Ni xi kamá 21
21
Bi̱ tsꞌén kijí Pabloo̱ na̱xi̱ńdáꞌniú Jerusale̱n
1Kjiꞌa ngije ikꞌíjñájne̱ já ntsꞌiee̱, tsanginyájne̱ ngo tjotso je, kó tsangín ndojójne̱ ngaskande tji̱ngi̱ xi ꞌmí Koo̱, kó bo̱a̱ tsꞌén nga kamángindyiojón tsangínjne̱ tji̱ngi̱ xi ꞌmí Ronda̱, kó ki̱a̱ tsangínni ji̱n ngaskande nga jáchójne̱ na̱xi̱ńdáꞌniú xi ꞌmí Pátara̱. 2Kó ki̱a̱ kasakojne̱ ngo tjotso je xi tsꞌénfí nangi Fenisia̱, kó kui tsanginyájne̱. 3Kó nga ikitjajne̱ kamáyàjne̱ tji̱ngi̱ Chipre̱, kó xtji̱e̱e̱n ndsa̱ skónjne̱ kisꞌijña kui tji̱ngi̱i̱, ngaskande nga jáchójne̱ nangi Siria̱, ngatꞌa̱ kui tjotso je xi tindyionyájne̱ chꞌià katsꞌénkjatjajen ki̱a̱ na̱xi̱ńdáꞌniú Tiroo̱, kó ki̱a̱ jáchójne̱. 4Kó ki̱a̱ kasakojne̱ xota̱ xi sꞌijii̱n Kjisoo̱, kó yito ni̱xtjin kamájne̱ nga kixindyionjo̱jne̱ ki̱a̱a̱, kó kui xotaa̱ A̱si̱énni̱xtjii̱n Néná katsóyàtjoón nga kiꞌmíyaà kjo̱a̱a̱ Pabloo̱ nga ta̱sá ko̱e̱je̱jín na̱xi̱ńdáꞌniú Jerusale̱n, kó katsóyaà Pabloo̱ kui nii̱. 5Kó ngije jaꞌa xi ma yito ni̱xtjin, tsangínjne̱, kó ngayeje kui jaá kijíjo̱ chjo̱ón ko̱jo ndií, nínga kijíjo̱jne̱ ngaskande ndi̱tsee̱n na̱xi̱ńdáꞌniuú, kó ki̱a̱ nga̱nde ndáchíkoón ikindyia yejejne̱ tikójne̱, ko̱jo kandokjo̱a̱jne̱ Néná. 6Jaskan ngije kiniꞌánkixotꞌajne̱ xingi̱jne̱, tsanginyájne̱ tjotso jee̱, kó kui jaá kijíꞌoyá nginí ndiꞌaa̱.
7Kó ngije jetꞌajne̱ nga tsangínjne̱ ngi̱jin ndáchíkoón nga tsangínni ji̱n na̱xi̱ńdáꞌniú Tiroo̱ ngaskande na̱xi̱ńdáꞌniú Tolemainda̱, nínga kiniꞌántindejne̱ já ntsꞌiee̱, ngo ni̱xtjin kamájne̱ nga kixindyionjo̱jne̱ ki̱a̱a̱. 8Kó nga kamángindyiojón tsangínjne̱, kó bo̱a̱ tsꞌén jáchójne̱ ngaskande na̱xi̱ńdáꞌniú Sesarea̱, kó tsangínjne̱ ndiꞌaa̱ Ngiripee̱, nda̱ xi chji̱a̱ eén Néná, kui xi ma yitoni já xí asíko̱jo já apostroo̱, kó ki̱a̱ kixindyionjo̱jne̱ kui nda̱a̱. 9Ngiripee̱ nijón ínchjín xo̱ngò tjiín, kui ínchjiín xi tsíchji̱a̱ xikoó chji̱ni̱e̱ꞌe̱én Néná. 10Kó kjín ni̱xtjin kixindyionjne̱ ki̱a̱ nangi Sesarea̱, kó jachó ngo nda̱chji̱ni̱e̱ꞌe̱én Néná xi chji̱a̱ni nangi Jundea̱ xi ꞌmí Angabo̱, 11kui nda̱ xi nga jachókónjne̱, iskjíbé tji̱xi̱ín Pabloo̱, ítaꞌniú tsja ko̱jo se, sꞌe̱ bi̱ katsó:
–A̱si̱énni̱xtjii̱n Néná, bi̱ katsó nga ki̱a̱ xò na̱xi̱ńdáꞌniú Jerusale̱n xota̱ jundíoo̱ bi̱ xò tsꞌén ku̱i̱ꞌítaꞌniú nda̱ xi tsi̱ꞌe̱ kui tji̱xi̱ín, kósꞌe̱ sa̱ꞌínkꞌasꞌien xò ngi̱ya tsja xota̱ xi jundío̱jiín.
12Kó nga kandaꞌyájne̱ kui eén, ji̱n ko̱jo xota̱ xi chji̱a̱ni na̱xi̱ńdáꞌniú Sesarea̱ ꞌniú kichjiáꞌájne̱ Pabloo̱ tsi̱ꞌe̱ nga ko̱e̱je̱jín na̱xi̱ńdáꞌniú Jerusale̱n. 13Kósꞌe̱ Pabloo̱, bi̱ katsójne̱:
–Mí kjoaá nga ndyi̱chaꞌájnú, kó ngaskande an kjimandasee̱n ini̱ma̱na. An jè tikónda an nga jmí tsi ta̱ kꞌuíꞌniútsína, ko̱jo tsi ngaskande nga niꞌánkꞌiénna ki̱a̱ na̱xi̱ńdáꞌniú Jerusale̱n, ta̱ngatꞌanii̱ jaꞌeén Ndi̱a̱ná Kjisoo̱.
14Kó nga kamáꞌindakónjínjne̱, ta̱sá bi̱ kiꞌmíjne̱:
–Ngatama ni xi mejeén Ndi̱a̱ná nga ka̱ma.
15Jaskan ngije kamá kui nii̱, ikꞌíndajne̱ yojojne̱, sꞌe̱ tsangínjne̱ na̱xi̱ńdáꞌniú Jerusale̱n. 16Kó tjín xota̱ xi sꞌijii̱n eén Néná xí nijan kijíjo̱jne̱ xi chji̱a̱ni na̱xi̱ńdáꞌniú Sesarea̱, kui xotaa̱ xi kijíjo̱jne̱ ndiꞌaa̱ ngo nda̱ xi chji̱a̱ni tji̱ngi̱ Chipre̱ xi ꞌmí Mnaso̱n, nda̱ xi je tsienii̱ nga sꞌijii̱n eén Néná, kuí xí tsja̱ndièjne̱ nga ki̱a̱ ku̱i̱ndyionjne̱ ndiꞌaa̱ katsaki.
Pabloo̱ bi̱ tsꞌén kijí ndiꞌaa̱ Sandiyaá
17Kó nga jáchójne̱ na̱xi̱ńdáꞌniú Jerusale̱n, já ntsꞌiee̱ achichí tsja kamaá nga jáchochonjne̱. 18Kó nga kamángindyiojón Pabloo̱ nijan kijíjo̱jne̱ nga tsangínchonjne̱ Sandiyaá, kó ti̱ ki̱a̱ síndo ngayeje xota̱ xi xchaá na̱ngo̱xi̱i̱ nga. 19Kó ngije Pabloo̱ katsꞌéntinde, katsóyà cha̱n cha̱a̱n nga ngo nga ngo ni xi katsꞌén Néná ngi̱ya tsja tsi̱ꞌe̱ ngi̱jii̱n xota̱ xi jundío̱jiín. 20Kó ngije tsintꞌié kui xotaa̱, katsjaá kjo̱a̱je Néná, sꞌe̱ bi̱ kiꞌmií Pabloo̱:
–Ndakjíꞌí nda̱ ntsꞌie, já jè yé ji nga ngi̱jii̱n xota̱ jundíoo̱ ta̱ mi̱jínra̱ ma xota̱ xi je kisꞌijii̱n eén Néná, kó ngayeje kui xotaa̱ achichí ndyi̱tsꞌènchíni̱tꞌaa̱ kjo̱a̱kitii̱ Moisee̱. 21Kó tjíniꞌánkintꞌiè kjo̱a̱a̱ ji xota̱ xi jundío̱ xi síndo ngi̱jii̱n xota̱ xi jundío̱jín, nga ngayejee̱ nga tibokoyée̱ nga ku̱i̱ꞌíjñátꞌaxín kjo̱a̱kitii̱ Moisee̱, kó bo̱a̱ tꞌísée̱ nga ka̱májín sa̱ꞌiín sirkunsisioo̱n jákjíndií, ti̱nde ka̱májín sa̱ꞌín kjo̱a̱xchá xí tjínná. 22Mí xí si̱ꞌán ꞌne̱. Ta̱kó sku̱i̱e̱ xotaa̱ nga jéꞌe̱ ji. 23Ta̱sá nda ngase nga si̱ꞌin ji kui nii̱: Kꞌi̱e̱ ngi̱jinná nijón má já xí síndojinná xi chjiéngá sa̱ꞌínkjatjosón ngo ni xi katsóyàtjoón Néná nga sa̱ꞌín. 24Tꞌenje̱ ji, nijan ti̱ꞌantsjiejónjnú yojojnú, kó tꞌíchjíi̱ to̱n xi kju̱i̱e̱e̱ tsi̱ꞌe̱ nga kui jaá ka̱ma ku̱i̱ꞌíjón taka takaa̱ to̱ko̱, kó bo̱a̱ tsꞌén sku̱i̱e̱ ngayejee̱ nga ja̱koxi̱jín ni xi tjíꞌmí kjo̱a̱a̱ ji, kó nga ta̱sá jí tiniꞌínkjatjosén kjo̱a̱kitii̱. 25Kó kjo̱a̱a̱ xota̱ xi jundío̱jín xi je kisꞌijii̱n eén Néná, jè kiniꞌánꞌindójne̱ ngo xo̱jo̱n, nínga kiꞌmíyàjne̱ nga ka̱májín skji̱ni̱e̱ yojoo̱ cho̱ xi je kiniꞌánkꞌasꞌiee̱n a̱sie̱én ngo ne xi tsꞌénda xotaa̱, ti̱nde ka̱májín skji̱ni̱e̱ jín, ko̱jo yojoo̱ cho̱ xi niꞌánxíndo nga niꞌánkꞌién, kó ti̱ bo̱a̱ ti̱ tsꞌén ka̱májín tondo̱ ka̱ma.
26Kósꞌe̱ bo̱a̱ tsꞌén Pabloo̱ kijíjo̱ nga nijón kui jaá, kó nga kamángindyiojón nijan katsꞌéntsjiejón yojoo̱, kósꞌe̱ jaskan tsꞌasꞌien na̱ngo̱xi̱i̱ tsi̱ꞌe̱ nga katsóyaà kjiꞌání nga kju̱i̱e̱tꞌa ni̱xtjin nga kjo̱tjosón ni xi katsóyàtjón nga sa̱ꞌín, ko̱jo kjo̱a̱a̱ kjiꞌání nga sa̱ꞌínkꞌasꞌien chji̱e̱e̱ nga ngo nga ngo kui jaá.
27Kó ngije ma kjie xi yito ni̱xtjii̱n, chiboa já jundíoo̱ xi chji̱a̱ni nangi Asia̱ kamábe Pabloo̱ ngi̱ya na̱ngo̱xi̱i̱, kó kui jaá xi indyiákjaán xota̱ na̱xi̱ńdaá. Kósꞌe̱ kjítsꞌuieé Pabloo̱, 28kó askjandáyà má nga bi̱ katsó:
–¡Jún bo̱a̱ já Israee̱l, tasíke̱jejne̱! Kuí nda̱ xi̱ꞌbi̱ xi tsoꞌbá ta̱jñà nanginí nga tsꞌénbokoyaá xotaa̱ ngo ni kondraa̱ xota̱ nangíná, xi kondra̱ tikoón kjo̱a̱kitii̱ Moisee̱ ko̱jo kondra̱ tikoón kui na̱ngo̱xi̱i̱, kósꞌe̱ bo̱a̱ tsꞌén ngotꞌe̱ kꞌi̱e̱ tjítsꞌénkꞌásꞌién kui na̱ngo̱xi̱i̱ xota̱ ngriengo̱, kó kuí boá nga xi tjítsꞌéndándí kuí ngi̱ndie tsjiee̱ Néná.
29Ngatꞌa̱ ngi̱ndie ni̱xtjin kamáyà Pabloo̱ ki̱a̱ na̱xi̱ńdaá nga tsoꞌbájo̱ nda̱ xi ꞌmí Trófimoo̱ xi chji̱a̱ni na̱xi̱ńdáꞌniú Éfeso̱, kó katsꞌénkjó kui xotaa̱ nga Pabloo̱ xí kijíjo̱ ki̱a̱ na̱ngo̱xi̱i̱.
30Kó ngayeje xota̱ na̱xi̱ńdaá kamákjaán, kó tsá kamátikó xota̱ kjiín, kó kandobá Pabloo̱, sꞌe̱ kachjafé kachjaṉña nga kaꞌnaxié ndi̱tsen na̱ngo̱xi̱i̱, kó ja̱ kó íchjá nga̱ntjo̱a̱a̱. 31Kó ngije ma niꞌánkꞌién má Pabloo̱, jachoó én nda̱ ngito̱ko̱o̱ jájún xi chji̱a̱ni na̱xi̱ńdá Roma̱ nga ngayeje xota̱ na̱xi̱ńdáꞌniú Jerusale̱n kamáxtií, 32kó kui nda̱ ngito̱ko̱o̱ tji̱e̱nmá ítikó jájún, ko̱jo jájún xi nkꞌa xaá, kó tsanga má nga kijí nínga síndotikó xotaa̱, kó xota̱ na̱xi̱ńdaá ngije kamábe ngito̱ko̱o̱ jájuún ko̱jo jájuún, ngiti̱ yeꞌéjínnii̱ Pabloo̱. 33Kósꞌe̱ nda̱ ngito̱ko̱o̱ jájuún kijíkóntiñaa̱, kó katsoboá Pabloo̱, sꞌe̱ katsjaákjo̱a̱ jájuún nga jó ńꞌniúki̱cha̱ ikꞌítꞌaꞌniú, kó asíyá ꞌyá kuií bo̱a̱, ko̱jo mí ni xi katsꞌén. 34Ta̱nga tjín xota̱ xi ndyi̱kjandayà má nga ngo ni tsíchji̱a̱, kó kje̱ꞌe xi kje̱ꞌe ni katsó, kó ngaskande nda̱ ngito̱ko̱o̱ jájuún nde kamájiín katsꞌéndajin kui kjo̱a̱a̱, ta̱ngatꞌanii̱ nga achichí se ndyi̱tsꞌèn xota̱ na̱xi̱ńdaá, kó kuíni nga katsjákjo̱a̱ nga tsangínjo̱ Pabloo̱ ki̱a̱ ndiꞌa nínga síndo jájuún. 35Kó nga jachó ki̱a̱ xókíjoo̱n ndiꞌaa̱ jájuún, ja̱chon nga kichínkꞌá tsí Pabloo̱, ngatꞌa̱ achichí ndyi̱tsꞌènxchán xota̱ kjiín, 36ngatꞌa̱ ngayeje kui xotaa̱ ki̱a̱ tjimátji̱ngii̱ nga ndyi̱kjandayà má nga bi̱ katsó:
–¡Ngatꞌien Pabloo̱!
Bi̱ tsꞌén tsꞌaxiéꞌá yojoo̱ Pabloo̱ ngindyi̱ko̱n xota̱ na̱xi̱ńdaá
37Ngije si̱ꞌankꞌasꞌién má ki̱a̱ ngi̱ya ndiꞌaa̱ jájuún, Pabloo̱ bi̱ tsꞌén asíyaá nda̱ ngito̱ko̱o̱ jájuún:
–Ji, a ka̱ma kuichjiájo ngotjoón.
Sꞌe̱ bi̱ katsó nda̱ ngito̱ko̱o̱ jájuún:
–A maári ndokjo̱a̱ én ngriengo̱. 38A jijín bo̱a̱ kui nda̱ xi chji̱a̱ni nangi Ejipto̱ xi je tsienii̱ nga ítsꞌi̱yanii̱ nga tsꞌaxié ngo kjo̱a̱xchán, kó jatjojo̱ nijón mi̱ jájún kꞌijñaá ki̱a̱ nangi kixií.
39Sꞌe̱ Pabloo̱ bi̱ katsoó:
–Nda̱ jundío̱ an, kó na̱xi̱ńdáꞌniú Tarso̱ xi chji̱a̱ni nangi Silisia̱ katsen an, ngo nda̱ xi chji̱a̱ni ngo na̱xi̱ńdá xi ꞌniú chjínií, ta̱nga ngo kjo̱a̱nda míꞌaá, te̱ꞌéndièchiíní nga kuichjiájo an xota̱ na̱xi̱ńdaá.
40Kó nga nda̱ ngito̱ko̱o̱ jájuún katsjákjo̱a̱ nga tsíchji̱a̱, sꞌe̱ Pabloo̱ tji̱e̱nmá kasasienkixi̱ ki̱a̱ xókíjoo̱n kó ta̱ tsja tsí yejeén xotaa̱ tsi̱ꞌe̱ nga xió kisꞌińdo, kó kjiꞌa ngije xió kisꞌińdo xotaa̱, én ebreo̱ tsíchji̱a̱jo nga bi̱ katsó:
Currently Selected:
Ni xi kamá 21: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Ni xi kamá 21
21
Bi̱ tsꞌén kijí Pabloo̱ na̱xi̱ńdáꞌniú Jerusale̱n
1Kjiꞌa ngije ikꞌíjñájne̱ já ntsꞌiee̱, tsanginyájne̱ ngo tjotso je, kó tsangín ndojójne̱ ngaskande tji̱ngi̱ xi ꞌmí Koo̱, kó bo̱a̱ tsꞌén nga kamángindyiojón tsangínjne̱ tji̱ngi̱ xi ꞌmí Ronda̱, kó ki̱a̱ tsangínni ji̱n ngaskande nga jáchójne̱ na̱xi̱ńdáꞌniú xi ꞌmí Pátara̱. 2Kó ki̱a̱ kasakojne̱ ngo tjotso je xi tsꞌénfí nangi Fenisia̱, kó kui tsanginyájne̱. 3Kó nga ikitjajne̱ kamáyàjne̱ tji̱ngi̱ Chipre̱, kó xtji̱e̱e̱n ndsa̱ skónjne̱ kisꞌijña kui tji̱ngi̱i̱, ngaskande nga jáchójne̱ nangi Siria̱, ngatꞌa̱ kui tjotso je xi tindyionyájne̱ chꞌià katsꞌénkjatjajen ki̱a̱ na̱xi̱ńdáꞌniú Tiroo̱, kó ki̱a̱ jáchójne̱. 4Kó ki̱a̱ kasakojne̱ xota̱ xi sꞌijii̱n Kjisoo̱, kó yito ni̱xtjin kamájne̱ nga kixindyionjo̱jne̱ ki̱a̱a̱, kó kui xotaa̱ A̱si̱énni̱xtjii̱n Néná katsóyàtjoón nga kiꞌmíyaà kjo̱a̱a̱ Pabloo̱ nga ta̱sá ko̱e̱je̱jín na̱xi̱ńdáꞌniú Jerusale̱n, kó katsóyaà Pabloo̱ kui nii̱. 5Kó ngije jaꞌa xi ma yito ni̱xtjin, tsangínjne̱, kó ngayeje kui jaá kijíjo̱ chjo̱ón ko̱jo ndií, nínga kijíjo̱jne̱ ngaskande ndi̱tsee̱n na̱xi̱ńdáꞌniuú, kó ki̱a̱ nga̱nde ndáchíkoón ikindyia yejejne̱ tikójne̱, ko̱jo kandokjo̱a̱jne̱ Néná. 6Jaskan ngije kiniꞌánkixotꞌajne̱ xingi̱jne̱, tsanginyájne̱ tjotso jee̱, kó kui jaá kijíꞌoyá nginí ndiꞌaa̱.
7Kó ngije jetꞌajne̱ nga tsangínjne̱ ngi̱jin ndáchíkoón nga tsangínni ji̱n na̱xi̱ńdáꞌniú Tiroo̱ ngaskande na̱xi̱ńdáꞌniú Tolemainda̱, nínga kiniꞌántindejne̱ já ntsꞌiee̱, ngo ni̱xtjin kamájne̱ nga kixindyionjo̱jne̱ ki̱a̱a̱. 8Kó nga kamángindyiojón tsangínjne̱, kó bo̱a̱ tsꞌén jáchójne̱ ngaskande na̱xi̱ńdáꞌniú Sesarea̱, kó tsangínjne̱ ndiꞌaa̱ Ngiripee̱, nda̱ xi chji̱a̱ eén Néná, kui xi ma yitoni já xí asíko̱jo já apostroo̱, kó ki̱a̱ kixindyionjo̱jne̱ kui nda̱a̱. 9Ngiripee̱ nijón ínchjín xo̱ngò tjiín, kui ínchjiín xi tsíchji̱a̱ xikoó chji̱ni̱e̱ꞌe̱én Néná. 10Kó kjín ni̱xtjin kixindyionjne̱ ki̱a̱ nangi Sesarea̱, kó jachó ngo nda̱chji̱ni̱e̱ꞌe̱én Néná xi chji̱a̱ni nangi Jundea̱ xi ꞌmí Angabo̱, 11kui nda̱ xi nga jachókónjne̱, iskjíbé tji̱xi̱ín Pabloo̱, ítaꞌniú tsja ko̱jo se, sꞌe̱ bi̱ katsó:
–A̱si̱énni̱xtjii̱n Néná, bi̱ katsó nga ki̱a̱ xò na̱xi̱ńdáꞌniú Jerusale̱n xota̱ jundíoo̱ bi̱ xò tsꞌén ku̱i̱ꞌítaꞌniú nda̱ xi tsi̱ꞌe̱ kui tji̱xi̱ín, kósꞌe̱ sa̱ꞌínkꞌasꞌien xò ngi̱ya tsja xota̱ xi jundío̱jiín.
12Kó nga kandaꞌyájne̱ kui eén, ji̱n ko̱jo xota̱ xi chji̱a̱ni na̱xi̱ńdáꞌniú Sesarea̱ ꞌniú kichjiáꞌájne̱ Pabloo̱ tsi̱ꞌe̱ nga ko̱e̱je̱jín na̱xi̱ńdáꞌniú Jerusale̱n. 13Kósꞌe̱ Pabloo̱, bi̱ katsójne̱:
–Mí kjoaá nga ndyi̱chaꞌájnú, kó ngaskande an kjimandasee̱n ini̱ma̱na. An jè tikónda an nga jmí tsi ta̱ kꞌuíꞌniútsína, ko̱jo tsi ngaskande nga niꞌánkꞌiénna ki̱a̱ na̱xi̱ńdáꞌniú Jerusale̱n, ta̱ngatꞌanii̱ jaꞌeén Ndi̱a̱ná Kjisoo̱.
14Kó nga kamáꞌindakónjínjne̱, ta̱sá bi̱ kiꞌmíjne̱:
–Ngatama ni xi mejeén Ndi̱a̱ná nga ka̱ma.
15Jaskan ngije kamá kui nii̱, ikꞌíndajne̱ yojojne̱, sꞌe̱ tsangínjne̱ na̱xi̱ńdáꞌniú Jerusale̱n. 16Kó tjín xota̱ xi sꞌijii̱n eén Néná xí nijan kijíjo̱jne̱ xi chji̱a̱ni na̱xi̱ńdáꞌniú Sesarea̱, kui xotaa̱ xi kijíjo̱jne̱ ndiꞌaa̱ ngo nda̱ xi chji̱a̱ni tji̱ngi̱ Chipre̱ xi ꞌmí Mnaso̱n, nda̱ xi je tsienii̱ nga sꞌijii̱n eén Néná, kuí xí tsja̱ndièjne̱ nga ki̱a̱ ku̱i̱ndyionjne̱ ndiꞌaa̱ katsaki.
Pabloo̱ bi̱ tsꞌén kijí ndiꞌaa̱ Sandiyaá
17Kó nga jáchójne̱ na̱xi̱ńdáꞌniú Jerusale̱n, já ntsꞌiee̱ achichí tsja kamaá nga jáchochonjne̱. 18Kó nga kamángindyiojón Pabloo̱ nijan kijíjo̱jne̱ nga tsangínchonjne̱ Sandiyaá, kó ti̱ ki̱a̱ síndo ngayeje xota̱ xi xchaá na̱ngo̱xi̱i̱ nga. 19Kó ngije Pabloo̱ katsꞌéntinde, katsóyà cha̱n cha̱a̱n nga ngo nga ngo ni xi katsꞌén Néná ngi̱ya tsja tsi̱ꞌe̱ ngi̱jii̱n xota̱ xi jundío̱jiín. 20Kó ngije tsintꞌié kui xotaa̱, katsjaá kjo̱a̱je Néná, sꞌe̱ bi̱ kiꞌmií Pabloo̱:
–Ndakjíꞌí nda̱ ntsꞌie, já jè yé ji nga ngi̱jii̱n xota̱ jundíoo̱ ta̱ mi̱jínra̱ ma xota̱ xi je kisꞌijii̱n eén Néná, kó ngayeje kui xotaa̱ achichí ndyi̱tsꞌènchíni̱tꞌaa̱ kjo̱a̱kitii̱ Moisee̱. 21Kó tjíniꞌánkintꞌiè kjo̱a̱a̱ ji xota̱ xi jundío̱ xi síndo ngi̱jii̱n xota̱ xi jundío̱jín, nga ngayejee̱ nga tibokoyée̱ nga ku̱i̱ꞌíjñátꞌaxín kjo̱a̱kitii̱ Moisee̱, kó bo̱a̱ tꞌísée̱ nga ka̱májín sa̱ꞌiín sirkunsisioo̱n jákjíndií, ti̱nde ka̱májín sa̱ꞌín kjo̱a̱xchá xí tjínná. 22Mí xí si̱ꞌán ꞌne̱. Ta̱kó sku̱i̱e̱ xotaa̱ nga jéꞌe̱ ji. 23Ta̱sá nda ngase nga si̱ꞌin ji kui nii̱: Kꞌi̱e̱ ngi̱jinná nijón má já xí síndojinná xi chjiéngá sa̱ꞌínkjatjosón ngo ni xi katsóyàtjoón Néná nga sa̱ꞌín. 24Tꞌenje̱ ji, nijan ti̱ꞌantsjiejónjnú yojojnú, kó tꞌíchjíi̱ to̱n xi kju̱i̱e̱e̱ tsi̱ꞌe̱ nga kui jaá ka̱ma ku̱i̱ꞌíjón taka takaa̱ to̱ko̱, kó bo̱a̱ tsꞌén sku̱i̱e̱ ngayejee̱ nga ja̱koxi̱jín ni xi tjíꞌmí kjo̱a̱a̱ ji, kó nga ta̱sá jí tiniꞌínkjatjosén kjo̱a̱kitii̱. 25Kó kjo̱a̱a̱ xota̱ xi jundío̱jín xi je kisꞌijii̱n eén Néná, jè kiniꞌánꞌindójne̱ ngo xo̱jo̱n, nínga kiꞌmíyàjne̱ nga ka̱májín skji̱ni̱e̱ yojoo̱ cho̱ xi je kiniꞌánkꞌasꞌiee̱n a̱sie̱én ngo ne xi tsꞌénda xotaa̱, ti̱nde ka̱májín skji̱ni̱e̱ jín, ko̱jo yojoo̱ cho̱ xi niꞌánxíndo nga niꞌánkꞌién, kó ti̱ bo̱a̱ ti̱ tsꞌén ka̱májín tondo̱ ka̱ma.
26Kósꞌe̱ bo̱a̱ tsꞌén Pabloo̱ kijíjo̱ nga nijón kui jaá, kó nga kamángindyiojón nijan katsꞌéntsjiejón yojoo̱, kósꞌe̱ jaskan tsꞌasꞌien na̱ngo̱xi̱i̱ tsi̱ꞌe̱ nga katsóyaà kjiꞌání nga kju̱i̱e̱tꞌa ni̱xtjin nga kjo̱tjosón ni xi katsóyàtjón nga sa̱ꞌín, ko̱jo kjo̱a̱a̱ kjiꞌání nga sa̱ꞌínkꞌasꞌien chji̱e̱e̱ nga ngo nga ngo kui jaá.
27Kó ngije ma kjie xi yito ni̱xtjii̱n, chiboa já jundíoo̱ xi chji̱a̱ni nangi Asia̱ kamábe Pabloo̱ ngi̱ya na̱ngo̱xi̱i̱, kó kui jaá xi indyiákjaán xota̱ na̱xi̱ńdaá. Kósꞌe̱ kjítsꞌuieé Pabloo̱, 28kó askjandáyà má nga bi̱ katsó:
–¡Jún bo̱a̱ já Israee̱l, tasíke̱jejne̱! Kuí nda̱ xi̱ꞌbi̱ xi tsoꞌbá ta̱jñà nanginí nga tsꞌénbokoyaá xotaa̱ ngo ni kondraa̱ xota̱ nangíná, xi kondra̱ tikoón kjo̱a̱kitii̱ Moisee̱ ko̱jo kondra̱ tikoón kui na̱ngo̱xi̱i̱, kósꞌe̱ bo̱a̱ tsꞌén ngotꞌe̱ kꞌi̱e̱ tjítsꞌénkꞌásꞌién kui na̱ngo̱xi̱i̱ xota̱ ngriengo̱, kó kuí boá nga xi tjítsꞌéndándí kuí ngi̱ndie tsjiee̱ Néná.
29Ngatꞌa̱ ngi̱ndie ni̱xtjin kamáyà Pabloo̱ ki̱a̱ na̱xi̱ńdaá nga tsoꞌbájo̱ nda̱ xi ꞌmí Trófimoo̱ xi chji̱a̱ni na̱xi̱ńdáꞌniú Éfeso̱, kó katsꞌénkjó kui xotaa̱ nga Pabloo̱ xí kijíjo̱ ki̱a̱ na̱ngo̱xi̱i̱.
30Kó ngayeje xota̱ na̱xi̱ńdaá kamákjaán, kó tsá kamátikó xota̱ kjiín, kó kandobá Pabloo̱, sꞌe̱ kachjafé kachjaṉña nga kaꞌnaxié ndi̱tsen na̱ngo̱xi̱i̱, kó ja̱ kó íchjá nga̱ntjo̱a̱a̱. 31Kó ngije ma niꞌánkꞌién má Pabloo̱, jachoó én nda̱ ngito̱ko̱o̱ jájún xi chji̱a̱ni na̱xi̱ńdá Roma̱ nga ngayeje xota̱ na̱xi̱ńdáꞌniú Jerusale̱n kamáxtií, 32kó kui nda̱ ngito̱ko̱o̱ tji̱e̱nmá ítikó jájún, ko̱jo jájún xi nkꞌa xaá, kó tsanga má nga kijí nínga síndotikó xotaa̱, kó xota̱ na̱xi̱ńdaá ngije kamábe ngito̱ko̱o̱ jájuún ko̱jo jájuún, ngiti̱ yeꞌéjínnii̱ Pabloo̱. 33Kósꞌe̱ nda̱ ngito̱ko̱o̱ jájuún kijíkóntiñaa̱, kó katsoboá Pabloo̱, sꞌe̱ katsjaákjo̱a̱ jájuún nga jó ńꞌniúki̱cha̱ ikꞌítꞌaꞌniú, kó asíyá ꞌyá kuií bo̱a̱, ko̱jo mí ni xi katsꞌén. 34Ta̱nga tjín xota̱ xi ndyi̱kjandayà má nga ngo ni tsíchji̱a̱, kó kje̱ꞌe xi kje̱ꞌe ni katsó, kó ngaskande nda̱ ngito̱ko̱o̱ jájuún nde kamájiín katsꞌéndajin kui kjo̱a̱a̱, ta̱ngatꞌanii̱ nga achichí se ndyi̱tsꞌèn xota̱ na̱xi̱ńdaá, kó kuíni nga katsjákjo̱a̱ nga tsangínjo̱ Pabloo̱ ki̱a̱ ndiꞌa nínga síndo jájuún. 35Kó nga jachó ki̱a̱ xókíjoo̱n ndiꞌaa̱ jájuún, ja̱chon nga kichínkꞌá tsí Pabloo̱, ngatꞌa̱ achichí ndyi̱tsꞌènxchán xota̱ kjiín, 36ngatꞌa̱ ngayeje kui xotaa̱ ki̱a̱ tjimátji̱ngii̱ nga ndyi̱kjandayà má nga bi̱ katsó:
–¡Ngatꞌien Pabloo̱!
Bi̱ tsꞌén tsꞌaxiéꞌá yojoo̱ Pabloo̱ ngindyi̱ko̱n xota̱ na̱xi̱ńdaá
37Ngije si̱ꞌankꞌasꞌién má ki̱a̱ ngi̱ya ndiꞌaa̱ jájuún, Pabloo̱ bi̱ tsꞌén asíyaá nda̱ ngito̱ko̱o̱ jájuún:
–Ji, a ka̱ma kuichjiájo ngotjoón.
Sꞌe̱ bi̱ katsó nda̱ ngito̱ko̱o̱ jájuún:
–A maári ndokjo̱a̱ én ngriengo̱. 38A jijín bo̱a̱ kui nda̱ xi chji̱a̱ni nangi Ejipto̱ xi je tsienii̱ nga ítsꞌi̱yanii̱ nga tsꞌaxié ngo kjo̱a̱xchán, kó jatjojo̱ nijón mi̱ jájún kꞌijñaá ki̱a̱ nangi kixií.
39Sꞌe̱ Pabloo̱ bi̱ katsoó:
–Nda̱ jundío̱ an, kó na̱xi̱ńdáꞌniú Tarso̱ xi chji̱a̱ni nangi Silisia̱ katsen an, ngo nda̱ xi chji̱a̱ni ngo na̱xi̱ńdá xi ꞌniú chjínií, ta̱nga ngo kjo̱a̱nda míꞌaá, te̱ꞌéndièchiíní nga kuichjiájo an xota̱ na̱xi̱ńdaá.
40Kó nga nda̱ ngito̱ko̱o̱ jájuún katsjákjo̱a̱ nga tsíchji̱a̱, sꞌe̱ Pabloo̱ tji̱e̱nmá kasasienkixi̱ ki̱a̱ xókíjoo̱n kó ta̱ tsja tsí yejeén xotaa̱ tsi̱ꞌe̱ nga xió kisꞌińdo, kó kjiꞌa ngije xió kisꞌińdo xotaa̱, én ebreo̱ tsíchji̱a̱jo nga bi̱ katsó:
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014