Mìn-su Ki 18

Chi-sṳ̂ lâu Li-vi-ngìn ke Chṳt-vu

1Song-chú tui Â-lùn kóng: “Ngì lâu ngì ke-têu lai-é, hàn-yû Li-vi-ngìn, yit-thin oi sṳ̀n-tâm só-yû fam-tó sṳn-só ke chhui; chúng-he chṳ́-yû ngì lâu ngì ke-têu lai-é oi sṳ̀n-tâm fam-tó chi-sṳ̂ chṳt-vu ke chhui. 2Ngì oi tai ngì ke chhîn-chhu̍k — Li-vi kî-chhu̍k ke ngìn lòi, sṳ́ kì-têu lâu ngì khiung-ha sṳ-fung. Tông ngì lâu ngì ke-têu lai-é chhai yok-khui ke sṳn-chong-phùng sṳ-fung ke sṳ̀, kì-têu oi pông-chhu ngì. 3Kì-têu oi hiong ngì fu-chit, chhai sṳn-chong-phùng tî-poi fu̍k-vu, chúng-he chhie̍t-tui cho-m̀-tet miâ-tó sṳn-só lâu chi-thàn táng ke sṳn-vu̍t, miên-tet kì-têu lâu ngì-têu chhiòn-phu sí-thet. 4Kì-têu oi lâu ngì khiung-ha kûng-chok, fu-chit sṳn-chong-phùng tî-poi ke sṳ-vu; chúng-he khì-thâ chṳ̂-kiet m̀-ha̍p ke ngìn cho-m̀-tet lâu ngì-têu khiung-ha kûng-chok. 5Chṳ́-yû ngì lâu ngì ke-têu lai-é fu-chit sṳn-só lâu chi-thàn ke kûng-chok. Án-ngiòng, Ngài chhiu m̀-voi chai hiong Yî-set-lie̍t-ngìn fat-khién. 6Ngài chhṳ-kâ tui Yî-set-lie̍t-ngìn chûng kién-sién ngì ke chhîn-chhu̍k Li-vi-ngìn su-pûn ngì-têu. Kì-têu oi kûi Ngài, chhai sṳn-chong-phùng tî-poi cho-se. 7Chṳ́-yû ngì lâu ngì ke-têu lai-é yin-kôi fu-chit yû-koân chi-thàn lâu chṳ-sṳn-só ke chi-sṳ̂ chṳt-vu. Liá he ngì-têu ke chit-ngim, yîn-vi Ngài chiông chi-sṳ̂ ke chṳt-vu su-pûn ngì-têu. Khì-thâ ke ngìn na hàng-khiûn sṳn-vu̍t, yit-thin oi chhú sí-hìn.”

Chi-sṳ̂ Yin-kôi Tet-tó ke Tûng-sî

8Song-chú tui Â-lùn kóng: “Ngài oi chiông só-yû hien-pûn Ngài ke thi̍t-phe̍t ke lî-vu̍t, chhiu-he ke-têu m̀-sṳ́ chhai chi-thàn táng sêu-thet ke chi-vu̍t, chhiòn-phu su-pûn ngì. Ngài chiông liá-têu chi-vu̍t pûn ngì lâu ngì ke heu-thoi, sàng-cho ngì-têu yún-kiú ke fun-ngiak. 9Ke-têu m̀-sṳ́ chhai chi-thàn táng sêu-thet ke chṳ-sṳn chi-vu̍t, chhiu-he ke phu-fun tui su-chi, su̍k-chhui-chi, lâu su̍k-ko-sṳt-chi ke chi-vu̍t oi kûi-pûn ngì-têu. Só-yû hien-pûn Ngài ke chṳ-sṳn chi-vu̍t chhiòn-phu kûi ngì lâu ngì ke chṳ́-sûn. 10Ngì-têu yit-thin oi chhai sṳn-só sṳ̍t liá-têu tûng-sî, chṳ́-yû nàm-ngìn cho-tet sṳ̍t. Liá-têu tûng-sî he sṳn ke.

11“Nang-ngoi, Yî-set-lie̍t-ngìn hien-pûn Ngài ke khì-thâ thi̍t-phe̍t kiûng-vu̍t, yèu-chi ya oi kûi-pûn ngì-têu. Ngài oi chiông kì-têu pûn ngì lâu ngì ke chṳ́-ńg, cho sṳ-sṳ thoi-thoi yin-tet ke fun-ngiak. Ngì-têu vuk-hâ chhai lî-ngì song chhiang-li ke ngìn, tak-sà chhiòn-phu cho-tet sṳ̍t.

12“Yî-set-lie̍t-ngìn chiông tak-ngièn thèu-yit pái chhut-sán chûng chui-hó ke hien-pûn Ngài, Ngài oi chiông liá-têu kám-lám-yù, chiú, lâu ńg-kuk su-pûn ngì-têu. 13Liá-têu chhiòn-phu kûi-pûn ngì-têu. Ngì-têu vuk-hâ chhai lî-ngì song chhiang-li ke ngìn, tak-sà chhiòn-phu cho-tet sṳ̍t.

14“Chhai Yî-set-lie̍t só-yû mò thiàu-khien hien-pûn Ngài ke chi-vu̍t, chhiòn-phu su̍k ngì-têu.

15“Yî-set-lie̍t-ngìn hien-pûn Ngài ke chóng-chṳ́ lâu thèu-thôi ke thèu-sâng ya chhiòn-phu su̍k ngì-têu; chúng-he ngì-têu yit-thin oi chiông mî-yit ke chóng-chṳ́ su̍k chón-hi, ya oi chiông mò chhiang-li ke thèu-thôi thèu-sâng su̍k chón-hi. 16Se-ngìn-è oi chhai yit-chak ngie̍t thai ke sṳ̀ su̍k chón-hi, cheu sṳn-só kûi-thin ke phêu-chún fu ńg chak ngiùn-pi. 17Chúng-he thèu-thôi ke ngiù, mièn-yòng lâu sân-yòng cho-m̀-tet su̍k chón-hi; kì-têu oi vàn-chhiòn kûi Ngài, sàng-cho sên-chi. Ngì oi chiông kì-têu ke hiet hia chhai chi-thàn táng, sêu kì-têu ke yù, sàng-cho chhîn-hiông ke fó-chi hien-pûn Ngài — Song-chú. 18Kì-têu ke ngiuk kûi-pûn ngì-têu, chhiong yèu-chi ke hiûng-phù-ngiuk lâu yu heu-thúi kûi ngì-têu khiung-yong.

19“Ngài oi chiông Yî-set-lie̍t-ngìn hien-pûn Ngài só-yû ke thi̍t-phe̍t chi-vu̍t, su-pûn ngì lâu ngì ke chṳ́-ńg, cho sṳ-sṳ thoi-thoi yin-tet ke fun-ngiak. Liá he Ngài lâu ngì hàn-yû ngì ke heu-thoi só-li̍p m̀-voi fi-thet ke yok.”

20Song-chú tui Â-lùn kóng: “Ngì cho-m̀-tet chiap-su Yî-set-lie̍t-ngìn chhòn-pûn chṳ́-sûn ke sán-ngia̍p, cho-m̀-tet chhai kì-têu ke thú-thi song yû-fun. Ngài he Song-chú; Ngài he ngì ke fun-ngiak, ngì ke sán-ngia̍p.”

Li-vi-ngìn Yin-kôi Tet-tó ke Tûng-sî

21Song-chú kóng: “Ngài yí-kîn chiông Yî-set-lie̍t-ngìn hien-pûn Ngài ke sṳ̍p-fûn chṳ̂-yit pûn Li-vi-ngìn. Liá he kì-têu kón-lî sṳn-chong-phùng ke thoi-ka. 22Khì-thâ Yî-set-lie̍t-ngìn cho-m̀-tet chai chiap-khiun sṳn-chong-phùng, miên-tet fam-chhui chṳ-sí. 23Tui liá-ha khôi-sṳ́, chṳ́-yû Li-vi-ngìn cho-tet kón-lî sṳn-chong-phùng, fu-chit sṳn-chong-phùng tî-poi ke só-yû sṳ-vu. Liá he ngì-têu sṳ-sṳ thoi-thoi oi chûn-sú ke thiàu-li. Li-vi-ngìn chhai Yî-set-lie̍t-ngìn chûng cho-m̀-tet yû yún-kiú ke sán-ngia̍p, 24yîn-vi Ngài yí-kîn chiông Yî-set-lie̍t-ngìn hien-pûn Ngài ke thi̍t-phe̍t ke lî-vu̍t ke sṳ̍p-fûn chṳ̂-yit pûn kì-têu. Só-yî Ngài tui kì-têu kóng, kì-têu chhai Yî-set-lie̍t-ngìn chûng cho-m̀-tet yû yún-kiú ke sán-ngia̍p.”

Li-vi-ngìn ke Sṳ̍p-fûn Chṳ̂-yit

25Song-chú min-lin Mô-sî 26fûn-fu Li-vi-ngìn kóng: “Ngì-têu sû-tó Song-chú su-pûn ngì-têu ke-fun Yî-set-lie̍t-ngìn só-hien ke sṳ̍p-fûn chṳ̂-yit ke sṳ̀, oi chiông khì-chûng ke sṳ̍p-fûn chṳ̂-yit cho thi̍t-phe̍t ke lî-vu̍t, hien-pûn Song-chú. 27Liá thi̍t-phe̍t ke lî-vu̍t chhiu lâu kâng-thièn ngìn nâ chang sû-sṳ̀n ke ńg-kuk lâu sîn-chiú lòi-hien ke chi khiung-yong. 28Án-ngiòng, ngì-têu ya oi tui Yî-set-lie̍t-ngìn chûng só sû-tó ke sṳ̍p-fûn chṳ̂-yit, chhiu-he su̍k Song-chú ke thi̍t-phe̍t ke lî-vu̍t chûng chai hien chhut-lòi. Ngì-têu oi chiông liá hien-pûn Song-chú ke thi̍t-phe̍t ke lî-vu̍t pûn chi-sṳ̂ Â-lùn, 29oi tui ngì-têu tet-tó ke sû-sṳ̀n chûng chiông chui-hó ke nâ chhut-lòi. 30Ngì-têu chiông chui-hó ke phu-fun hien chhut-lòi yî-heu, cho-tet pó-liù chhûn-tó ke, chhiu-chhiong kâng-thièn ngìn hien-chi heu pó-liù chhûn-tó ke án-ngiòng. 31Ngì-têu lâu ngì-têu vuk-hâ ke ngìn cho-tet chhai tak só-chhai sṳ̍t ke-têu chhûn-tó ke, yîn-vi ke-he ngì-têu chhai sṳn-chong-phùng kûng-chok ke thoi-ka. 32Ngì-têu chiông chui-hó ke phu-fun hien-pûn Song-chú yî-heu, sṳ̍t ke chhûn-tó ke chhiu mò-chhui; chúng-he chhai chui-hó ke phu-fun hien-chhut yî-chhièn sṳ̍t chi-vu̍t ke, chhiu-he tá-lá-sap Yî-set-lie̍t-ngìn ke sṳn-vu̍t, yit-thin oi chhú sí-hìn.”

Currently Selected:

Mìn-su Ki 18: THV12Rdb

Highlight

Copy

Compare

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Mìn-su Ki 18

Videos for Mìn-su Ki 18

Abraham and Melchizedek

BibleProject

Numbers 17-19

Spoken Gospel

Mìn-su Ki 18

Popular Bible Verses from
Mìn-su Ki 18

Videos for Mìn-su Ki 18

Abraham and Melchizedek

Numbers 17-19

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Mìn-su Ki 18

Mìn-su Ki 18

Popular Bible Verses from Mìn-su Ki 18

Videos for Mìn-su Ki 18

Abraham and Melchizedek

Numbers 17-19

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Mìn-su Ki 18

Popular Bible Verses from
Mìn-su Ki 18