Ni xi kamá 13
13
Bernabee̱ ko̱jo Sauloo̱ bi̱ tsꞌén ítsꞌi̱yanii̱ xaá nga tsíchji̱a̱ eén Néná
1Kó ngi̱jii̱n xota̱ na̱ngo̱xi̱ xi kisꞌińdo na̱xi̱ńdáꞌniú Antiokiya̱ kisꞌie jáchji̱ni̱e̱ꞌe̱én Néná ko̱jo já mostro̱, kó kuí boá xi Bernabee̱, ko̱jo Ximoo̱ nda̱ xi ti̱ Jmá kiꞌmií nga, ko̱jo Rsioo̱ nda̱ xi chji̱a̱ni na̱xi̱ńdáꞌniú Sirene̱, ko̱jo Menaee̱n kui nda̱ xi nijan kamáxchá Erondee̱, xi kisꞌijña xá ki̱a̱ nangi Ngalilea̱, ko̱jo Sauloo̱. 2Ngo ni̱xtjin tji̱e̱nga síndotikó nga ndyi̱tsꞌéndíkón Ndi̱a̱ná, ko̱jo nga ndyi̱tsꞌèn kjindiá, A̱si̱énni̱xtjii̱n Néná, bi̱ katsó:
–Tꞌíjñitꞌaxínní Bernabee̱ ko̱jo Sauloo̱, tsi̱ꞌe̱ nga sa̱ꞌín kui xá xí tsíchji̱a̱ñàa̱.
3Kósꞌe̱ ngije tsíchji̱a̱a̱ Néná, ko̱jo ngije jaꞌa nga kisꞌińdo kjindiá, ngayeje kui xota̱ na̱ngo̱xi̱i̱ íjñasoón tsja, sꞌe̱ katsꞌénkjí.
Já apostroo̱ bi̱ tsꞌén tsíchji̱a̱ eén Néná tji̱ngi̱ xi ꞌmí Chipre̱
4A̱si̱énni̱xtjii̱n Néná katsangiya Bernabee̱ ko̱jo Sauloo̱ nga kijí nangi xi ꞌmí Seleusia̱, sꞌe̱ ki̱a̱ iskjíbé nga kijíyà ngo tjotso je xi kijíjo̱ tji̱ngi̱ Chipre̱. 5Nga jachó na̱xi̱ńdáꞌniú Salamina̱ xi tikóntꞌa ndáchíkoón, kó ki̱a̱ ítsꞌi̱yanii̱ nga íni̱jmì eén Néná ngi̱ya ndiꞌa nínga chji̱a̱ eén Néná xota̱ jundíoo̱. Kó ki̱a̱ kisꞌijñajo̱ Juaa̱ tsi̱ꞌe̱ nga asíko̱jo. 6Kó jaꞌatjinde ngayeje tji̱ngi̱ Chipre̱ ngaskande nga jachó nínga ꞌmí Pafo̱, ki̱a̱ kui ngi̱ndiee̱ kasakoo̱ ngo nda̱ tjiꞌe jundío̱ xi ꞌmí Barjesu̱, nda̱chji̱ni̱e̱ꞌén ndiso, 7kó kui tjiꞌee̱ nda tsaꞌa nda̱ xtitjón xi ꞌmí Serjio Pauloo̱, ngo nda̱ xi achichí kjínkón kamá. Kui nda̱ xtitjón xi ꞌmí Serjio Pauloo̱ katsangiyakjaꞌá Bernabee̱ ko̱jo Sauloo̱, ngatꞌa̱ kamámejeén tsintꞌié eén Néná. 8Ta̱nga nda̱ tjiꞌee̱, (xi ti̱ Elima̱ kiꞌmí nga én ngriengoo̱), katsjandièjín kó íchjaá tsi̱ꞌe̱ nga nda̱ xtitjoón sꞌi̱jinjiín eén Néná. 9Kósꞌe̱ Sauloo̱, kui nda̱ xi ti̱ Pablo̱ kiꞌmí nga, xi ꞌniú tjíjii̱n A̱si̱énni̱xtjii̱n Néná, askoꞌá ndá ndá kui nda̱ tjiꞌee̱, 10sꞌe̱ bi̱ katsoó:
–¡Ji chí ndiso, ji xi tjikítsiee̱ ngayeje kjo̱a̱ndiso ko̱jo ni xi ndajín, ndií xindajín ndiabloo̱, ko̱jo kondraa̱ ngayeje ni xi kixi̱! Míkjo̱a̱a̱ nga ji tiniꞌínkjatsén jí ndi̱yà kixi̱i̱ Ndi̱a̱ná. 11Ngotꞌe̱ ꞌne̱ Ndi̱a̱ná ko̱tíjeé nga ku̱i̱ndyin ti̱ka̱ ji, kó kjín ni̱xtjin nga xchi̱e̱jín ji tsꞌueé.
Ti̱kuii chi̱bo̱a̱ Elimaa̱ kamájñoó ndyi̱ko̱n, kó tsangase ngo xi iskjíbengí tsi̱ꞌe̱ nga kijíjo̱, ngatꞌa̱ ta̱nisién ꞌniú kamáti̱ka̱. 12Kó nga kamábe kui nii̱ nda̱ xtitjoón, kijíndikoón ni xi akóyá Pabloo̱ kjo̱a̱a̱ Ndi̱a̱ná, kó kisꞌijii̱n Ndi̱a̱ná.
Bi̱ tsꞌén íni̱jmì eén Néná Pabloo̱ ko̱jo Bernabee̱ nangi Pisindia̱
13Pabloo̱ ko̱jo xota̱ xi nijan tsoꞌbájo̱ ki̱a̱ Pafo̱ iskjíbé ngo tjotso je xi kijíyà nga kijí na̱xi̱ńdáꞌniú Perje̱, xi chji̱a̱ni nangi Panfilia̱, ta̱nga Juaa̱ ki̱a̱ íjñámasien kui jaá, kó kijíꞌoyá nginí na̱xi̱ńdáꞌniú Jerusale̱n. 14Kó kui jaá, ki̱a̱ na̱xi̱ńdáꞌniú Perje̱ jaꞌa nga jachó na̱xi̱ńdáꞌniú Antiokiya̱ xi chji̱a̱ni nangi Pisindia̱, kó ngo ni̱xtjin ndikón, tsꞌasꞌien ngi̱ya ndiꞌa nínga ndokjo̱a̱ eén Néná, kó kisꞌińdonié yáxíríe̱ xi síndo kui ngi̱ya ndiꞌaa̱. 15Kó jaskan ngije kiniꞌányàjii̱n xo̱jo̱n kjo̱a̱kitii̱, ko̱jo kjo̱a̱a̱ xo̱jo̱n xi katsꞌénꞌindó jáchji̱ni̱e̱ꞌe̱én Néná, já ngito̱ko̱o̱ ndiꞌa nínga ndokjo̱a̱ eén Néná katsangiya nga bi̱ katsoó:
–Jún já ntsꞌie, tsi tjínjnú ngo ni xi kꞌuínjnúu̱ kui xotaa̱ tsi̱ꞌe̱ nga sa̱kó ngaꞌniú ngasee̱, ndókjo̱a̱jnú ngotꞌe̱.
16Kósꞌe̱ Pabloo̱ jastjíe̱n, kó yején tsja tsi̱ꞌe̱ nga xió kꞌuíndo kui xotaa̱, kó bi̱ katsó:
–Jún xota̱ Israee̱l, ko̱jo xota̱ xi jundío̱jínjnú, tasiénijónjnúꞌun. 17Néná xí chji̱a̱ni Israee̱l kuí boá xi jaꞌájin xota̱ tji̱e̱ xcháná, tsi̱ꞌe̱ nga ngo na̱xi̱ńdáꞌniú ka̱ma kjiꞌanga ta̱kó kje̱ꞌe nangi síndo ki̱a̱ nangi Ejipto̱, kó jaskan ngaꞌniú xí tsi̱ꞌe̱ Néná tsꞌaxié kui xotaa̱ kui nangi jàn. 18Kó Néná katsꞌénchíkjo̱a̱ ni xi katsꞌén kui xotaa̱ ki̱a̱ nangi kixií mején yichán nó, 19kó yito na̱xi̱ńdáꞌniú katsꞌénkjié xi chji̱a̱ni nangi Kanaa̱n, tsi̱ꞌe̱ nga katsjaá kui nangii̱ xota̱ xi xcháná. 20Kui ni xi kamaá, mején nijón úchán ichítié nó tsꞌandíyaá, kósꞌe̱ jaskan Néná katsjaá xota̱xá ngaskande nga jachó ni̱xtjin nga kamá nda̱chji̱ni̱e̱ꞌe̱én Néná nda̱ xi ꞌmí Samuee̱. 21Kó jaskan kui xotaa̱ tsíꞌá nga ngo nda̱ re ko̱tíxomaa̱, kó Néná yichán nó katsjaá nda̱ re xi ꞌmí Sauu̱l, ndií nda̱ xi ꞌmí Sii̱ xi chji̱a̱ni xota̱ tji̱e̱e̱ Benjaa̱. 22Jaskan Néná jaꞌáxiín xaá Sauu̱l, kó Ndabii̱ íjñá ngajoo̱, kó bi̱ katsó Néná kjo̱a̱a̱ Ndabii̱: “Jè kasakona nga Ndabi̱ xi ndií Isaii̱ ngo nda̱ xi nda kasasiee̱n ini̱ma̱na, kuí boá xi sa̱ꞌín ngayeje ni xi mejénna.” 23Xota̱ tji̱e̱e̱ Ndabii̱ kjindibáni Kjisoo̱, kui xi katsangiya Néná tsi̱ꞌe̱ nga kꞌo̱xiéꞌá xota̱ Israee̱l xikó katsó nga katsóyàtjón. 24Ngindiee̱ nga ko̱kó yojoo̱ Kjisoo̱ kjo̱a̱a̱ ni xi sa̱ꞌín, Jua̱ xi botíndaá íni̱jmi̱ì ngayeje xota̱ Israee̱l, tsi̱ꞌe̱ nga sa̱tíndá, kó bo̱a̱ tsꞌén xcha̱ nga je katsꞌénkꞌoyá yojoo̱ jé xí katsꞌén. 25Ngije makjatjosón xá xí tjítsꞌén Jua̱ xi botíndaá, bi̱ katsó: ꞌYání án, kótsꞌèn ndyi̱niꞌánkjójnú jún. “Ánjín bo̱a̱ xi ndyi̱chiyájnúꞌun, jaskanní ndibá xí kuí, kó ngaskande an sakójínna kui kjo̱a̱ndaa̱ nga skjíndóo̱ ńꞌniuú tji̱xíndieé.”
26Jún já ntsꞌie, xi xota̱ tji̱e̱e̱ Abraa̱n, ko̱jo ngayeje jún xi xota̱ xi jundío̱jínjnú ta̱nga xi yandikónjnú Néná, ñá boá xi kanangiyaná kuí én xí kꞌo̱xiéꞌáná. 27Ngatꞌa̱ xota̱ na̱xi̱ńdá xí síndo na̱xi̱ńdáꞌniú Jerusale̱n, ko̱jo xota̱ xi botixómaá, kamábejín ꞌyání xi Kjisoo̱, ti̱nde kamákjínjiín kui én xí tsíchji̱a̱ jáchji̱ni̱e̱ꞌe̱én Néná xi niꞌányà xki̱ ni̱xtjin ndikón ki̱a̱ ndiꞌa nínga ndokjo̱a̱ eén Néná, kó bo̱a̱ tsꞌén katsꞌénkjatjosón én xí ja̱bo̱a̱ je tsíchji̱a̱ jáchji̱ni̱e̱ꞌe̱én Néná nga katsꞌénjeé Kjisoo̱, 28kó ndatsi jmí kjo̱a̱ kasakojiín nga si̱ꞌankꞌien, kui xotaa̱ tsíꞌáa̱ Pilatoo̱ tsi̱ꞌe̱ nga katsꞌénkꞌién. 29Kó ngije jatjosón ngayeje ni xi chji̱a̱ xo̱jo̱n eén Néná, tsꞌenje̱ngitꞌa kroo̱, kó kijíkꞌíjñá yojoo̱ ngo nga̱tsjo̱ó. 30Ta̱nga Néná katsꞌénkjaꞌáꞌyaá ngi̱jii̱n xota̱ xi je jesoón, 31kó kjín ni̱xtjin nga Kjisoo̱ akoó yojoo̱ xota̱ xi nijan kistsoꞌbájo̱ nga jatjojo̱ nangi Ngalilea̱, kósꞌe̱ kijíjo̱ na̱xi̱ńdáꞌniú Jerusale̱n, kó ngotꞌe̱ ꞌne̱, kuí jaá xi chistiko̱ ngindyi̱ko̱n xota̱ na̱xi̱ńdaá.
32Kó kuíni nga ji̱n ndyi̱ꞌbíni̱jmìjne̱ kui éntjatsi̱e̱e̱, kui én xí katsóyàtjoón Néná xota̱ tji̱e̱ xcháná, 33kui xi Néná je katsꞌénkjatjosoón ndií kui xotaa̱, ko̱jo ñá, nga katsꞌénkjaꞌáꞌyaá Kjisoo̱, xikótsꞌèn kjitꞌa xo̱jo̱n eén Néná ki̱a̱ Salmo̱ xki̱ xi ma jó, nínga bi̱ tsó: “Jí xí ndína ji, kó án xí Na̱ꞌmíi̱ an, ngotꞌe̱.” 34Kó nga katsꞌénkjaꞌáꞌyaá ngi̱jii̱n xota̱ xi jesoón, bo̱a̱ katsꞌén, tsi̱ꞌe̱ nga ngiti̱ sa̱ꞌínkjatsónjín yojoo̱, xikótsꞌèn tsꞌénchji̱a̱ xo̱jo̱o̱n, nínga bi̱ tsoó: “Tsjàa̱ an ni xi tsjie ko̱jo ni xi kixi̱ xi kixiyatjóo̱n Ndabii̱.” 35Kó kuíni nga bi̱ tsó kje̱ꞌe salmoo̱: “Ko̱e̱ꞌéndièjín ji nga kjo̱tsòn yojoo̱ nda̱ tsjiee̱.” 36Ngatꞌa̱ nga ja̱koxi̱ Ndabii̱ katsꞌénkjatjosoón ti̱kuii xota̱ tsi̱ꞌe̱, xikó katsoó Néná nga sa̱ꞌín, kósꞌe̱ jaskan ngije kꞌien, ki̱a̱ nijan kisꞌinijínjo̱ xi xchaá, kó yojoo̱ jatson. 37Ta̱nga yojoo̱ kui nda̱ xi Néná katsꞌénkjaꞌáꞌyaá, jatsonjín. 38Kó bo̱a̱ tsꞌén jún já ntsꞌie, chjiéngá xcha̱jnú, nga tjíꞌbíni̱jmìjnú nga ta̱ngatꞌanii̱ Kjisoo̱ nga sa̱kójnú kjo̱a̱niꞌánjetakoón jéjnú, 39kó nga ngayeje xi ngi̱yaa̱ kjo̱a̱kitii̱ Moisee̱ kamákixi̱jínni ngindyi̱ko̱n Néná, ta̱nga ta̱ngatꞌanii̱ Kjisoo̱ nga ka̱ma kixi̱ xi sꞌi̱jii̱n kui. 40ꞌNiú nda chónjnú yojojnú, tsi̱ꞌe̱ nga júnjín kꞌo̱kaniéjnú ni xi katsꞌénꞌindó jáchji̱ni̱e̱ꞌe̱én Néná, xi bi̱ tsoó:
41Tsitsíjenjnú jún xi mojnóchàjnú eén Néná,
ngatjíndikónjnú, kó ngachajàjnú,
ngatꞌa̱ kui ni̱xtjinjnú tjín ngo ni xi sa̱ꞌin an,
ngo ni xi sꞌijinjín ka̱majnú,
tsi tjín xi ka̱tso̱yàni̱jmìjnú.
42Kjiꞌanga jatjo Pabloo̱ ko̱jo já xí nijan tjimájo̱ ki̱a̱ ndiꞌa nínga ndokjo̱a̱ eén Néná, xota̱ xi jundío̱jín tsíꞌaá nga ni̱xtjin ndikón xi ingoo̱ ku̱i̱chji̱a̱jo nginí ngase xotaa̱ kjo̱a̱a̱ kui nii̱. 43Kó ngije kijí xota̱ xi síndo ndiꞌa nínga ndokjo̱a̱ eén Néná, achichí má xota̱ jundío̱, ko̱jo xota̱ xi jundío̱jín ta̱nga xi bendikón Néná xi kijítji̱ngii̱ Pabloo̱ ko̱jo Bernabee̱, kó kui jaá ꞌniú atíxomaa̱ kui xotaa̱ tsi̱ꞌe̱ nga jmíni̱xtjin ku̱i̱ꞌíjñámasien kjo̱a̱ndaa̱ Néná xí je kasakoo̱.
44Ni̱xtjin ndikoón xomana̱ xi ingoo̱ mején ngayeje xota̱ na̱xi̱ńdaá kamátikó tsi̱ꞌe̱ nga tsintꞌieé eén Néná. 45Ta̱nga nga kamábe já jundíoo̱ kui xota̱ kjiín, kamáꞌonkon, kó ítsꞌi̱yanii̱ nga chꞌo katsoó Pabloo̱ nga bo̱a̱ katsoó nga bo̱a̱jín kjiꞌi ni xi tsꞌénchji̱a̱. 46Kósꞌe̱ Pabloo̱ ko̱jo Bernabee̱ ta̱kó tsíchji̱a̱ nga katsakjónjín, nga bi̱ katsoó:
–Tjínjne̱ ngo kjo̱a̱ꞌniú nga ja̱koxi̱ nga jún tjón ko̱ndókjo̱a̱jojne̱ eén Néná, jún xi xota̱ jundío̱ jún, ta̱nga nga ti̱ juún ndyi̱ꞌmìjnú, ko̱jo nga sꞌijinjínjnú nga sa̱kójnú kjo̱a̱mindyion ngatsjéni̱xtjii̱n, ta̱sá kuí xota̱ xi jundío̱jiín kongínchonjne̱. 47Ngatꞌa̱ bo̱a̱ tsꞌén katsangiyajne̱ Ndi̱a̱ná, nga bi̱ katsó:
Ijñáñaá xikoó ngo ndiꞌí tsi̱ꞌe̱ ngayeje xota̱ xi tjín nga̱sondiee̱,
tsi̱ꞌe̱ nga kꞌuiyée̱ kótsꞌèn kꞌoxiéꞌá an xota̱ xi síndo ngayeje són tꞌanangii̱.
48Nga tsintꞌié kuí eén xota̱ xi jundío̱jiín, achichí tsja kamaá, kó katsjaá kjo̱a̱je eén Néná, kó kisꞌijin yejee̱ xota̱ xi je katjoꞌójii̱n nga sa̱ko̱ó kjo̱a̱mindyion ngatsjéni̱xtjii̱n, 49kó bo̱a̱ tsꞌén kiꞌmíyà eén Néná ngayeje nangi. 50Ta̱nga kui já jundíoo̱ tsíchji̱a̱jo ínchjín xí nda ini̱ma̱a̱, ko̱jo xi yandikón, ko̱jo jáxíꞌín xi ꞌniú yandikón na̱xi̱ńdaá, kó indyiáꞌá tsi̱ꞌe̱ nga tsangatji̱ngii̱ Pabloo̱ ko̱jo Bernabee̱, tsi̱ꞌe̱ nga kjo̱tjo kui nangii̱. 51Ta̱nga kui jaá ngije ikiyotji̱ngii̱ ítsanie xa̱ xi yajájón sé, tsi̱ꞌe̱ nga íjñá ngo chi̱bo̱a̱ nga ndajínkjiꞌi ni xi katsꞌén kui xotaa̱, sꞌe̱ kijí nangi Ikonio̱. 52Kó xota̱ tsi̱ꞌe̱ Néná achichí tsja kamaá nga kisꞌikitsiee̱ A̱si̱énni̱xtjii̱n Néná.
Currently Selected:
Ni xi kamá 13: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Ni xi kamá 13
13
Bernabee̱ ko̱jo Sauloo̱ bi̱ tsꞌén ítsꞌi̱yanii̱ xaá nga tsíchji̱a̱ eén Néná
1Kó ngi̱jii̱n xota̱ na̱ngo̱xi̱ xi kisꞌińdo na̱xi̱ńdáꞌniú Antiokiya̱ kisꞌie jáchji̱ni̱e̱ꞌe̱én Néná ko̱jo já mostro̱, kó kuí boá xi Bernabee̱, ko̱jo Ximoo̱ nda̱ xi ti̱ Jmá kiꞌmií nga, ko̱jo Rsioo̱ nda̱ xi chji̱a̱ni na̱xi̱ńdáꞌniú Sirene̱, ko̱jo Menaee̱n kui nda̱ xi nijan kamáxchá Erondee̱, xi kisꞌijña xá ki̱a̱ nangi Ngalilea̱, ko̱jo Sauloo̱. 2Ngo ni̱xtjin tji̱e̱nga síndotikó nga ndyi̱tsꞌéndíkón Ndi̱a̱ná, ko̱jo nga ndyi̱tsꞌèn kjindiá, A̱si̱énni̱xtjii̱n Néná, bi̱ katsó:
–Tꞌíjñitꞌaxínní Bernabee̱ ko̱jo Sauloo̱, tsi̱ꞌe̱ nga sa̱ꞌín kui xá xí tsíchji̱a̱ñàa̱.
3Kósꞌe̱ ngije tsíchji̱a̱a̱ Néná, ko̱jo ngije jaꞌa nga kisꞌińdo kjindiá, ngayeje kui xota̱ na̱ngo̱xi̱i̱ íjñasoón tsja, sꞌe̱ katsꞌénkjí.
Já apostroo̱ bi̱ tsꞌén tsíchji̱a̱ eén Néná tji̱ngi̱ xi ꞌmí Chipre̱
4A̱si̱énni̱xtjii̱n Néná katsangiya Bernabee̱ ko̱jo Sauloo̱ nga kijí nangi xi ꞌmí Seleusia̱, sꞌe̱ ki̱a̱ iskjíbé nga kijíyà ngo tjotso je xi kijíjo̱ tji̱ngi̱ Chipre̱. 5Nga jachó na̱xi̱ńdáꞌniú Salamina̱ xi tikóntꞌa ndáchíkoón, kó ki̱a̱ ítsꞌi̱yanii̱ nga íni̱jmì eén Néná ngi̱ya ndiꞌa nínga chji̱a̱ eén Néná xota̱ jundíoo̱. Kó ki̱a̱ kisꞌijñajo̱ Juaa̱ tsi̱ꞌe̱ nga asíko̱jo. 6Kó jaꞌatjinde ngayeje tji̱ngi̱ Chipre̱ ngaskande nga jachó nínga ꞌmí Pafo̱, ki̱a̱ kui ngi̱ndiee̱ kasakoo̱ ngo nda̱ tjiꞌe jundío̱ xi ꞌmí Barjesu̱, nda̱chji̱ni̱e̱ꞌén ndiso, 7kó kui tjiꞌee̱ nda tsaꞌa nda̱ xtitjón xi ꞌmí Serjio Pauloo̱, ngo nda̱ xi achichí kjínkón kamá. Kui nda̱ xtitjón xi ꞌmí Serjio Pauloo̱ katsangiyakjaꞌá Bernabee̱ ko̱jo Sauloo̱, ngatꞌa̱ kamámejeén tsintꞌié eén Néná. 8Ta̱nga nda̱ tjiꞌee̱, (xi ti̱ Elima̱ kiꞌmí nga én ngriengoo̱), katsjandièjín kó íchjaá tsi̱ꞌe̱ nga nda̱ xtitjoón sꞌi̱jinjiín eén Néná. 9Kósꞌe̱ Sauloo̱, kui nda̱ xi ti̱ Pablo̱ kiꞌmí nga, xi ꞌniú tjíjii̱n A̱si̱énni̱xtjii̱n Néná, askoꞌá ndá ndá kui nda̱ tjiꞌee̱, 10sꞌe̱ bi̱ katsoó:
–¡Ji chí ndiso, ji xi tjikítsiee̱ ngayeje kjo̱a̱ndiso ko̱jo ni xi ndajín, ndií xindajín ndiabloo̱, ko̱jo kondraa̱ ngayeje ni xi kixi̱! Míkjo̱a̱a̱ nga ji tiniꞌínkjatsén jí ndi̱yà kixi̱i̱ Ndi̱a̱ná. 11Ngotꞌe̱ ꞌne̱ Ndi̱a̱ná ko̱tíjeé nga ku̱i̱ndyin ti̱ka̱ ji, kó kjín ni̱xtjin nga xchi̱e̱jín ji tsꞌueé.
Ti̱kuii chi̱bo̱a̱ Elimaa̱ kamájñoó ndyi̱ko̱n, kó tsangase ngo xi iskjíbengí tsi̱ꞌe̱ nga kijíjo̱, ngatꞌa̱ ta̱nisién ꞌniú kamáti̱ka̱. 12Kó nga kamábe kui nii̱ nda̱ xtitjoón, kijíndikoón ni xi akóyá Pabloo̱ kjo̱a̱a̱ Ndi̱a̱ná, kó kisꞌijii̱n Ndi̱a̱ná.
Bi̱ tsꞌén íni̱jmì eén Néná Pabloo̱ ko̱jo Bernabee̱ nangi Pisindia̱
13Pabloo̱ ko̱jo xota̱ xi nijan tsoꞌbájo̱ ki̱a̱ Pafo̱ iskjíbé ngo tjotso je xi kijíyà nga kijí na̱xi̱ńdáꞌniú Perje̱, xi chji̱a̱ni nangi Panfilia̱, ta̱nga Juaa̱ ki̱a̱ íjñámasien kui jaá, kó kijíꞌoyá nginí na̱xi̱ńdáꞌniú Jerusale̱n. 14Kó kui jaá, ki̱a̱ na̱xi̱ńdáꞌniú Perje̱ jaꞌa nga jachó na̱xi̱ńdáꞌniú Antiokiya̱ xi chji̱a̱ni nangi Pisindia̱, kó ngo ni̱xtjin ndikón, tsꞌasꞌien ngi̱ya ndiꞌa nínga ndokjo̱a̱ eén Néná, kó kisꞌińdonié yáxíríe̱ xi síndo kui ngi̱ya ndiꞌaa̱. 15Kó jaskan ngije kiniꞌányàjii̱n xo̱jo̱n kjo̱a̱kitii̱, ko̱jo kjo̱a̱a̱ xo̱jo̱n xi katsꞌénꞌindó jáchji̱ni̱e̱ꞌe̱én Néná, já ngito̱ko̱o̱ ndiꞌa nínga ndokjo̱a̱ eén Néná katsangiya nga bi̱ katsoó:
–Jún já ntsꞌie, tsi tjínjnú ngo ni xi kꞌuínjnúu̱ kui xotaa̱ tsi̱ꞌe̱ nga sa̱kó ngaꞌniú ngasee̱, ndókjo̱a̱jnú ngotꞌe̱.
16Kósꞌe̱ Pabloo̱ jastjíe̱n, kó yején tsja tsi̱ꞌe̱ nga xió kꞌuíndo kui xotaa̱, kó bi̱ katsó:
–Jún xota̱ Israee̱l, ko̱jo xota̱ xi jundío̱jínjnú, tasiénijónjnúꞌun. 17Néná xí chji̱a̱ni Israee̱l kuí boá xi jaꞌájin xota̱ tji̱e̱ xcháná, tsi̱ꞌe̱ nga ngo na̱xi̱ńdáꞌniú ka̱ma kjiꞌanga ta̱kó kje̱ꞌe nangi síndo ki̱a̱ nangi Ejipto̱, kó jaskan ngaꞌniú xí tsi̱ꞌe̱ Néná tsꞌaxié kui xotaa̱ kui nangi jàn. 18Kó Néná katsꞌénchíkjo̱a̱ ni xi katsꞌén kui xotaa̱ ki̱a̱ nangi kixií mején yichán nó, 19kó yito na̱xi̱ńdáꞌniú katsꞌénkjié xi chji̱a̱ni nangi Kanaa̱n, tsi̱ꞌe̱ nga katsjaá kui nangii̱ xota̱ xi xcháná. 20Kui ni xi kamaá, mején nijón úchán ichítié nó tsꞌandíyaá, kósꞌe̱ jaskan Néná katsjaá xota̱xá ngaskande nga jachó ni̱xtjin nga kamá nda̱chji̱ni̱e̱ꞌe̱én Néná nda̱ xi ꞌmí Samuee̱. 21Kó jaskan kui xotaa̱ tsíꞌá nga ngo nda̱ re ko̱tíxomaa̱, kó Néná yichán nó katsjaá nda̱ re xi ꞌmí Sauu̱l, ndií nda̱ xi ꞌmí Sii̱ xi chji̱a̱ni xota̱ tji̱e̱e̱ Benjaa̱. 22Jaskan Néná jaꞌáxiín xaá Sauu̱l, kó Ndabii̱ íjñá ngajoo̱, kó bi̱ katsó Néná kjo̱a̱a̱ Ndabii̱: “Jè kasakona nga Ndabi̱ xi ndií Isaii̱ ngo nda̱ xi nda kasasiee̱n ini̱ma̱na, kuí boá xi sa̱ꞌín ngayeje ni xi mejénna.” 23Xota̱ tji̱e̱e̱ Ndabii̱ kjindibáni Kjisoo̱, kui xi katsangiya Néná tsi̱ꞌe̱ nga kꞌo̱xiéꞌá xota̱ Israee̱l xikó katsó nga katsóyàtjón. 24Ngindiee̱ nga ko̱kó yojoo̱ Kjisoo̱ kjo̱a̱a̱ ni xi sa̱ꞌín, Jua̱ xi botíndaá íni̱jmi̱ì ngayeje xota̱ Israee̱l, tsi̱ꞌe̱ nga sa̱tíndá, kó bo̱a̱ tsꞌén xcha̱ nga je katsꞌénkꞌoyá yojoo̱ jé xí katsꞌén. 25Ngije makjatjosón xá xí tjítsꞌén Jua̱ xi botíndaá, bi̱ katsó: ꞌYání án, kótsꞌèn ndyi̱niꞌánkjójnú jún. “Ánjín bo̱a̱ xi ndyi̱chiyájnúꞌun, jaskanní ndibá xí kuí, kó ngaskande an sakójínna kui kjo̱a̱ndaa̱ nga skjíndóo̱ ńꞌniuú tji̱xíndieé.”
26Jún já ntsꞌie, xi xota̱ tji̱e̱e̱ Abraa̱n, ko̱jo ngayeje jún xi xota̱ xi jundío̱jínjnú ta̱nga xi yandikónjnú Néná, ñá boá xi kanangiyaná kuí én xí kꞌo̱xiéꞌáná. 27Ngatꞌa̱ xota̱ na̱xi̱ńdá xí síndo na̱xi̱ńdáꞌniú Jerusale̱n, ko̱jo xota̱ xi botixómaá, kamábejín ꞌyání xi Kjisoo̱, ti̱nde kamákjínjiín kui én xí tsíchji̱a̱ jáchji̱ni̱e̱ꞌe̱én Néná xi niꞌányà xki̱ ni̱xtjin ndikón ki̱a̱ ndiꞌa nínga ndokjo̱a̱ eén Néná, kó bo̱a̱ tsꞌén katsꞌénkjatjosón én xí ja̱bo̱a̱ je tsíchji̱a̱ jáchji̱ni̱e̱ꞌe̱én Néná nga katsꞌénjeé Kjisoo̱, 28kó ndatsi jmí kjo̱a̱ kasakojiín nga si̱ꞌankꞌien, kui xotaa̱ tsíꞌáa̱ Pilatoo̱ tsi̱ꞌe̱ nga katsꞌénkꞌién. 29Kó ngije jatjosón ngayeje ni xi chji̱a̱ xo̱jo̱n eén Néná, tsꞌenje̱ngitꞌa kroo̱, kó kijíkꞌíjñá yojoo̱ ngo nga̱tsjo̱ó. 30Ta̱nga Néná katsꞌénkjaꞌáꞌyaá ngi̱jii̱n xota̱ xi je jesoón, 31kó kjín ni̱xtjin nga Kjisoo̱ akoó yojoo̱ xota̱ xi nijan kistsoꞌbájo̱ nga jatjojo̱ nangi Ngalilea̱, kósꞌe̱ kijíjo̱ na̱xi̱ńdáꞌniú Jerusale̱n, kó ngotꞌe̱ ꞌne̱, kuí jaá xi chistiko̱ ngindyi̱ko̱n xota̱ na̱xi̱ńdaá.
32Kó kuíni nga ji̱n ndyi̱ꞌbíni̱jmìjne̱ kui éntjatsi̱e̱e̱, kui én xí katsóyàtjoón Néná xota̱ tji̱e̱ xcháná, 33kui xi Néná je katsꞌénkjatjosoón ndií kui xotaa̱, ko̱jo ñá, nga katsꞌénkjaꞌáꞌyaá Kjisoo̱, xikótsꞌèn kjitꞌa xo̱jo̱n eén Néná ki̱a̱ Salmo̱ xki̱ xi ma jó, nínga bi̱ tsó: “Jí xí ndína ji, kó án xí Na̱ꞌmíi̱ an, ngotꞌe̱.” 34Kó nga katsꞌénkjaꞌáꞌyaá ngi̱jii̱n xota̱ xi jesoón, bo̱a̱ katsꞌén, tsi̱ꞌe̱ nga ngiti̱ sa̱ꞌínkjatsónjín yojoo̱, xikótsꞌèn tsꞌénchji̱a̱ xo̱jo̱o̱n, nínga bi̱ tsoó: “Tsjàa̱ an ni xi tsjie ko̱jo ni xi kixi̱ xi kixiyatjóo̱n Ndabii̱.” 35Kó kuíni nga bi̱ tsó kje̱ꞌe salmoo̱: “Ko̱e̱ꞌéndièjín ji nga kjo̱tsòn yojoo̱ nda̱ tsjiee̱.” 36Ngatꞌa̱ nga ja̱koxi̱ Ndabii̱ katsꞌénkjatjosoón ti̱kuii xota̱ tsi̱ꞌe̱, xikó katsoó Néná nga sa̱ꞌín, kósꞌe̱ jaskan ngije kꞌien, ki̱a̱ nijan kisꞌinijínjo̱ xi xchaá, kó yojoo̱ jatson. 37Ta̱nga yojoo̱ kui nda̱ xi Néná katsꞌénkjaꞌáꞌyaá, jatsonjín. 38Kó bo̱a̱ tsꞌén jún já ntsꞌie, chjiéngá xcha̱jnú, nga tjíꞌbíni̱jmìjnú nga ta̱ngatꞌanii̱ Kjisoo̱ nga sa̱kójnú kjo̱a̱niꞌánjetakoón jéjnú, 39kó nga ngayeje xi ngi̱yaa̱ kjo̱a̱kitii̱ Moisee̱ kamákixi̱jínni ngindyi̱ko̱n Néná, ta̱nga ta̱ngatꞌanii̱ Kjisoo̱ nga ka̱ma kixi̱ xi sꞌi̱jii̱n kui. 40ꞌNiú nda chónjnú yojojnú, tsi̱ꞌe̱ nga júnjín kꞌo̱kaniéjnú ni xi katsꞌénꞌindó jáchji̱ni̱e̱ꞌe̱én Néná, xi bi̱ tsoó:
41Tsitsíjenjnú jún xi mojnóchàjnú eén Néná,
ngatjíndikónjnú, kó ngachajàjnú,
ngatꞌa̱ kui ni̱xtjinjnú tjín ngo ni xi sa̱ꞌin an,
ngo ni xi sꞌijinjín ka̱majnú,
tsi tjín xi ka̱tso̱yàni̱jmìjnú.
42Kjiꞌanga jatjo Pabloo̱ ko̱jo já xí nijan tjimájo̱ ki̱a̱ ndiꞌa nínga ndokjo̱a̱ eén Néná, xota̱ xi jundío̱jín tsíꞌaá nga ni̱xtjin ndikón xi ingoo̱ ku̱i̱chji̱a̱jo nginí ngase xotaa̱ kjo̱a̱a̱ kui nii̱. 43Kó ngije kijí xota̱ xi síndo ndiꞌa nínga ndokjo̱a̱ eén Néná, achichí má xota̱ jundío̱, ko̱jo xota̱ xi jundío̱jín ta̱nga xi bendikón Néná xi kijítji̱ngii̱ Pabloo̱ ko̱jo Bernabee̱, kó kui jaá ꞌniú atíxomaa̱ kui xotaa̱ tsi̱ꞌe̱ nga jmíni̱xtjin ku̱i̱ꞌíjñámasien kjo̱a̱ndaa̱ Néná xí je kasakoo̱.
44Ni̱xtjin ndikoón xomana̱ xi ingoo̱ mején ngayeje xota̱ na̱xi̱ńdaá kamátikó tsi̱ꞌe̱ nga tsintꞌieé eén Néná. 45Ta̱nga nga kamábe já jundíoo̱ kui xota̱ kjiín, kamáꞌonkon, kó ítsꞌi̱yanii̱ nga chꞌo katsoó Pabloo̱ nga bo̱a̱ katsoó nga bo̱a̱jín kjiꞌi ni xi tsꞌénchji̱a̱. 46Kósꞌe̱ Pabloo̱ ko̱jo Bernabee̱ ta̱kó tsíchji̱a̱ nga katsakjónjín, nga bi̱ katsoó:
–Tjínjne̱ ngo kjo̱a̱ꞌniú nga ja̱koxi̱ nga jún tjón ko̱ndókjo̱a̱jojne̱ eén Néná, jún xi xota̱ jundío̱ jún, ta̱nga nga ti̱ juún ndyi̱ꞌmìjnú, ko̱jo nga sꞌijinjínjnú nga sa̱kójnú kjo̱a̱mindyion ngatsjéni̱xtjii̱n, ta̱sá kuí xota̱ xi jundío̱jiín kongínchonjne̱. 47Ngatꞌa̱ bo̱a̱ tsꞌén katsangiyajne̱ Ndi̱a̱ná, nga bi̱ katsó:
Ijñáñaá xikoó ngo ndiꞌí tsi̱ꞌe̱ ngayeje xota̱ xi tjín nga̱sondiee̱,
tsi̱ꞌe̱ nga kꞌuiyée̱ kótsꞌèn kꞌoxiéꞌá an xota̱ xi síndo ngayeje són tꞌanangii̱.
48Nga tsintꞌié kuí eén xota̱ xi jundío̱jiín, achichí tsja kamaá, kó katsjaá kjo̱a̱je eén Néná, kó kisꞌijin yejee̱ xota̱ xi je katjoꞌójii̱n nga sa̱ko̱ó kjo̱a̱mindyion ngatsjéni̱xtjii̱n, 49kó bo̱a̱ tsꞌén kiꞌmíyà eén Néná ngayeje nangi. 50Ta̱nga kui já jundíoo̱ tsíchji̱a̱jo ínchjín xí nda ini̱ma̱a̱, ko̱jo xi yandikón, ko̱jo jáxíꞌín xi ꞌniú yandikón na̱xi̱ńdaá, kó indyiáꞌá tsi̱ꞌe̱ nga tsangatji̱ngii̱ Pabloo̱ ko̱jo Bernabee̱, tsi̱ꞌe̱ nga kjo̱tjo kui nangii̱. 51Ta̱nga kui jaá ngije ikiyotji̱ngii̱ ítsanie xa̱ xi yajájón sé, tsi̱ꞌe̱ nga íjñá ngo chi̱bo̱a̱ nga ndajínkjiꞌi ni xi katsꞌén kui xotaa̱, sꞌe̱ kijí nangi Ikonio̱. 52Kó xota̱ tsi̱ꞌe̱ Néná achichí tsja kamaá nga kisꞌikitsiee̱ A̱si̱énni̱xtjii̱n Néná.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014