Mì-kâ Sû 7

Yî-set-lie̍t-ngìn ke Fú-phai

1Chhìn-hìn sṳ̍t-chhai tông-chhám! Ngài chhiong yit-ke ngo tú-sṳ́ ke ngìn, tui vù-fâ-kó-su táng chhìm m̀-tó chhûn hâ-lòi ke kó-chṳ́, chhai phù-thò-yèn chhìm m̀-tó liù hâ-lòi ke phù-thò. Só-yû ke phù-thò lâu chhû-siuk ke vù-fâ-kó chhiòn-phu pûn-ngìn chak chhiang-chhiang. 2Chhai liá-te thú-thi song, só-yû sṳ̀n-sṳ̍t chṳn-chhṳ̍t ke ngìn chhiòn-phu sí-thet lé; lièn yit-ke tui Song-ti chûng-sîm ke ngìn me mò. Ngìn-ngìn mài-fu̍k oi chhṳ̀-ngìn; sà-sà oi phû lò-mióng hoi-sí chhṳ-kâ ke thùng-pâu. 3Kì-têu chhiòn-phu he cho fái-sṳ ke chôn-kâ; kôn-yèn lâu fap-kôn chhiòn-phu thó fùng-pâu, yù-chhai ngìn sû-mâi. Yû khièn-sṳ ke ngìn lâu kì-têu kiet tóng-phai, fái-sṳ hàng-chhin. 4Chhai kì-têu chûng-kiên, chhiu-he chui hó-sîm, chui sṳ̀n-sṳ̍t ke, ya lâu net-è khiung-yong mò má-ke ka-chhṳ̍t.

Song-ti sṳ́m-phan Kì ke chṳ́-mìn ke ngit-è yí-kîn to lé, liá he Kì yî-chhièn sṳt thûng-ko sú-mong-chá — ke-têu siên-tî hiong Kì ke chṳ́-mìn kín-ko ke, liá-ha kì-têu khôi-sṳ́ kiâng-to mò-kat mò-sat. 5Ngì-têu m̀-hó siông-sin lìn-sa, ya m̀-hó sin-ngim phèn-yû, lièn tui chhṳ-kâ ke pû-ngiòng kóng-fa tû oi séu-sîm. 6Lai-é méu-sṳ â-pâ; moi-é fán-tui â-mê; sîm-khiû tui-khong kâ-ngiòng; ngì-têu ke tui-thi̍t chhiu-he chhṳ-kâ vuk-hâ ke ngìn.

7Lun-tó ngài, ngài oi ngióng-mong Song-chú; ngài oi tén-heu Song-ti — ngài ke kiu-chú. Ngài ke Song-ti voi thâng ngài ke khì-tó.

Song-chú Chṳ́n-kiu Kì ke Chṳ́-mìn

8Ngài-têu ke thi̍t-ngìn m̀-sṳ́ thêu-thêu-é fôn-hí. Sûi-yèn ngài-têu tiet-tó lé, ngài-têu hàn-oi khî hí-lòi. Liá-ha ngài-têu sûi-yèn chhai vû-am chûng, chúng-he Song-chú oi cho ngài-têu ke kông. 9Ngài-têu sṳt tet-chhui Song-chú, só-yî, ngài-têu liá-ha yit-thin oi ngiûn-su Kì ke thai fat-khién. Chúng-he chui-mî, Kì voi thoi ngài-têu phien-fu, vi ngài-têu sṳ̂n-yên. Kì voi tai ngài-têu chin-ngi̍p kông-mìn; ngài-têu voi chhîn-sṳ̂n khon-tó Kì ke chṳ́n-kiu. 10Ke-sṳ̀, ngài-têu ke thi̍t-ngìn khon-tó, yit-thin voi kám-kok kien-seu. Kì-têu sṳt mun ngài-têu: “Song-chú — ngì-têu ke Song-ti chhai nai-vi?” Ngài-têu voi chhîn-muk khon-tó kì-têu pûn-ngìn tá-vang, chhiong kiê-lu song ke nài-mòi yù-chhai ngìn chien-tha̍p.

11Yâ-lu-sat-lâng-ngìn â, chhùng-kien sàng-chhiòng ke sṳ̀-kiên voi to lé! Ke-sṳ̀, ngì-têu koet-kâ ke thú-thi voi kâ chhin-thai. 12Ngì-têu ke thùng-pâu oi tui tak só-chhai chón-lòi. Kì-têu tui tûng-fông ke Â-sut, nàm-fông ke Âi-khi̍p, Yu-fat-lâ-tí-hò ke thi-khî, thai-hói ke-phién, sân-liâng ke-phién, chhiòn-phu kón chón-lòi. 13Chúng-he, ke-têu só-chhai oi pien-cho fông-thi, yîn-vi ke-vi ke ngìn-mìn chhiòn-phu sià-ok.

Song-chú Lìn-mén Kì ke Chṳ́-mìn

14Song-chú â, khiù Ngì mu̍k-yông Ngì chhṳ-kâ só-sién ke chṳ́-mìn! Kì-têu kû-kû tân-tân he̍t chhai su-lìm chûng, mò hó hióng-su si chû-vì chhin-phì ke mu̍k-chhòng. Khiù Ngì pûn kì-têu hi Pâ-sân lâu Kî-lie̍t, chhiong yî-chhièn khiung-yong, chhai fûng-fu ke chhó-chhòng tet-tó mu̍k-yông.

15Song-chú â, khiù Ngì vi ngài-têu hién-chhut sṳ̀n-chiak, chhiong yî-chhièn Ngì tai ngài-têu chhut Âi-khi̍p ke sṳ̀ khiung-yong. 16Sûi-yèn lie̍t-koet yû khiòng-thai ke li̍t-liong, chúng-he kì-têu khon-tó Ngì ke thai nèn-li̍t chhiu voi hak-tó kien-seu, m̀-kám kóng, m̀-kám thâng. 17Kì-têu voi chhiong sà-kô sê-nài, chhai thi-song sò; kì-têu voi kiâng-to phà-chhut sàng-pó, chhai Song-chú — ngài-têu ke Song-ti mien-chhièn pi̍t-pi̍t-chhat.

18Song-ti â, mò khì-thâ ke sṳ̀n lâu Ngì pí é-tet; Ngì sa-miên hàn-chhûn ke chṳ́-mìn. Ngì mò yún-yén fat-khién; Ngì fôn-hí yung put-pien ke chhṳ̀-oi khoán-thai ngài-têu. 19Ngì oi chai yit-pái thung-siak ngài-têu. Ngì oi chiông ngài-têu ke chhui tha̍p chhai kiok-hâ, te̍p-ngi̍p hói-tái. 20Chhiu-chhiong thèu-pái Ngì yin-hí ngài-têu ke chú-siên, Ngì oi tui Â-pak-lâ-hón lâu Ngâ-kok ke heu-thoi hién-mìn sin-sṳ̍t lâu put-pien ke chhṳ̀-oi.

Currently Selected:

Mì-kâ Sû 7: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Mì-kâ Sû 7

Videos for Mì-kâ Sû 7

Micah 6-7

BibleProject

Micah 6-7

Spoken Gospel

Mì-kâ Sû 7

Popular Bible Verses from
Mì-kâ Sû 7

Videos for Mì-kâ Sû 7

Micah 6-7

Micah 6-7

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Mì-kâ Sû 7

Mì-kâ Sû 7

Popular Bible Verses from Mì-kâ Sû 7

Videos for Mì-kâ Sû 7

Micah 6-7

Micah 6-7

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Mì-kâ Sû 7

Popular Bible Verses from
Mì-kâ Sû 7