Li-vi Ki 27

Hí-ngien ke Thiàu-li

1Song-chú fûn-fu Mô-sî 2hiong Yî-set-lie̍t-ngìn siên-pu yî-ha ke thiàu-li. “Yû-ngìn hiong Song-chú vàn thi̍t-phe̍t hí ke ngien ke sṳ̀, oi cheu yî-ha ke kûi-thin lòi na̍p-chhièn. 3Cheu sṳn-só kûi-thin ke phêu-chún:

Thai-ngìn, tui ngi-sṳ̍p se to liuk-sṳ̍p se:

nàm-ngìn fu ńg-sṳ̍p chak ngiùn-pi,

4ńg-ngìn fu sâm-sṳ̍p chak ngiùn-pi.

5Heu-sâng ngìn, tui ńg-se to ngi-sṳ̍p se:

se-lai-é fu ngi-sṳ̍p chak ngiùn-pi,

se-moi-é fu sṳ̍p chak ngiùn-pi.

6Se-ngìn-è, tui yit-chak ngie̍t to ńg-se:

se-â-kô-é fu ńg chak ngiùn-pi,

se-â-moi-é fu sâm chak ngiùn-pi.

7Ló-ngìn-kâ, liuk-sṳ̍p se yî-song:

nàm-ngìn fu sṳ̍p-ńg chak ngiùn-pi,

ńg-ngìn fu sṳ̍p chak ngiùn-pi.

8“Vàn-ngien ke ngìn na-he yîn-vi khiùng-khú mò fap-thu cheu só-thin ke phêu-chún vàn-chhîn, chhiu-oi tai kì to chi-sṳ̂ ke-vi, chi-sṳ̂ oi cheu kì na̍p tet-hí ke nèn-li̍t nang-ngoi kûi-thin ka-chhièn.

9“Na-he só hí ke ngien he yû-koân hien-pûn Song-chú cho sên-ngì ke thèu-sâng, liá-chúng lî-vu̍t oi kûi Song-chú cho sṳn-vu̍t. 10Hí-ngien ke ngìn cho-m̀-tet yung khì-thâ thèu-sâng kâu-von, hó ke von fái ke ya-he fái ke von hó ke; na-he yû kâu-von ke, lióng-chak thèu-sâng chhiòn-phu oi kûi-pûn Song-chú. 11Na-he só hí ke ngien he yû-koân mò chhiang-li ke thung-vu̍t, chhiu-he ke cho-m̀-tet hien-pûn Song-chú cho sên-ngì ke, hí-ngien ke ngìn chhiu-oi chiông thèu-sâng khiên to chi-sṳ̂ ke-vi. 12Chi-sṳ̂ oi cheu thèu-sâng ke hó-fái kû-ka, kì kóng kí-tô chhiu kí-tô. 13Na-he kì oi chiông thèu-sâng su̍k chón-lòi, yit-thin oi cheu só-kû ke ka-chhièn, kâ ńg-fûn chṳ̂-yit.

14“Ngìn hien vuk-è pûn Song-chú ke sṳ̀, chi-sṳ̂ chhiu-oi cheu vuk-è ke hó-fái kû-ka, kì kóng kí-tô chhiu kí-tô. 15Fung-hien ke ngìn na-he oi chiông ke-kiên vuk-è su̍k chón-lòi, yit-thin oi fu-chhut ngièn-lòi ke ka-chhièn, kâ ńg-fûn chṳ̂-yit, vuk-è chang kûi-pûn kì.

16“Na-he yû-ngìn chiông só sṳ̀n-chiap ke yit phu-fun thú-thi hien-pûn Song-chú, chi-sṳ̂ chhiu-oi cheu ke thú-thi ve-chúng ke liong lòi kû-ka, cho-tet ve yit-pak kûng-kîn thai ma̍k-chúng ke thú-thi ka-chhṳ̍t he ńg-sṳ̍p chak ngiùn-pi. 17Kì na-he chhai Hí-ngièn fung-hien ke, chhiu-oi cheu ka-chhièn na̍p-chhîn. 18Kì na-he chhai Hí-ngièn yî-heu fung-hien ke, chi-sṳ̂ oi tui ke-sṳ̀ to ha yit-ke Hí-ngièn só-chhûn ke ngièn-su, só-kû ke ka-chhièn lòi kám-thet. 19Ke-ngìn na oi chiông thú-thi su̍k chón-lòi, yit-thin oi cheu só kû-ka ke su-muk kâ ńg-fûn chṳ̂-yit, thú-thi chang kûi-vàn kì. 20Na-he kì m̀ siên tui Song-chú chiông ke thú-thi su̍k chón-lòi, chhiu chiông thú-thi chón-mai pûn phe̍t-ngìn, kì chhiu sṳt-thet chiông ke thú-thi su̍k chón-lòi ke khièn-li. 21To ha yit-ke Hí-ngièn, ke thú-thi oi sàng-cho Song-chú yún-kiú ke sán-ngia̍p, kûi-su̍k chi-sṳ̂.

22“Na-he yû-ngìn chiông mâi-lòi ke thú-thi (m̀-he sṳ̀n-chiap ke thú-thi) hien-pûn Song-chú, 23chi-sṳ̂ chhiu-oi tui ke-sṳ̀ to ha yit-ke Hí-ngièn só-chhûn ke ngièn-su lòi kû-ka; ke-ngìn yit-thin oi tông-ngit chhiu chiông ka-chhièn na̍p pûn Song-chú. 24To Hí-ngièn, ke thú-thi oi vàn ngièn-chú ya-he kì ke heu-thoi.

25“Só-yû ke ka-chhièn chhiòn-phu oi cheu sṳn-só kûi-thin ke phêu-chún.

26“Thèu-thôi ke thèu-sâng, mò-lun he ngiù ya-he yòng, yí-kîn kûi-su̍k Song-chú, só-yî ngìn cho-m̀-tet chai nâ kì lòi-cho kâm-sîm ke chi-vu̍t lòi-hien, yîn-vi liá he Song-chú ke. 27Na-he ke thèu-thôi he mò chhiang-li ke, kì cho-tet cheu ngièn-lòi ke ka-chhièn kâ ńg-fûn chṳ̂-yit su̍k chón-lòi; na-he m̀ su̍k chón-lòi, cho-tet cheu kûi-thin ke ka-chhièn mai-pûn phe̍t-ngìn.

28“Ke yún-yén hien-pûn Song-chú ke, mò-lun he ngìn, thèu-sâng, ya-he sṳ̀n-chiap ke thú-thi, chhiòn-phu cho-m̀-tet mai-pûn phe̍t-ngìn, ya cho-m̀-tet su̍k chón-lòi, oi yún-yén kûi-su̍k Song-chú. 29Yin-tông me̍t-thet ke ngìn chhiòn-phu cho-m̀-tet su̍k chón-lòi, yit-thin oi chhú sí-hìn.

30“Thú-thi só chhut-sán ke, mò-lun he ńg-kuk ya-he kó-chṳ́, sṳ̍p-fûn chṳ̂-yit he Song-chú ke; oi fûn-phe̍t vì-sṳn kûi-pûn Song-chú. 31Na-he yû-ngìn sióng-oi chiông liá sṳ̍p-fûn chṳ̂-yit su̍k chón-lòi, yit-thin oi cheu kûi-thin ke ka-chhièn chai kâ-fu ńg-fûn chṳ̂-yit. 32Sṳ̍p-chak thèu-sâng, mò-lun he ngiù ya-he yòng, tui mu̍k-ngìn ke chhóng kîn-ko ke sṳ̀, thi-sṳ̍p chak he Song-chú ke. Tak-pái son-to thi-sṳ̍p chak, ke-chak chhiu-he Song-chú ke. 33Chú-ngìn cho-m̀-tet nâ phe̍t-chak lòi-von, chiông fái ke von chhut-lòi fung-hien, ya cho-m̀-tet yung phe̍t-chúng ke thèu-sâng lòi-von. Na-he kì yung nang-ngoi yit-chak lòi kâu-von, lióng-chak chhiòn-phu he Song-chú ke, cho-m̀-tet su̍k chón-lòi.”

34Liá-têu kie-min he Song-chú chhai Sî-nai-sân kâu-pûn Mô-sî hiong Yî-set-lie̍t-ngìn siên-pu ke.

Currently Selected:

Li-vi Ki 27: THV12Rdb

Highlight

Copy

Compare

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Li-vi Ki 27

Video for Li-vi Ki 27

Leviticus 26-27

Spoken Gospel

Li-vi Ki 27

Popular Bible Verses from
Li-vi Ki 27

Video for Li-vi Ki 27

Leviticus 26-27

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Li-vi Ki 27

Li-vi Ki 27

Popular Bible Verses from Li-vi Ki 27

Video for Li-vi Ki 27

Leviticus 26-27

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Li-vi Ki 27

Popular Bible Verses from
Li-vi Ki 27