Yâ-li-mí Sû 48

Mô-ap Su Fí-me̍t

1Yû-koân Mô-ap, Song-chú — Van-kiûn ke Ngièn-soi, Yî-set-lie̍t ke Song-ti án-ngiòng kóng:

Nì-pô chhám lé; kì voi fông-fi!

Kî-lie̍t-thìn voi su vú-yu̍k, voi pûn-ngìn cham-liâng.

Kì ke sàng-pó voi pûn-ngìn chhak-thet,

ngìn-mìn voi su-tó siû-yu̍k.

2Mô-ap m̀-voi chai su-ngìn chhṳ̂n-chan lé.

Thi̍t-ngìn cham-liâng Hî-sṳ̍t-pún,

kie-mèu sêu-me̍t Mô-ap-ngìn ke koet-kâ.

Mâ-tet-mién voi tiâm-tiâm m̀-kám kóng-fa;

kì ke ngìn-mìn voi pûn tô-kiam tûi-sat.

3Hò-lò-ngiam ke ngìn-mìn voi thai-sâng kieu:

“Fông-fi lé, fí-me̍t lé!”

4Mô-ap fí-me̍t lé;

kì ke se-ngìn-è thai-sâng chhin-kieu.

5Chhai sông Lû-hî ke kia-táng,

voi thâng-tó kì-têu ke kieu-sâng;

chhai hâ Hò-lò-ngiam ke lu-hong,

voi thâng-tó kì-têu thung-khú to kín-chhên ke sâng.

6Ngì-têu oi thò-chéu, kiak-kiak thò-miang ô!

Chhiong khóng-yâ ke yâ-lì chhin-miang-é chéu#48:6 “Chhiong ... chéu” ya-he yi̍t-cho “Tân-thu̍k chhṳ-kâ he̍t, chhiong khóng-yâ chûng ke thu-chhiùng-su”.!

7Mô-ap â, ngì sṳt yí-kho chhṳ-kâ ke kiûn-li̍t lâu chhòi-li̍t,

liá-ha, ngì chhṳ-kâ ya voi pûn-ngìn cham-liâng.

Ngì ke sṳ̀n-mìn Kî-mat voi lâu kì ke chi-sṳ̂, kôn-yèn khiung-ha pûn-ngìn chok-hi.

8Só-yû ke sàng-sṳ chhiòn-phu voi fí-me̍t,

yit-chho ya mò liù hâ-lòi;

sân-lak voi pûn-ngìn chien-tha̍p,

phìn-ngièn voi su fí-fái.

Ngài — Song-chú án-ngiòng siên-pu lé.

9Oi chhai Mô-ap-thi ve-yàm sṳ́ thú-thi yung m̀-tet,

yîn-vi kì yit-thin voi fí-me̍t#48:9 “Oi chhai Mô-ap-thi ve-yàm ... fí-me̍t” (chhâm-kháu Sṳ-sṳ̂ Ki 9:45) ya-he yi̍t-cho “Oi vi Mô-ap li̍p mu-pî, yîn-vi kì mò kí-kiú voi fí-me̍t” ya-he “Oi chiông yi̍t-é pûn Mô-ap, sṳ́ kì cho-tet pî-chéu”, ngièn-vùn mò chhîn-chhú..

Kì ke sàng-sṳ voi sàng-cho fông-phû,

m̀-voi chai yû-ngìn he̍t lé.

10(M̀ chôn-sîm cho Song-chú kûng-chok ke ngìn oi su chu-chú! M̀ khià-hí tô-kiam chhṳ̀ thi̍t-ngìn ke ngìn oi su chu-chú!)

Mô-ap ke Sàng-sṳ Su Fí-me̍t

11Song-chú kóng: “Chhṳ-chhiùng sàng-cho koet-kâ yî-lòi, Mô-ap sòng-sòng hióng-su ôn-lo̍k, m̀-sṳt pûn-ngìn chok-chéu. Mô-ap chhiong fûng chhai chiú-âng tú ke chiú, mò pûn-ngìn tó-lòi tó-hi, yit-chhṳ̍t hiông phut-phut, chiú-mi mò chéu-thet.

12“Khon â, ngit-è voi-to, Ngài oi phai-ngìn chiông Mô-ap tó-thet, chhiong tó-chiú án-ngiòng. Kì-têu voi chiông chiú-âng tó-to chhiang-chhiang, yu oi te̍p-sui chiú-âng. 13Mô-ap-ngìn voi yîn-vi kì-têu ke sṳ̀n-mìn Kî-mat kám-kok tông kien-seu, chhiong Yî-set-lie̍t-ngìn yîn-vi kì-têu só vá-kho ke sṳ̀n-mìn Pi-thi̍t-li#48:13 “vá-kho ke sṳ̀n-mìn Pi-thi̍t-li” ya-he yi̍t-cho “vá-kho chhai Pak-thi̍t-li ke sṳ̀n-mìn”. kám-kok tông kien-seu.”

14Mô-ap-ngìn â, ngióng voi chhṳ-kâ kóng he yîn-hiùng?

Ngióng voi chhṳ-kâ kóng he tông-voi siông-chhṳ̀ ke yúng-sṳ?

15Mô-ap voi pûn-ngìn fí-me̍t, kì ke sàng-sṳ voi pûn-ngìn cham-liâng;

kì chui chîn-liòng ke chhiâng-ngièn-kiûn voi pûn-ngìn sêu-me̍t.

Ngài ke miàng ôn-to Song-chú — Van-kiûn ke Ngièn-soi, Ngài he thai kiûn-vòng;

Ngài án-ngiòng siên-pu lé.

16Mô-ap ke châi-fo pet-khiûn lé;

kì ke khú-nan tông-kiak voi-to lé.

17Mô-ap si chû-vì ke koet-kâ â,

thâng-ko kì miàng-sâng ke mìn-chhu̍k â,

ngì-têu oi pî-sông kóng:

Chôn-chṳ ke pa-khièn vang-thet lé!

Kì vî-ngiàm ke yùng-kông m̀-kien lé!

18He̍t chhai Tí-pún ke ngìn â,

tui ngì-têu kông-yùng ke só-chhai hâ-lòi,

chhô chhai châu-châu ke thi-song!

Yîn-vi oi fí-me̍t Mô-ap ke ngìn to lé;

kì yí-kîn fí-fái Mô-ap ke sàng-pó.

19Â-lò-ngí ke ngìn-mìn â,

khî chhai lu-sùn khon,

hi mun ke-têu thò-nan ke ngìn,

to-tái fat-sên má-ke sṳ-chhìn?

20Kì-têu voi en-kóng:

Mô-ap su siû-yu̍k, pûn thi̍t-ngìn tá-vang lé!

Oi vi kì pî-sông thai-kieu!

Ngì-têu oi chhai Â-nun hò-ngan siên-ko:

Mô-ap me̍t-mòng lé!

21“Sṳ́m-phan yí-kîn lìm-to phìn-ngièn kok sàng-sṳ, chhiu-he: Hò-lùn, Ngâ-chha̍p, Mí-fap-ap, 22Tí-pún, Nì-pô, Pak-Tâi-pí-lâ-thai-yîm, 23Kî-lie̍t-thìn, Pak-Kâ-ma̍t, Pak-Mí-ên, 24Kâ-lio̍k, Pô-sṳ̂-lâ. Sṳ́m-phan yí-kîn lìm-to Mô-ap tak-chak sàng-sṳ, mò-lun yén-khiûn. 25Mô-ap ke vú-li̍t pûn-ngìn fi-thet, kì ke pa-khièn pûn-ngìn pho-fái. Ngài — Song-chú án-ngiòng siên-pu lé.”

Mô-ap Voi Su Vú-yu̍k

26Song-chú kóng: “Ngì-têu oi sṳ́ Mô-ap chiú-chui, yîn-vi kì chhṳ-kô chhṳ-thai, phoi-ngia̍k Ngài. Mô-ap voi vang chhai chhṳ-kâ éu chhut-lòi ke tûng-sî tî-poi, pûn-ngìn chhṳ́-seu. 27Mô-ap â, ngì ki-tet mò? Ngì sṳt sâu-nat Yî-set-lie̍t-ngìn, tak-pái kóng-hí kì-têu, ngì chhiu yèu-thèu, khon kì-têu chhiong chok-tó ke chhe̍t-é.

28“Mô-ap-ngìn â, ngì-têu oi kiak-kiak lì-khôi sàng-sṳ, hi he̍t chhai sân-ngàm tú! Chhiong ngie̍t-kap-è chhai chhṳ̂m-sân tú cho-teu! 29Mô-ap-ngìn fî-sòng kiêu-ngau chhṳ-thai. Ngài thâng ngìn kóng-ko kì-têu he ngióng-pân kiêu-ngau, khon ngìn m̀-hí, láu-tó chhṳ-kâ tông-voi! 30Ngài — Song-chú tî kì-têu ke kiêu-ngau. Khì-sṳ̍t, kì-têu só khoâ-khiéu ke chhiòn-phu he hî-ká ke, só-cho ke sṳ chhiòn-phu chhin mò sṳ̍t-chhai. 31Só-yî, Ngài oi vi só-yû ke Mô-ap-ngìn lâu Kit-ngí-Ha̍p-lie̍t-sat-ngìn sông-sîm thai-kieu. 32Ngài oi vi Sî-pí-mâ-ngìn chhin-kieu, pí vi Ngâ-chhia-ngìn kieu-to hàn-kha chhî-chhám. Sî-pí-mâ-sàng â, ngì chhiong yit-thèu phù-thò-su, su-kî chhûn-ko Sí-hói, chhṳ̍t-to Ngâ-chhia#48:32 “chhûn-ko Sí-hói, chhṳ̍t-to Ngâ-chhia” ya-he yi̍t-cho “chhûn-ko hói, chhṳ̍t-to Ngâ-chhia hói”.. Chúng-he, fí-me̍t ke ngìn lòi tá-fái ngì sṳ̀n-su̍k ke kó-chṳ́ lâu ngì ke phù-thò. 33Mô-ap chhin-phì ke thú-thi m̀-voi chai yû fôn-hí khoai-lo̍k ke sâng. Ngài sṳ́ cha-chiú-chhṳ̀ m̀-voi chai liù-chhut mî-chiú; ngìn voi thâng-tó chhin-hêm ke sâng, chúng-he m̀-he cha chiú fôn-hí ke sâng!

34“Hî-sṳ̍t-pún-ngìn lâu Yî-li-â-li-ngìn chhai ke-vi sông-sîm thai-kieu. Kì-têu ke kieu-sâng chhòn-to Ngâ-chha̍p; Só-ngí-ngìn ya thâng tet-tó, lièn Hò-lò-ngiam-ngìn lâu Yî-kî-lâ-Sṳ̂-li-sṳ̂-â-ngìn ya chhiòn-phu thâng tet-tó; yîn-vi lièn Nèn-lìm ke hò-pa súi ya chhiòn-phu châu-thet lé. 35Ngài chhie̍t-tui mò pûn Mô-ap-ngìn ki-siu̍k chhai chi-thàn táng hien sêu-fa-chi, m̀-pûn kì-têu hiong chhṳ-kâ ke sṳ̀n-mìn sêu-hiông. Ngài — Song-chú án-ngiòng siên-pu lé.

36“Ngài ke sîm vi Mô-ap-ngìn lâu Kit-ngí-Ha̍p-lie̍t-sat-ngìn pî-sông, chhiu-chhiong ngìn yung tha̍k-é phùn ôi-kô, yîn-vi kì-têu só-yû ke chhòi-sán mò-thet hi lé. 37Kì-têu thi-thet thèu-nà-mô, thi-kông fù-sî. Kì-têu kot-sông chhṳ-kâ ke sú, chok mà-sâm. 38Mô-ap thi-khî só-yû ke vuk-táng lâu kóng-chhòng, chhiòn-phu yû thai-kieu ke sâng; yîn-vi Ngài tá-kit Mô-ap, chhiu-chhiong te̍p-sui mò-ngìn oi ke âng-é. 39Kì-têu khôi-sâng thai-kieu! Mô-ap pûn-ngìn tá-sui lé! Mô-ap su vú-yu̍k lé! Mô-ap fông-thet; chû-vì ke koet-kâ chhiòn-phu sâu-nat kì, khon-tó kì tù-tó ke châi-nan chhiu chhin chho̍k-kiâng. Ngài — Song-chú án-ngiòng siên-pu lé.”

Mô-ap Mò Fap-thu Thò-chéu

40Song-chú kóng: “Voi yû yit-ke koet-kâ chhiong ên-tiâu tá-khôi yi̍t-kap, pî hâ-lòi kûng-kit Mô-ap, 41cham-liâng kì ke sàng-sṳ lâu kiûn-sṳ sat-phi. Ke-sṳ̀, Mô-ap ke chan-sṳ sîm-kôn voi chhiong chhṳn-thung ke sán-fu án-ngiòng mò-kat mò-sat. 42Mô-ap voi pûn-ngìn me̍t-thet, m̀-voi chai sàng-cho koet-kâ, yîn-vi kì chhṳ-kô chhṳ-thai, phoi-ngia̍k Ngài. 43Khiúng-pu, ham-chiáng, lò-mióng voi tén-tén Mô-ap-ngìn. Ngài — Song-chú án-ngiòng siên-pu lé. 44Sióng-oi chéu-sám khiúng-pu ke, voi tiet-lo̍k ham-chiáng; phà-chhut ham-chiáng ke, voi lo̍k-ngi̍p lò-mióng; yîn-vi Ngài — Song-chú yí-kîn kiet-thin chit-fa̍t Mô-ap ke ngit-è. 45Tông-khioi tông-thiám ke nan-mìn sióng-oi chéu-to Hî-sṳ̍t-pún hi yêu-khiù pó-fu, chúng-he Sî-fèn-vòng thúng-chhṳ ko ke liá-chho sàng yí-kîn sêu-cho fôi#48:45 “chúng-he Sî-fèn-vòng ... fôi” ya-he yi̍t-cho “chúng-he liá-sàng chhai sêu-tén, Sî-fèn-vòng ke kiûng-thien ya sàng-cho fôi”.. Fó chiông chok-lon ke Mô-ap-ngìn ke fòng-sien lâu sàng-pó sêu-to chhiang-chhiang. 46Mô-ap-ngìn chhám lé! Pai Kî-mat sṳ̀n-mìn ke ngìn tî sí lé! Kì-têu ke chṳ́-ńg chhiòn-phu voi pûn-ngìn chok-chéu.

47“Chúng-he yû yit-ngit, Ngài oi pûn Mô-ap-ngìn chón-hi, chhùng-chṳ́n kâ-yèn. Ngài — Song-chú án-ngiòng siên-pu lé.”

Yî-song he Song-chú só-kóng Mô-ap voi su-tó ke sṳ́m-phan.

Currently Selected:

Yâ-li-mí Sû 48: THV12Rdb

Highlight

Copy

Compare

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Yâ-li-mí Sû 48

Video for Yâ-li-mí Sû 48

Jeremiah 46-52

BibleProject

Yâ-li-mí Sû 48

Popular Bible Verses from
Yâ-li-mí Sû 48

Video for Yâ-li-mí Sû 48

Jeremiah 46-52

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yâ-li-mí Sû 48

Yâ-li-mí Sû 48

Popular Bible Verses from Yâ-li-mí Sû 48

Video for Yâ-li-mí Sû 48

Jeremiah 46-52

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yâ-li-mí Sû 48

Popular Bible Verses from
Yâ-li-mí Sû 48