̱a̱ Néná, xikó ndyi̱niꞌánjnú xi jún kui ni̱xtjin xi̱ꞌbi̱. 4Ngasꞌe̱ tsangatji̱ngíi̱ nga sa̱ꞌínkꞌién an xota̱ xi tjimátji̱ngi kui ndi̱yà tja̱tsi̱e̱e̱, kó katsoboa an kósꞌe̱ katsangisꞌien an ndo̱bo̱a̱yà xí chjo̱on xí xi̱ꞌin. 5Kó chináꞌmi xi ꞌniú nkꞌa xaá ko̱jo ngayeje xota̱ xi xchaá xi chistiko̱ kjo̱a̱a̱ kui nii̱, kó kuí jaá xi katsjána ngo xo̱jo̱n tsi̱ꞌe̱ já ntsꞌie xi jundío̱ xi chji̱a̱ni na̱xi̱ńdáꞌniú Ndamasko̱, kó kijí an kui ngi̱ndie jàn nga kijíngase an xota̱ xi sꞌijii̱n Kjisoo̱, tsi̱ꞌe̱ nga kjoéꞌe̱jo an kꞌi̱e̱ na̱xi̱ńdáꞌniú Jerusale̱n, kósꞌe̱ kꞌi̱e̱ ka̱majeé.
Bi̱ tsꞌén íni̱jmì Pabloo̱ xikótsꞌèn kisꞌijii̱n eén Néná
(Nxk 9:1-19; 26:12-18)
6Kó tji̱e̱nga tsꞌénfí an ndi̱ya̱à, kó ngije ma kjachó tiña an na̱xi̱ńdáꞌniú Ndamasko̱, mején ndisꞌuérá, ngo ndiꞌí xí ꞌniú kjindibáni ndiꞌakꞌajmi jàn xi ta̱niján ma jaꞌatjiyajonna, 7kó tsꞌákatójó an tꞌanangii̱, kó tsintꞌie an ngo nda̱ xi bi̱ katsóna: “Saulo̱, Saulo̱, míkjo̱a̱a̱ nga an timiyitji̱nginí.” 8Kó an bi̱ kixiáa̱n nga asíyaá kui xi tsꞌénchji̱a̱jona: “ꞌYá jí bo̱a̱ Ndi̱a̱.” Kó kui nda̱a̱, bi̱ katsóna: “Án boá xi Kjisoo̱, xi chji̱a̱ni na̱xi̱ńdáꞌniú Nasaree̱t, án xí timiyitji̱nginí.” 9Kui já xí nijan tjimájo̱na kamábe ja̱koxi̱ ndiꞌií, ta̱nga tsintꞌiéjiín nda̱ xi tsꞌénchji̱a̱jona. 10Kó bi̱ kixiáa̱n: “Mí xí mejeén nga sa̱ꞌin an Ndi̱a̱.” Kó Ndi̱a̱a̱ bi̱ katsóna: “Ti̱sítji̱n, kó ta̱kó tꞌenra ji na̱xi̱ńdáꞌniú Ndamasko̱, kó ki̱a̱ kꞌuiyaá ngayeje ni xi si̱ꞌin ji.” 11Kó nda̱a̱ ndiꞌií kui kjo̱a̱jee̱ katsꞌénti̱ka̱na, kó kuíni nga já xí nijan tsoꞌbájo̱ an iskjíbengína nga kijíjo̱na ngaskande na̱xi̱ńdáꞌniú Ndamasko̱.
12Kó ki̱a̱ kui ngindiee̱ tikón ngo nda̱ xi ꞌmí Ananiya̱, ngo nda̱ xi ꞌniú ni̱ma̱ máa xotaa̱ ko̱jo xi ꞌniú kamábendikón kjo̱a̱kitii̱ Moisee̱, ngayeje xota̱ jundío̱ xi síndo na̱xi̱ńdáꞌniú Ndamasko̱ kjén nga ta̱ nda tsíchji̱a̱ kjo̱a̱a̱ kui nda̱a̱, 13kó jachókónna, kó ngije jeꞌekón tiñana, bi̱ katsóna: “Nda̱ ntsꞌie Saulo̱, ngatamatsijen nginií.” Kósꞌe̱ ti̱ kjiꞌa kamátsijenna, kó kamábe an nda̱ xi ꞌmí Ananiyaa̱. 14Kó bi̱ katsó ngasena: “Kuí Nee̱ xota̱ tji̱e̱ xcháná xí jaꞌájiin ji tsi̱ꞌe̱ nga xche̱ ji ngayeje ni xi mejeén sa̱ꞌín, ko̱jo tsi̱ꞌe̱ nga xche̱ ji Kjiso̱ xi kixi̱i̱, kó ko̱nda̱ꞌyé ji nda̱a̱ nga tsꞌoa má xi ku̱i̱chji̱a̱joo, 15ngatꞌa̱ jí xí ka̱ma ji chistiko̱, tsi̱ꞌe̱ ngayeje xotaa̱, kó bo̱a̱ tsꞌén kꞌuiyé ji ni xi xche̱ ko̱jo ni xi ko̱nda̱ꞌyé ji. 16Kó ngotꞌe̱ ꞌne̱, ngiti̱ chiyéjín ngase, ti̱sítji̱n, tatíndé jí yojòo̱, kó taníjín ngayeje jée̱ nga si̱ꞌinkaxome ji jaꞌeén Néná.”
Bi̱ tsꞌén kanangiya Pabloo̱ ngi̱jii̱n xota̱ xi jundío̱jín
17Kó ngije kijí nginí an na̱xi̱ńdáꞌniú Jerusale̱n, kijí an na̱ngo̱xi̱i̱ nga tsíchji̱a̱a̱ Néná, kó ki̱a̱ akakona ngo ni. 18Kamábe an Néná nga bi̱ katsóna: “Tsá ti̱ꞌíi̱n yojòo̱, kó tsá ti̱tjaxi̱e̱ ji na̱xi̱ńdáꞌniú Jerusale̱n, ngatꞌa̱ jmíjín xi sꞌi̱jii̱n ni xi ko̱ndókjo̱e̱ kjo̱a̱a̱ an.” 19Kó án bi̱ kixiáa̱n: “Ndi̱a̱, jè be ngayeje kui xotaa̱ nga án xí kistsoꞌbá an ngayeje ndiꞌa nínga ndokjo̱a̱ eén Néná, kó kijíjo̱ an ndo̱bo̱a̱yà kui xota̱ xi kisꞌijii̱n ji, kó katsꞌenꞌóo̱n, 20kó kjiꞌanga kiniꞌánkꞌién mosoo̱ xi ꞌmí Ixtibaa̱, xi tsíchji̱a̱ kjo̱a̱a̱ ji, ti̱ ki̱a̱ tikòn an nga, kó nda kasasienna nga kiniꞌánkꞌién, kó ngaskande ti̱ an askóo̱n ńjñoo̱ xota̱ xi katsꞌénkꞌién.” 21Kó Néná bi̱ katsóna: “Jè ka̱ma kꞌuin ji ꞌne̱, ngatꞌa̱ kjin nangi nínga sangiyaa ji nínga síndo xota̱ xi jundío̱jín.”
Nda̱jun ngito̱ko̱o̱ bi̱ tsꞌén katsoboá Pabloo̱
22Kó ngaskande kꞌi̱e̱ tji̱e̱n jachó nga tsíchji̱a̱ Pabloo̱, sꞌe̱ ítsꞌi̱yanii̱ nga askjandáyà má xota̱ na̱xi̱ńdaá, nga bi̱ katsó:
–¡Kui nda̱a̱ chjiénjín nga kꞌuijñá ngase! ¡Ta̱sá ti̱ꞌankꞌiènjnú, ngiti̱ mejénjínjne̱ xcha̱ ji̱n nga kꞌuijñá ngase!
23Kó nga askjandáyà kui xotaa̱, ítsanie má ńjñoo̱ nga ndyi̱ꞌbojmi xa̱a̱ ngi̱jinꞌa̱sie̱èn, 24nda̱ ngito̱ko̱o̱ jájuún katsjákjo̱a̱ tsi̱ꞌe̱ nga ko̱na̱ngísꞌién Pabloo̱ ngi̱ya ndiꞌaa̱ jájuún, kó katsjákjo̱a̱ nga kjoaá tsi̱ꞌe̱ nga ku̱i̱e̱je̱ntsꞌoa míkjo̱a̱a̱ nga xota̱ na̱xi̱ńdaá ndyi̱kjandayà nga chꞌoo̱ kui. 25Ta̱nga ngije tjitáꞌniú tsi̱ꞌe̱ nga kjoaá, Pabloo̱ bi̱ katsó nga asíyaá nda̱ ngito̱ko̱o̱ jájuún xi nkꞌa ngase xaá xi tikónjin ki̱a̱a̱:
–A tsjandièjnú kjo̱a̱kitii̱ nga ka̱ma kjoájnúu̱ ngo nda̱ Roma̱, kó ngase nga kji̱e̱ sakójínjnú ngo jé xí katsꞌén.
26Kó nga tsintꞌié kuí nii̱, kui nda̱jun ngito̱ko̱ xi nkꞌa ngase xaá kijítsóyaà nda̱jun ngito̱ko̱ xi ingoo̱, nga bi̱ katsoó:
–Mí xí si̱ꞌin ji. A yejín nga kui nda̱a̱, nda̱ Roma̱ boá.
27Sꞌe̱ nda̱jun ngito̱ko̱o̱ kijíkóntiñaa̱ Pabloo̱, kó bi̱ katsó nga asíyaá:
–A kjén xoò nga nda̱ Roma̱ ji.
Sꞌe̱ Pabloo̱, bi̱ katsó:
–Jo̱o̱n.
28Kó nda̱jun ngito̱ko̱o̱, bi̱ katsoó:
–An achichí to̱n kisꞌingina nga nda̱ Roma̱ kamá an.
Kó Pabloo̱ bi̱ katsó:
Ta̱nga an ki̱a̱ katsen an ngo na̱xi̱ńdá xí chji̱a̱ni Roma̱, kuíni nga nda̱ Roma̱ án.
29Ta̱nga ngije bo̱a̱ katsó, kui já xí ko̱ꞌon Pabloo̱ katsaki, tji̱e̱nmá kitsjuien, kó ngaskande ti̱ kui nda̱ ngito̱ko̱o̱ jájuún, ngije tsintꞌié nga Pabloo̱ nda̱ Roma̱ boá, katsakjónní ngatꞌa̱ ngaskande ńꞌniúki̱cha̱ má ikꞌítꞌaꞌniú.
Bi̱ tsꞌén tsangínjo̱ Pabloo̱ ngindyi̱ko̱n jáxá jundíoo̱
30Nga kamángindyiojón, nda̱jun ngito̱ko̱o̱, kamámejeén sku̱i̱e̱ cha̱n cha̱n míkjo̱a̱a̱ nga ndyi̱bongítaꞌin Pabloo̱ já jundíoo̱, sꞌe̱ jaꞌáxiín ńꞌniúki̱cha̱ xi tjitáꞌniúní, kó ítikó ngayeje já ngito̱ko̱o̱ chináꞌmii̱, ko̱jo ngayeje jáxá ngito̱ko̱o̱, sꞌe̱ jachójo̱ Pabloo̱ ngindyi̱ko̱n kui jáxaá.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014