Mìn-su Ki 5

Mò Chhiang-li ke Ngìn

1Song-chú tui Mô-sî kóng: 2“Ngì oi min-lin Yî-set-lie̍t-ngìn, chiông ke-têu mò chhiang-li ke ngìn — pot thái-kô ke#5:2 “pot thái-kô ke”: Khon Li-vi Ki 13:2., pot yì-leu-chṳn ke, miâ-tó sṳ̂-thí ke ngìn, chhiòn-phu kiuk-chhut yàng-thi. 3Mò-lun nàm-ńg, oi chiông só-yû chhai lî-ngì song mò chhiang-li ke ngìn kiuk chhut-hi, kì-têu chhiu m̀-voi tá-lá-sap yàng-thi, chhiu-he Ngài só-he̍t ke thi-fông.” 4Yî-set-lie̍t-ngìn chûn-cheu min-lin, chiông án-ngiòng ke ngìn chhiòn-phu kiuk-to yàng-ngoi hi. Song-chú ngióng-pân fûn-fu Mô-sî, Yî-set-lie̍t-ngìn chhiu án-ngiòng cho.

Phòi-sóng

5Song-chú lâu Mô-sî kóng, 6oi Yî-set-lie̍t-ngìn chûn-hàng yî-ha ke chṳ́-sṳ: Mò-lun nàm-ńg, na-he yû-ngìn vì-poi Song-chú, cho fái-sṳ lòi tet-chhui phe̍t-ngìn, kì chhiu yû-chhui; 7kì yit-thin oi sṳ̀n-ngin chhṳ-kâ ke m̀-chho̍k, chiông só khûi-khiam ke chhiòn-su vàn-pûn kì só tet-chhui ke ngìn, nang-ngoi chai kâ ńg-fûn chṳ̂-yit. 8Na-he ke-ngìn yí-kîn sí-thet, yu mò chhîn-chhit hó chiap-su phòi-sóng, chhiu-oi chiông chhièn hien-pûn Song-chú, pûn chi-sṳ̂ sṳ́-yung. Liá he lî-ngì só kûi-thin su̍k-chhui-chi ke yòng-kú yî-ngoi chai-kâ ke yit-hong phòi-sóng. 9Tak-ke Yî-set-lie̍t-ngìn pûn Song-chú ke thi̍t-phe̍t fung-hien chhiòn-phu oi kûi-pûn vi kì-têu kí-hàng fung-hien-lî ke chi-sṳ̂. 10Tai-to chi-sṳ̂ mien-chhièn ke thi̍t-phe̍t lî-vu̍t chhiòn-phu oi kûi-pûn chi-sṳ̂.

Fài-ngì Pû-ngiòng Mò Sú Chṳ̂n-chiet ke On-khien

11Song-chú min-lin Mô-sî, 12oi chiông yî-ha ke chṳ́-sṳ lâu Yî-set-lie̍t-ngìn kóng. Yû-ngìn fài-ngì chhṳ-kâ ke pû-ngiòng mò sú chṳ̂n-chiet, lâu phe̍t ke nàm-ngìn yû sin koân-he, siû-yu̍k tó kì. 13Chúng-he liá ló-kûng mò phan-fap khok-thin liá-khien sṳ, yîn-vi kiâ pû-ngiòng m̀ sṳ̀n-ngin, yu mò chṳn-ngìn, ya mò tông-chhòng chok-tó. 14Nang-ngoi khó-nèn pû-ngiòng kîn-pún mò tui-m̀-hí ló-kûng, he ló-kûng sîm-kôn chhit-tu, thet-voi fài-ngì kì. 15Mò-lun he nai-chúng chhìn-hìn, liá-ngìn yit-thin oi chiông pû-ngiòng tai-to chi-sṳ̂ mien-chhièn. Kì thùng-sṳ̀ oi tai vi pû-ngiòng hien ke chi-vu̍t, chhiu-he yit kûng-kîn ke thai ma̍k-fún. Kì cho-m̀-tet chhai táng-kô kiâu kám-lám-yù ya-he kâ nen-hiông; yîn-vi liá he ngì-sîm ke ló-kûng só-hien ke su-chi, he oi-pûn chṳ̂n-siong hién-mìn ke su-chi.

16Chi-sṳ̂ oi thu ke fu-ngìn-kâ hàng chhièn-lòi, khî chhai Song-chú ke mien-chhièn. 17Chi-sṳ̂ oi tó yit-si̍t-é sṳn-súi chhai vón-tú, chiông sṳn-chong-phùng thi-song ke nài-fún ve têu-é chhai súi tî-poi, 18yèn-heu chiông ke fu-ngìn-kâ ke thèu-nà-mô sûng-khôi, chiông oi hien ke su-chi (chhiu-he sṳ̂-ngiam ke su-chi, fài-ngì ke su-chi) piong chhai kì sú-chûng. Chi-sṳ̂ ke sú oi têu-tén chu-chú ke fú-súi. 19Chiap-tén, chi-sṳ̂ oi-ham ke fu-ngìn-kâ fat-sṳ, thùng-yi chi-sṳ̂ só-kóng yî-ha ke fa: “Na-he ngì mò lâu ngìn thûng-kiên, mò vì-poi ló-kûng cho vû-ve ke sṳ, ngì chhiu m̀-voi su-tó liá fú-súi só tai-lòi ke chu-chú. 20Na-he ngì sṳt lâu ngìn thûng-kiên, vì-poi ló-kûng cho vû-ve ke sṳ, 21ngien Song-chú sṳ́ ngì ke thùng-pâu chu-chú ngì; ngien Kì sṳ́ ngì ke tú-sṳ́ chong hí-lòi, chṳ́-kiûng kiû-thet. 22Ngien liá-súi chin-ngi̍p ngì ke tú-sṳ́, sṳ́ ngì ke tú-sṳ́ chong hí-lòi, ngì ke chṳ́-kiûng kiû-thet.”

Ke fu-ngìn-kâ oi en-kóng: “Ngài thùng-yi. Ngien Song-chú ke chṳ́-yi sṳ̍t-hien.”

23Yèn-heu, chi-sṳ̂ oi chiông liá chu-chú siá hâ-lòi, chiông siá-hâ ke sṳ piong chhai fú-súi vón-tú sé-thet. 24Chhai chi-sṳ̂ hàn-màng ham ke fu-ngìn-kâ lîm liá fú-súi yî-chhièn, (liá fú-súi khó-nèn voi sṳ́ kì fî-sòng thung-khú,) 25chi-sṳ̂ oi chiông fu-ngìn-kâ sú-chûng ke fài-ngì ke su-chi nâ ko-lòi, chhai Song-chú mien-chhièn yèu kí-ha, nâ to chi-thàn ke thèu-chhièn, 26yèn-heu yá yit-kha̍k mien-fún cho liá-sṳ ke ki-ngiam, chhai chi-thàn táng sêu-thet. Chui-heu, chi-sṳ̂ oi chiông liá-súi ham ke fu-ngìn-kâ lîm lo̍k-hi. 27Na-he kì khok-sṳ̍t lâu ngìn thûng-kiên, vì-poi ló-kûng cho vû-ve ke sṳ, liá tai-lòi chu-chú ke súi voi sṳ́ kì thai thung-khú, tú-sṳ́ voi chong hí-lòi, chṳ́-kiûng kiû-thet. Kì voi pûn thùng-pâu chu-chú. 28Na-he ke fu-ngìn-kâ mò-chhui, son-he chhiang-li ke, kì chhiu m̀-voi su-tó sông-hoi, hàn-he voi sên-yuk.

29Liá fài-ngì ke fap-li̍t he yû-koân fu-ngìn-kâ vì-poi ló-kûng cho vû-ve ke sṳ, 30ya-he ló-kûng chhit-tu, fài-ngì pû-ngiòng mò sú chṳ̂n-chiet. Ke fu-ngìn-kâ oi khî chhai Song-chú ke mien-chhièn, chi-sṳ̂ oi chṳp-hàng liá ngì-sṳt. 31Ló-kûng chhiu mò-chhui. Na-he ke fu-ngìn-kâ yû-chhui, kì yit-thin oi chhṳ-kâ tâm-tông.

Currently Selected:

Mìn-su Ki 5: THV12Rdb

Highlight

Copy

Compare

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Mìn-su Ki 5

Video for Mìn-su Ki 5

Numbers 5-6

Spoken Gospel

Mìn-su Ki 5

Popular Bible Verses from
Mìn-su Ki 5

Video for Mìn-su Ki 5

Numbers 5-6

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Mìn-su Ki 5

Mìn-su Ki 5

Popular Bible Verses from Mìn-su Ki 5

Video for Mìn-su Ki 5

Numbers 5-6

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Mìn-su Ki 5

Popular Bible Verses from
Mìn-su Ki 5