Li-vi Ki 8

Sat-li̍p Â-lùn lâu Kì ke Chṳ́-sûn Cho Chi-sṳ̂

(Chhut Âi-khi̍p Ki 29:1-37)

1Song-chú fûn-fu Mô-sî: 2“Ngì oi tai Â-lùn lâu kì ke-têu lai-é to Ngài sṳn-chong-phùng mùn-héu. Ngì ya oi tai chi-sṳ̂ ke sṳn-fu̍k, sat-li̍p yung ke sṳn-yù, yit-chak su̍k-chhui-chi ke se ngiù-kú, lióng-chak mièn-yòng-kú, lâu yit-làm vù-kau-piáng hi, 3yèn-heu seu-si̍p chhiòn-thí ngìn-mìn to ke-vi chhi-fi.”

4Mô-sî chûn-cheu Song-chú ke min-lin hi-cho. Chhiòn-thí mìn-chung chhiòn-phu chhi-si̍p chhai sṳn-chong-phùng mùn-héu, 5Mô-sî chhiu tui kì-têu siên-pu: “Ngài liá-ha só chṳp-hàng ke he chûn-cheu Song-chú ke min-lin hi-cho ke.”

6Mô-sî thu Â-lùn lâu kì ke-têu lai-é to thèu-chhièn lòi, yung súi lâu kì-têu sé-sṳ̂n. 7Kì lâu Â-lùn chok-hó nui-sâm, kiê yêu-tai, chok-hó chhòng-sâm, yu kâ-song yî-fut-tet sṳn-fu̍k, yung sú-kûng chhiak-sṳ̀n ke tai-é chiông yî-fut-tet kiê chhai sṳ̂n-song. 8Chiap-tén, kì chiông hiûng-phài koa chhai Â-lùn sṳ̂n-song, chiông vû-lìn lâu thú-mìn#8:8 “vû-lìn lâu thú-mìn”: Khon Chhut Âi-khi̍p Ki 28:30. piong-ngi̍p hiûng-phài tú. 9Yèn-heu, kì chiông mo-é tai chhai Â-lùn ke thèu-nà táng, yu chiông ke yung sùn-kîm chho ke péu-sṳ fung-hien ke phài-è kiê chhai mo-é ke thèu-chhièn. Liá chhiòn-phu he chûn-cheu Song-chú min-lin Mô-sî cho ke.

10Mô-sî nâ sṳn-yù kò sṳn-chong-phùng lâu nui-tú só-yû ke tûng-sî, án-ngiòng sṳ́ kì-têu chhiòn-phu fûn-phe̍t vì-sṳn. 11Kì ya yung sṳn-yù chhai chi-thàn lâu thàn ke yung-phín táng-kô fin chhit-pái, chhai sé-thông-phùn lâu phùn-chho táng-kô fin chhit-pái, lòi chiông liá-têu tûng-sî chhiòn-phu fûn-phe̍t vì-sṳn. 12Kì chiông sṳn-yù tó chhai Â-lùn ke thèu-nà táng, sat-li̍p kì cho chi-sṳ̂. 13Chiap-tén, Mô-sî thu Â-lùn ke-têu lai-é to thèu-chhièn, pûn kì-têu chok-hó nui-sâm, kiê yêu-tai, tai mo-é. Liá chhiòn-phu he chûn-cheu Song-chú min-lin Mô-sî cho ke.

14Mô-sî chiông su̍k-chhui-chi ke se ngiù-kú khiên ko-lòi; Â-lùn lâu kì ke-têu lai-é chiông sú piong chhai ngiù-kú ke thèu-nà táng. 15Mô-sî chhṳ̀-sí ke ngiù-kú, yung sú-chṳ́ vun-hiet, kò chhai chi-thàn ke si-kok táng, sṳ́ chi-thàn sàng-cho chhiang-li. Yèn-heu, kì chiông chhûn-tó ke hiet tó chhai thàn-kiok ke-vi. Án-ngiòng, kì chiông chi-thàn fûn-phe̍t vì-sṳn, hó chhai chi-thàn táng su̍k-chhui. 16Mô-sî nâ ngiù-kú puk-nui só-yû ke yù, kôn ke mióng-yù, lióng-chak yêu-é lâu yêu-é mien-táng ke yù, piong chhai chi-thàn táng, chhiòn-phu sêu-thet. 17Chúng-he, kì chiông ngiù-kú chhûn-tó ke phu-fun, pâu-hàm phì, ngiuk, chhòng, chhiòn-phu tai-to yàng-ngoi sêu-thet. Liá chhiòn-phu he chûn-cheu Song-chú min-lin Mô-sî cho ke.

18Chiap-tén, Mô-sî khiên ke-chak cho sêu-fa-chi ke mièn-yòng-kú lòi; Â-lùn lâu kì ke-têu lai-é chiông sú piong chhai mièn-yòng-kú thèu-nà táng. 19Mô-sî chhṳ̀-sí ke yòng-kú, chiông hiet hia chhai chi-thàn si chû-vì. 20Kì chiông yòng-ngiuk chhiet-cho yit-te yit-te, yung-súi sé-chhiang puk-nui lâu heu-thúi, chiông liá-têu lâu yòng-thèu pin yù chhiòn-phu piong chhai chi-thàn táng sêu-hien. 21Liá fó-chi ke hiông-mi he Song-chú só fôn-hí ke. Liá chhiòn-phu he chûn-cheu Song-chú min-lin Mô-sî cho ke.

22Mô-sî khiên nang-ngoi yit-chak mièn-yòng-kú lòi, liá-chak he vi-tó su sṳn-chṳt pûn chi-sṳ̂ hien ke. Â-lùn lâu kì ke-têu lai-é chiông sú piong chhai mièn-yòng-kú ke thèu-nà táng. 23Mô-sî chhṳ̀-sí ke yòng-kú, nâ yit-si̍t-é hiet kò Â-lùn ke yu ngí-thò, chṳn-sú ke sú-chṳ́-kûng, lâu chṳn-kiok ke kiok-chṳ́-kûng. 24Chiap-tén, kì tai Â-lùn ke-têu lai-é to thèu-chhièn lòi, chiông yit-si̍t-é hiet kò kì-têu ke yu ngí-thò, chṳn-sú ke sú-chṳ́-kûng, lâu chṳn-kiok ke kiok-chṳ́-kûng, yèn-heu kì chiông chhûn-tó ke hiet tó chhai chi-thàn si chû-vì. 25Kì chiông yù, phì ke mî, pâu-tén puk-nui ke yù, kôn ke mióng-yù, lióng-chak yêu-é lâu yêu-é mien-táng ke yù, lâu yu heu-thúi fûn chhut-lòi. 26Kì tui hien-pûn Song-chú ke-làm vù-kau-piáng chûng nâ-chhut yit-te piáng, yit-te kò kám-lám-yù ke piáng, lâu yit-te pho̍k-piáng, piong chhai yù lâu yu-thúi táng, 27yèn-heu chiông liá-têu tûng-sî chhiòn-phu piong chhai Â-lùn lâu kì ke-têu lai-é ke sú-hong yèu kí-ha cho yèu-chi hien-pûn Song-chú. 28Chiap-tén Mô-sî tui kì-têu ke sú-hong chiông liá-têu piáng chiap ko-lòi, piong chhai chi-thàn táng ke sêu-fa-chi táng-kô sêu-hien. Liá he su sṳn-chṳt pûn chi-sṳ̂ só hien ke chi. Liá fó-chi ke hiông-mi he Song-chú só fôn-hí ke. 29Yèn-heu, Mô-sî chiông hiûng-phù-ngiuk yèu kí-ha cho yèu-chi hien-pûn Song-chú; liá he Mô-sî tui ke su sṳn-chṳt pûn chi-sṳ̂ ke yòng-kú só tet ke yit-fun. Liá chhiòn-phu he chûn-cheu Song-chú min-lin Mô-sî cho ke.

30Mô-sî nâ yit-si̍t-é sṳn-yù lâu chi-thàn táng ke hiet fin chhai Â-lùn lâu kì ke-têu lai-é sṳ̂n-song, ya fin chhai kì-têu ke sâm-fu táng. Án-ngiòng, kì chiông kì-têu lâu kì-têu ke sâm-fu fûn-phe̍t vì-sṳn, fung-hien pûn Song-chú.

31Mô-sî tui Â-lùn lâu kì ke-têu lai-é kóng: “Ngì-têu oi chûn-cheu Song-chú ke min-lin chiông ngiuk tai-to sṳn-chong-phùng mùn-héu, chhai ke-vi chú, chhai ke-vi sṳ̍t, yu oi sṳ̍t làm-è tú ke su sṳn-chṳt pûn chi-sṳ̂ ke piáng. 32Chhûn-tó ke ngiuk lâu piáng chhiòn-phu oi sêu-thet. 33Ngì-têu oi liù chhai sṳn-chong-phùng mùn-héu chhit-ngit, cho-m̀-tet lì-khôi, tén-to ngì-têu chiap-su sṳn-chṳt ke lî-ngì vàn-sṳ̀n, yîn-vi ngì-têu oi yung chhit-ngit ke sṳ̀-kiên chiap-su sṳn-chṳt cho chi-sṳ̂. 34Ngài-têu kîm-pû-ngit só-cho ke chhiòn-phu he chûn-cheu Song-chú ke min-lin cho ke; liá min-lin he vi-tó oi su̍k ngì-têu ke chhui. 35Ngì-têu yit-thin oi liù chhai sṳn-chong-phùng mùn-héu chhit-ngit, ngit-ya chhai ke-vi, chûn-hàng Song-chú ke min-lin. Na-he mò, ngì-têu yit-thin voi-sí. Liá chhiu-he Song-chú pûn ngài ke min-lin.” 36Só-yî, Â-lùn lâu kì ke-têu lai-é chhiu chûn-hàng Song-chú fûn-fu Mô-sî min-lin ke yit-chhiet sṳ.

Currently Selected:

Li-vi Ki 8: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Li-vi Ki 8

Videos for Li-vi Ki 8

The Meaning and Purpose of Anointing in the Bible

BibleProject

Leviticus 8-10

Spoken Gospel

Li-vi Ki 8

Popular Bible Verses from
Li-vi Ki 8

Videos for Li-vi Ki 8

The Meaning and Purpose of Anointing in the Bible

Leviticus 8-10

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Li-vi Ki 8

Li-vi Ki 8

Popular Bible Verses from Li-vi Ki 8

Videos for Li-vi Ki 8

The Meaning and Purpose of Anointing in the Bible

Leviticus 8-10

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Li-vi Ki 8

Popular Bible Verses from
Li-vi Ki 8