Nâ-fùng Sû 2

Nì-nì-mì ke Fí-me̍t

1Nì-nì-mì â,

ke oi fí-me̍t ngì ke lòi kûng-kit ngì lé!

Oi si̍p-chûng chhiòn-li̍t, ku-hó sàng-pó!

Oi ngiàm-fòng thûng-lu, chún-phi siông-chhṳ̀!

2(Song-chú oi fî-fu̍k Ngâ-kok#2:2 “Ngâ-kok” khó-nèn chṳ́ Yù-thai. ke kông-yùng, chhiong Yî-set-lie̍t ke kông-yùng khiung-yong, sûi-yèn tá-kiap ke chiông kì-têu tá-kiap to chhiang-chhiang, chiông kì-têu ke phù-thò-yèn fí-fái lé.)

3Thi̍t-ngìn ke kiûn-chhui nâ-tén fùng tún-phài, chok fùng chṳ-fu̍k;

kì-têu tông chún-phi oi chin-kûng.

Kì-têu ke chan-chhâ kîm-to hâu-kông!

Kì-têu ke chan-mâ hiùng-chong kín-pêu#2:3 “Kì-têu ke chan-mâ hiùng-chong kín-pêu” ya-he yi̍t-cho “Hiông-pak-su cho ke chhiông ya khià-hí-lòi lé”.!

4Chan-chhâ chhai kiê-hong pêu-to chhiong pî,

chhai kóng-chhòng táng-kô chhong-lòi chhong-hi.

Kì-têu ke hìn-chhong chhiong fó-pá,

yu chhiong ngiap-lang án-ngiòng pî-sa.

5Kôn-chóng pûn vòng hêm-hi;

kì-têu yèu-yèu pài-pài chéu-tén lòi.

Chhîm-ngi̍p-chá chhin-chhong sàng-chhiòng,

kì-têu chhiu ka-hí pó-fu ke thai tún-phài.

6Súi-khu pên-lie̍t;

vòng-kiûng vang-thet.

7Vòng-heu pûn-ngìn vú-yu̍k, chok-chéu;

kiûng-ńg chhùi sîm-kôn pî-sông kín-kieu,

kieu-sâng chhiong ngie̍t-kap-è.

8Nì-nì-mì-sàng chhiong súi-khu pên-thet khiung-yong,

ngìn-mìn thò-nan chhiong súi-khu-súi thai sia.

Yû-ngìn kín-hêm: M̀-hó chéu! M̀-hó chéu!

Chúng-he mò-ngìn fì-thèu.

9Chhióng ngiùn-è!

Chhióng kîm-é!

Sàng-tú yû tôi-sân ke chhòi-pó!

To-chhu yû tak-yong ke pó-vu̍t!

10Nì-nì-mì fí-me̍t lé, mân-phién khûng-khûng fông-liòng!

Ngìn-sîm hak-to kiû-thet,

chhit-thèu kín-chûn, hi-li̍t sêu-sṳt,

mien-set la̍k-chhiâng.

11Ke-chak thai-sàng liá-ha chhai nai-vi?

Ke-chak chhiong sṳ̂-é ke lùng,

vi se sṳ̂-é ke thi-fông chhai nai-vi?

Kûng-sṳ̂ mû-sṳ̂ chhut-ngi̍p,

se sṳ̂-é chhṳ-yù chhṳ-chhai ke thi-fông chhai nai-vi?

12Kûng-sṳ̂ tá-lòi ke lia̍p-vu̍t,

pak-pûn mû-sṳ̂ lâu se sṳ̂-é;

lùng-tú tôi-mân chang pak-sui ke ngiuk.

13Song-chú — Van-kiûn ke Ngièn-soi kóng: “Nì-nì-mì â, Ngài he ngì ke thi̍t-ngìn; Ngài oi sêu-thet ngì ke chan-chhâ. Ngì ke-têu seu-chong sṳ̂-é oi pûn tô-kiam thûn-me̍t; Ngài oi chiông ngì tui phe̍t-ngìn ke-vi chhióng-lòi ke tûng-sî chhióng-chéu. Mò-ngìn chai thâng-tó ngì ke-têu sṳ́-chá ke sâng lé.”

Currently Selected:

Nâ-fùng Sû 2: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)