Yâ-li-mí Ôi-kô 5

Khì-khiù Lìn-mén

1Song-chú â, khiù Ngì ki-tet ngài-têu só tù-tó ke sṳ,

kam-chhat ngài-têu só su ke vú-yu̍k.

2Ngài-têu ke sán-ngia̍p chhiòn-phu lo̍k chhai ngoi-chhu̍k-ngìn sú-chûng;

ngoi-koet-ngìn khiòng-chiam ngài-têu ke vuk-sa.

3Ngài-têu sàng-cho mò yà ke kû-yì;

ngài-têu ke â-mê sàng-cho koá-fu.

4Ngài-têu oi fu-chhièn chang yû súi lîm,

ngài-têu sêu-chhèu ya oi yung mâi.

5Ngài-têu chhiong pà-tén ngiù-ak#5:5 “chhiong pà-tén ngiù-ak” Hî-pak-lòi-vùn chhṳ̍t-yi̍t he “chhai ngài-têu ke kiáng-kîn hong”. pûn-ngìn kiuk-lòi kiuk-hi,

lò-luk to tông-khioi, m̀-sṳ́ sióng-oi hiet-khun.

6Vi-tó oi yû liòng-sṳ̍t chhûng-kî,

ngài-têu chhiu chhûn-sú hiong Âi-khi̍p-ngìn lâu Â-sut-ngìn khiù-thó.

7Ngài-têu ke chú-siên fam-chhui, liá-ha kì-têu mò-chhôi lé,

ngài-têu sa yîn-vi kì-têu ke chhui-ok lòi su chit-fa̍t.

8Ngài-têu liá-ha pûn nù-chhòi lòi kón;

mò-ngìn nèn kiu ngài-têu lì-khôi kì-têu ke sú.

9Chhai khóng-yâ yû chhin-tô chhṳ̀-ngìn ke hiûng-sú;

ngài-têu oi mo sâng-miang ke ngùi-hiám lòi chhìm-sṳ̍t.

10Ngài-têu yîn-vi kî-ngo lòi fat-sêu,

phì-ngiuk fat-ngie̍t to chhiong fó-lù yit-yong.

11Ngài-têu ke fu-ngìn-kâ chhai Siak-ôn pûn-ngìn khiòng-kiên;

ngài-têu ke ngìn-kâ-ńg chhai Yù-thai ke sàng-chṳ́n ya pûn-ngìn vú-yu̍k.

12Ngài-têu ke liâng-chhiu sûng-sú pûn-ngìn thak-tén tiau hí-lòi;

ngài-têu ke ló-ngìn-kâ mò pûn-ngìn chûn-kin.

13Ngài-têu ke heu-sâng-ngìn pûn-ngìn pet-hi lâi mo-sa̍k;

ngài-têu ke se-ngìn-è pà-chhèu pà-to vang hâ-hi.

14Ló-ngìn-kâ mò chai chhô chhai sàng-mùn-héu;

heu-sâng-ngìn ya mò chai thàn-khìm cheu-ngo̍k.

15Ngài-têu ke sîm-chûng mò pan-si̍t khoai-lo̍k;

thiau-vú pien-cho pî-sông.

16Ngài-têu ke miên-liù tui thèu-nà-táng tiet hâ-lòi;

ngài-têu fam-chhui, liá-ha ngài-têu sṳ̀n-su châi-nan!

17Ngài-têu vi-tó liá-têu sṳ pien mò thèu-sṳ̀n;

muk-chṳp liù-to ngài-têu ke muk-chû mùng-mùng.

18Yîn-vi Siak-ôn-sân pien tông fông-liòng,

yâ-kiéu chhai fông-phû tú chhut-ngi̍p.

19Chúng-he Song-chú â, Ngì yún-yén chóng-khièn;

Ngì ke thúng-chhṳ sṳ-sṳ thoi-thoi mò-thìn.

20Ngì oi yún-kiú m̀ ki-tet ngài-têu he-mò?

Ngì cho-má-ke fit-thet ngài-têu án-kiú nè?

21Song-chú â, khiù Ngì sṳ́ ngài-têu fì-sîm chón-yi lòi kûi-hiong Ngì.

Khiù Ngì fì-fu̍k ngài-têu ke kông-yùng chhiong thèu-pái ke-têu ngit-è!

22Kám-kóng Ngì oi yún-yén khî-chhie̍t ngài-têu?

Kám-kóng Ngì ke fat-khién yún-kiú mò-thìn?

Currently Selected:

Yâ-li-mí Ôi-kô 5: THV12Rdb

Highlight

Copy

Compare

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Yâ-li-mí Ôi-kô 5

Video for Yâ-li-mí Ôi-kô 5

Lamentations 5

BibleProject

Yâ-li-mí Ôi-kô 5

Popular Bible Verses from
Yâ-li-mí Ôi-kô 5

Video for Yâ-li-mí Ôi-kô 5

Lamentations 5

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yâ-li-mí Ôi-kô 5

Yâ-li-mí Ôi-kô 5

Popular Bible Verses from Yâ-li-mí Ôi-kô 5

Video for Yâ-li-mí Ôi-kô 5

Lamentations 5

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yâ-li-mí Ôi-kô 5

Popular Bible Verses from
Yâ-li-mí Ôi-kô 5