Yâ-li-mí Ôi-kô 4

Ham-lo̍k Heu ke Yâ-lu-sat-lâng

1Chhám lé!

Ngài-têu ke sùn-kîm pien-chṳt, chhiòn-mò kông-chhái!

Sṳn-thien ke sa̍k-thèu pûn-ngìn fit chhai kiê-lu!

2Siak-ôn chhiâng-ngièn pún-lòi chhiong sùn-kîm án kô-kui,

chúng-he liá-ha pûn-ngìn khon-cho chhû-fì yit-yong.

3Yâ-kiéu hàn tî oi pûn yu-chṳ́ sṳ̍t-nen,

chúng-he ngài ke ngìn-mìn chhiong khóng-yâ ke thò-niâu án mò-chhìn.

4Kì-têu yù-chhai ô-nga-é choi-châu to voi sí;

se-ngìn-è thó-sṳ̍t, ya mò-ngìn nâ-pûn kì-têu.

5Yit-liu-lî sṳ̍t sân-chṳ̂n hói-mi ke ngìn,

liá-ha chhai kiê-thèu hong-mî mò-ngìn chhap;

yit-liu-lî ko chhâ-fà sên-fa̍t ke ngìn,

liá-ha vang chhai lá-sap-tôi chhìm sṳ̍t-vu̍t.

6Ngài ke ngìn-mìn só sṳ̀n-su ke chit-fa̍t,

pí Só-tô-mâ ngìn-mìn só su ke hàn-kha chhûng#4:6 “só sṳ̀n-su ke chit-fa̍t, pí ... só su ke hàn-kha chhûng” ya-he yi̍t-cho “ke chhui-ok, pí ... só fam ke hàn-kha li-hoi”..

Só-tô-mâ yit-ngiap-muk chhiu sêu-me̍t thet,

m̀-sṳ́ su-tó má-ke kûng-kit.

7Ngài-têu ke kui-chhu̍k yit-liu-lî pí siet pí nen kha pha̍k-chhiang;

kì-têu ke mien-set fùng-yun, sṳ̂n-khiòng li̍t-chong#4:7 “kì-têu ke ... li̍t-chong” Hî-pak-lòi-vùn chhṳ̍t-yi̍t he “vû-sṳ̂n fùng ko fùng-pó-sa̍k, thí-kiet chhiong làm-pó-sa̍k án-chiâng”..

8Liá-ha kì-têu chhai kiê-hong mò-ngìn sṳt;

kì-têu ke mien pí fó-than hàn-kha vû,

phì pâu-kut, chheu-to chhiong châu-chhèu yit-yong.

9Pûn tô-kiam chhṳ̀-sí ke, pí ngo-sí ke ngìn kha hen-fuk;

ngo-sí ke oi ngiûn-su yâu ke thung-khú, man-man thô-to sí.

10Ngài ke ngìn-mìn só su ke châi-nan fî-sòng tet-ngìn-kiâng,

chhṳ̀-oi ke â-mê chhîn-sú chú chhṳ-kâ ke se-ngìn-è lòi sṳ̍t!

11Song-chú chiông Kì ke thai fat-khién chhin-piang chhut-lòi;

Kì tiám-chho̍k lie̍t-fó chiông Siak-ôn sêu-cho phiàng-thi.

12Sṳ-kiên mò-ngìn siông-sin,

lièn lie̍t-koet ke kiûn-vòng ya m̀ siông-sin:

Chhîm-lio̍k-chá nèn chin-ngi̍p Yâ-lu-sat-lâng ke sàng-mùn.

13Chúng-he án-ngiòng ke sṳ chṳn-kîn fat-sên;

liá he yîn-vi kì ke siên-tî lâu chi-sṳ̂ fam-chhui,

chhai sàng-tú chiông mò-chhui ke ngìn chhú sí-hìn.

14Kì ke-têu liâng-chhiu chhiong mô-muk ke chhai kiê-hong chhong-lòi chhong-hi;

kì-têu kò-tó mân-sṳ̂n ke hiet,

mò-ngìn kám hi miâ-tó kì-têu.

15Ngìn-mìn thai-sâng chhin-tot kì-têu kóng:

“Chéu-khôi, ngì liá-têu ô-chô tûng-sî!

Cho-m̀-tet hàng-kiâm ngài liá-vi lòi!”

Yîn-vi án-ngiòng, kì-têu to-chhu liù-long,

mò yit-ke koet-kâ hén sû-liù kì-têu.

16Song-chú mò-oi chai koân-sîm kì-têu;

Kì chhṳ-kâ chiông kì-têu kiuk chhut-hi.

Ngìn-mìn mò khon-chhung chi-sṳ̂,

ya mò hó khoán-thai liâng-chhiu.

17Ngài-têu phan-mong yû-ngìn lòi pông-chhu,

chúng-he phan-mong to muk-chû fâ-thet.

Kîn-pún mò koet-kâ yû-li̍t pông-chhu ngài-têu!

Ngài-têu hàn yit-chhṳ̍t chhai sú-mong-thòi kín-mong.

18Sù-thi̍t chhiong tá-lia̍p án-ngiòng tûi ngài-têu,

chṳ-to ngài-têu m̀-kám chhai kiê-hong hàng.

Ngài-têu ke ngit-è mân lé!

Ngài-têu ke kiet-khiu̍k to lé.

19Tûi ngài-têu ke ngìn pí khûng-chûng ke ên-tiâu hàn-kha kiak;

kì-têu chhai sân-táng tûi ngài-têu, chhai khóng-yâ phu-tén ngài-têu.

20Kì-têu chok-tó Song-chú kò-yù só-li̍p ke vòng,

chhiu-chhiong sû-chéu ngài-têu théu ke hi.

Ngài-têu ngièn-tán khok-sin kì voi pó-fu ngài-têu;

kì voi kiu ngài-têu thot-lì khiòng-thi̍t ke kiûn-vòng.

21He̍t chhai Vû-sṳ̂ ke Yî-tûng-ngìn â,

cho ngì-têu chhin-liong fôn-hí khoai-lo̍k!

Khú-nan ke chiú-pî ya voi chhòn-pûn ngì-têu,

ngì-têu voi chhiong ngìn chui-to chhak-sṳ̂n lu-thí.

22Siak-ôn ke chhui-ok yí-kîn su-tó chit-fa̍t;

Song-chú m̀-voi sṳ́ ngài-têu chhòng-kiú liù-mòng#4:22 “chhòng-kiú liù-mòng” ya-he yi̍t-cho “chai pûn-ngìn chok-chéu”..

Chúng-he Yî-tûng â, Song-chú oi chit-fa̍t ngì;

Kì oi chiông ngì ke chhui-ok hién-mìn chhut-lòi!

Currently Selected:

Yâ-li-mí Ôi-kô 4: THV12Rdb

Highlight

Copy

Compare

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)