JABUR 148
148
He langit jeung bumi, puji Pangeran!
1Puji Pangeran!
Puji Pangeran ti sawarga,
ku aranjeun, nu araya di tempat luhur.
2Puji Mantenna, he para malaikat-Na,
puji, he wadyabalad sawarga.
3Puji Mantenna, he bulan jeung panonpoe,
puji, he bentang-bentang anu baranang!
4Puji Mantenna, he langit satungkebing langit,
puji, he sagala cai di luhur langit.
5Puji jenengan Pangeran ku sakabeh,
sabab sakabehna ge dijadikeunana ku pangandika-Na.
6Nya ku pangandika-Na sakabehna langgeng merenah satempatna-satempatna,
taya nu bisa ngalawan.
7Puji Pangeran, he pangeusi bumi,
he mahluk-mahluk raksasa pangeusi laut-laut jeung sagara-sagara;
8he kilat jeung hujan es, salju jeung mega,
jeung angin topan anu nurut kana parentah-Na.
9Puji Mantenna, he gunung-gunung jeung pasir-pasir,
he tangkal bubuahan jeung leuweung-leuweung,
10sato-sato leuweung jeung sato-sato ingu,
sato-sato nu ngarayap jeung manuk-manuk.
11Puji Mantenna, he para raja katut bangsa-bangsa,
para pangeran jeung para pangereh lianna,
12para perjaka jeung para mojang,
nu karolot kitu deui barudak.
13Kabeh kudu muji jenengan Pangeran!
Sabab jenengan Mantenna leuwih agung ti sakabeh,
kaagungana-Na luhureun bumi jeung langit.
14Mantenna geus nguatkeun bangsa salira-Na,
nepi ka Mantenna dipuji ku sakabeh umat-Na,
nya eta bangsa Israil, anu kacida diasih ku Mantenna.
Puji Pangeran!
Currently Selected:
JABUR 148: LAISUN
Highlight
Copy
Compare
Share
Want to have your highlights saved across all your devices? Sign up or sign in
@LAI 1991
