Li-vi Ki 9

Â-lùn Hien-chi

1To thi-pat ngit, Mô-sî seu-si̍p Â-lùn lâu kì ke-têu lai-é, pin Yî-set-lie̍t ke-têu chóng-ló lòi. 2Kì lâu Â-lùn kóng: “Ngì oi tho̍k yit-chak mò khiet-tiám ke se ngiù-kú lòi-cho su̍k-chhui-chi, yit-chak mò khiet-tiám ke mièn-yòng-kú cho sêu-fa-chi hien-pûn Song-chú. 3Yèn-heu, ngì oi tui Yî-set-lie̍t-ngìn kóng: ‘Ngì-têu oi tho̍k yit-chak sân-yòng-kú lòi-cho su̍k-chhui-chi, yu tho̍k yit-se thai, mò khiet-tiám ke se ngiù-kú lâu se mièn-yòng-kú kok yit-chak cho sêu-fa-chi, 4yu tho̍k yit-chak ngiù-kú lâu yit-chak mièn-yòng-kú cho phìn-ôn-chi. Ngì-têu oi chiông liá-têu lâu kiâu kám-lám-yù ke su-chi chhiòn-phu hien-pûn Song-chú, yîn-vi kîm-pû-ngit Song-chú oi hiong ngì-têu hién-hien.’ ”

5Só-yî, kì-têu chiông Mô-sî fûn-fu kì-têu ke chhiòn-phu tai-to sṳn-chong-phùng chhièn; chhiòn-thí ngìn-mìn chhi-si̍p chhai ke-vi, khî chhai Song-chú mien-chhièn. 6Mô-sî kóng: “Song-chú min-lin ngì-têu cho liá só-yû ke sṳ, he oi hiong ngì-têu hién-hien Kì ke yùng-kông.” 7Chiap-tén, Mô-sî tui Â-lùn kóng: “Ngì oi to chi-thàn chhièn hien ngì ke su̍k-chhui-chi lâu sêu-fa-chi, vi ngì chhṳ-kâ lâu ngìn-mìn su̍k-chhui; ngì yu oi hien ngìn-mìn ke chi, vi kì-têu su̍k-chhui, chhiòn-phu cheu Song-chú só min-lin ke.”

8Só-yî, Â-lùn hàng-to chi-thàn chhièn, chhṳ̀-sí se ngiù-kú cho kì chhṳ-kâ ke su̍k-chhui-chi. 9Kì ke-têu lai-é chiông hiet tai-to kì mien-chhièn, kì chhiu yung sú-chṳ́ vun-hiet, chiông hiet kò chhai chi-thàn ke si-kok táng, chhûn-tó ke hiet chhiòn-phu tó chhai chi-thàn ke kiok ke-vi. 10Chiap-tén, kì cheu Song-chú thûng-ko Mô-sî siên-pu ke min-lin chiông su̍k-chhui-chi ke yù, lióng-chak yêu-é, lâu kôn ke mióng-yù chhiòn-phu piong chhai chi-thàn táng sêu-hien. 11Kì yu chiông ngiù ke ngiuk lâu phì tai-to yàng-ngoi sêu-thet.

12Â-lùn ya chhṳ̀-sí vi chhṳ-kâ hien sêu-fa-chi ke thèu-sâng. Kì ke-têu lai-é chiông hiet tai-to kì mien-chhièn, kì chhiu chiông hiet hia chhai chi-thàn si chû-vì. 13Yèn-heu, kì-têu chiông sêu-fa-chi ke ngiuk yit-te yit-te, lièn thèu kâu-pûn kì, kì chhiu chiông liá-têu piong chhai chi-thàn táng sêu. 14Kì yu sé-chhiang puk-nui lâu heu-thúi, pài chhai sêu-fa-chi táng sêu-hien.

15Chiap hâ-hi, Â-lùn vi ngìn-mìn hien-chi. Kì chiông vi ngìn-mìn su̍k-chhui ke sân-yòng-kú khiên ko-lòi, chhṳ̀-sí, yèn-heu cheu kì vi chhṳ-kâ hien su̍k-chhui-chi ke fông-fap hien ke-chak sân-yòng-kú. 16Kì yu khiên sêu-fa-chi ke thèu-sâng ko-lòi, cheu thiàu-li chiông kì fung-hien. 17Kì ya hien su-chi, tui chûng-kiên yá yit-kha̍k piong chhai chi-thàn táng sêu. (Chhù-liáu tak chêu-sṳ̀n ke sêu-fa-chi yî-ngoi, chai hien liá-chi.) 18Kì chhṳ̀-sí ngiù-kú lâu mièn-yòng-kú, vi ngìn-mìn hien phìn-ôn-chi. Â-lùn ke-têu lai-é chiông hiet tai-to kì mien-chhièn, kì chhiu chiông hiet hia chhai chi-thàn si chû-vì. 19Kì-têu chiông ngiù-kú lâu mièn-yòng-kú ke yù, pâu-hàm phì ke mî, pâu-tén puk-nui ke yù, lióng-chak yêu-é, lâu kôn ke mióng-yù, 20chhiòn-phu piong chhai sên-ngì ke hiûng-phù táng, tai-to kì mien-chhièn. Â-lùn chhiu chiông liá-têu yù sêu chhai chi-thàn táng, 21yu chûn-cheu Mô-sî ke min-lin chiông hiûng-phù-ngiuk lâu yu heu-thúi yèu kí-ha cho yèu-chi hien-pûn Song-chú.

22Â-lùn hien su̍k-chhui-chi, sêu-fa-chi, lâu phìn-ôn-chi yî-heu, chhiu khià-sú chuk-fuk ngìn-mìn, yèn-heu tui chi-thàn táng hâ-lòi. 23Mô-sî lâu Â-lùn ngi̍p-hi sṳn-chong-phùng, chai tui ke-vi chhut-lòi, chuk-fuk ngìn-mìn. Liá-sṳ̀, Song-chú ke yùng-kông hiong chhiòn-thí mìn-chung hién-hien. 24Yû fó tui Song-chú mien-chhièn chhut-lòi, sêu-thet sêu-fa-chi lâu chi-thàn táng ke yù. Ngìn-mìn yit khon-tó chhiu chhiòn-phu fôn-hí to thai-sâng sê, phu̍k chhai thi-song.

Currently Selected:

Li-vi Ki 9: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Li-vi Ki 9

Videos for Li-vi Ki 9

Holiness

BibleProject

Leviticus 8-10

Spoken Gospel

Li-vi Ki 9

Popular Bible Verses from
Li-vi Ki 9

Videos for Li-vi Ki 9

Holiness

Leviticus 8-10

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Li-vi Ki 9

Li-vi Ki 9

Popular Bible Verses from Li-vi Ki 9

Videos for Li-vi Ki 9

Holiness

Leviticus 8-10

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Li-vi Ki 9

Popular Bible Verses from
Li-vi Ki 9