Yâ-li-mí Sû 46

Âi-khi̍p chhai Kâ-kî-mí-sṳ̂ Tù-tó Sṳt-phai

1Song-chú hiong siên-tî Yâ-li-mí kóng-hí yû-koân lie̍t-koet ke sṳ.

2Yû-koân Âi-khi̍p: Kì thì-tó Âi-khi̍p-vòng Nì-kô ke kiûn-chhui, chhai Yù-thai-vòng Yok-sî-â ke lai-é Yok-ngâ-kin cho vòng ke thi-si ngièn, pûn Pâ-pí-lùn-vòng Nì-pu-kap-nì-sat chhai Yu-fat-lâ-tí-hò fu-khiun ke Kâ-kî-mí-sṳ̂ tá-sû. Song-chú kóng:

3Âi-khi̍p ke kiûn-kôn fat min-lin:

Chún-phi thai-se tún-phài!

Hiong chan-chhòng chhièn-chin!

4Lap mâ-ôn, khì chan-mâ!

Chhiu thin-vi, tai thiet-mo!

Nò-li chhiông, chok thiet-kap!

5Chúng-he Song-chú mun:

Ngài khon-tó má-ke nè?

Kì-têu kiâng-to tá-lon-thui;

kì-têu ke chan-sṳ pûn-ngìn tá-sû,

chhin-miang chéu, m̀-kám vat-thèu,

kám-kok si-vì tông tet-ngìn-kiâng!

6Chui voi chéu ke ya chéu m̀-chhat;

chan-sṳ chhiòn-phu chéu m̀-thet.

Chhai pet-fông, Yu-fat-lâ-tí hò-pa sùn,

kì-têu chhiòn-phu tiet-to tap-tap.

7Chhiong Nì-lò-hò ke súi chong hí-lòi ke he má-ngìn nè?

Chhiong hò-pa pot thai-súi ke he má-ngìn nè?

8He Âi-khi̍p chhiong Nì-lò-hò ke súi chong hí-lòi,

chhiong hò-pa pot thai-súi.

Âi-khi̍p kóng: “Ngài oi chong hí-lòi, chiông chhiòn-thi chim-thet;

ngài oi fí-me̍t sàng-sṳ lâu khì-chûng ke ngìn-mìn.

9Khì-pîn chhûng-fûng, chan-chhâ chin-kûng!

Kú-sṳ̍t-ngìn lâu Fut-ngìn tai-tén tún-phài;

Lî-tí-â-ngìn nâ-tén kiûng-chien.

Liá-têu yúng-sṳ chhiòn-phu chhut-hi siông-chhṳ̀!”

10Chúng-he, liá he Chṳ-kô ke Song-chú — Van-kiûn Ngièn-soi ke ngit-è:

Kîm-pû-ngit, Kì oi po-sù;

kîm-pû-ngit, Kì oi chit-fa̍t thi̍t-ngìn.

Kì ke pó-kiam oi sṳ̍t thi̍t-ngìn ke ngiuk to-páu,

lîm thi̍t-ngìn ke hiet to-chiuk.

Kîm-pû-ngit, Chṳ-kô ke Song-chú, Van-kiûn ke Ngièn-soi

oi chhai pet-fông ke Yu-fat-lâ-tí hò-pa sùn,

chiông thi̍t-ngìn tông-cho sên-ngì.

11Âi-khi̍p-ngìn â, sông Kî-lie̍t#46:11 “Kî-lie̍t”: Chhâm-kháu 8:22. hi!

To ke-vi hi chhìm kò-yo̍k!

Ngì só-yû ke yo̍k-é chhiòn-phu mò-háu;

mò phan-fap yî-hó ngì.

12Lie̍t-koet thâng-tó ngì ke kien-seu;

chhiòn-thi chhûng-mân ngì ke kieu-sâng.

Chan-sṳ lâu chan-sṳ siông-chhong;

lióng-sà khiung-ha vang-tó.

Nì-pu-kap-nì-sat Lòi Chhîm-fam

13Pâ-pí-lùn-vòng Nì-pu-kap-nì-sat oi hi kûng-tá Âi-khi̍p ke sṳ̀, Song-chú tui siên-tî Yâ-li-mí kóng:

14Oi chhai Âi-khi̍p tak sàng-sṳ siên-pu,

chhai Me̍t-thot, Men-fì-sṳ̂, Tap-pí-ni̍t siên-ko kóng:

Hong-hí-lòi, chún-phi siông-chhṳ̀!

Chan-chên voi thûn-me̍t ngì ke yit-chhiet.

15Ngì-têu ke thai-ngiù sṳ̀n Â-pí-sṳ cho-má-ke voi phu̍k lo̍k-hi?

He Song-chú chiông kì súng-vang!

16Ngì-têu ke chan-sṳ chhong-lòi chhong-hi, vang-tó.

Kì-têu thai-kâ kóng:

“Hong-hí-lòi! Chón ló-vuk hi!

Chón-to pún-chhu̍k ke-vi,

yén-yén lì-khôi thi̍t-ngìn ke tô-kiam!”

17Kì-têu lâu Âi-khi̍p-vòng nang-ngoi chhí yit-ke miàng,

ôn-to: “Kiê-kôi-siên, kì ke kî-fi sṳt-thet hi lé.”

18Ngài ke miàng he Song-chú — Van-kiûn ke Ngièn-soi,

Ngài he thai kiûn-vòng.

Ngài chṳ́-tén Ngài ke yún-sên fat-sṳ:

Nì-pu-kap-nì-sat#46:18 “Nì-pu-kap-nì-sat” ngièn-vùn he “Kì”. lòi chhîm-fam ke thai-kiûn

voi chhiong kô-ko khiùn-sân ke Thâ-phok-sân,

chhiong khî chhai hói-sùn ke Kâ-me̍t-sân.

19Âi-khi̍p-ngìn â, pâu-fu̍k oi khún-hó, chún-phi thò-miang!

Men-fì-sṳ̂ voi pûn-ngìn sêu-thet, pien-cho fông-phû, chhiòn mò-ngìn he̍t.

20Âi-khi̍p chhiong yit-chak chhin-phì ke ngiù-mà,

pûn pet-fông pî-lòi ke lu̍k-màng kûng-kit.

21Kì chhiáng-lòi ke pîn-é chhiong ngiù-làn tú phì-phì ke se ngiù-kú,

lûng-chúng chón-sṳ̂n thò-chéu,

mò yit-ke kám khî chhut-lòi siông-chhṳ̀.

Kì-têu tù-tó châi-nan ke ngit-è to lé;

kì-têu su chit-fa̍t ke sṳ̀-chiet to lé!

22Âi-khi̍p thò-chéu ke sâng,

chhiong sà-kô thò-chéu ke sâng.

Thi̍t-kiûn lòi kûng-kit kì,

chhiong tó-su ke ngìn yung pú-thèu chám-thôn su-é.

23Âi-khi̍p sûi-yèn chhiong meu-sṳn ke su-nà,

chúng-he voi pûn thi̍t-ngìn chám-thet,

yîn-vi thi̍t-kiûn pí chhó-máng hàn-kha tô, tô-to son m̀-chhut.

24Âi-khi̍p-ngìn voi tù-tó siû-yu̍k;

kì-têu voi pûn pet-fông lòi ke ngìn cham-liâng.

Ngài — Song-chú án-ngiòng siên-pu lé.

25Song-chú — Van-kiûn ke Ngièn-soi, Yî-set-lie̍t ke Song-ti kóng: “Ngài oi chit-fa̍t Tí-pí-sṳ̂ ke sṳ̀n-mìn Â-mùn, Âi-khi̍p-vòng, lâu Âi-khi̍p chhiòn-thi, ya oi chit-fa̍t Âi-khi̍p só-yû ke sṳ̀n-mìn lâu ke-têu fûn-fûng ke vòng. 26Ngài oi chiông Âi-khi̍p-vòng lâu só-yû thèu-kho kì ke ngìn, chhiòn-phu kâu-pûn sióng-oi fí-me̍t kì-têu sin-miang ke Pâ-pí-lùn-vòng Nì-pu-kap-nì-sat lâu kì ke kiûn-chhui. Chúng-he ko yit-cham sṳ̀-kiên, Âi-khi̍p voi chhiong thèu-pái khiung-yong yû-ngìn he̍t. Ngài — Song-chú án-ngiòng siên-pu lé.”

Song-chú oi Chṳ́n-kiu Kì ke Chṳ́-mìn

27Ngài ke phu̍k-ngìn Ngâ-kok â, m̀-sṳ́ kiâng;

Yî-set-lie̍t-ngìn â, m̀-sṳ́ chho̍k-kiâng.

Ngài oi tui yén-yén ke thi-fông,

ngì-têu pûn-ngìn chok-hi ke koet-kâ chiông ngì-têu ke chṳ́-sûn kiu chhut-lòi.

Ngâ-kok oi chón-lòi ku-hiông,

ôn-kî lo̍k-ngia̍p, mò kiâng má-ke.

28Ngài ke phu̍k-ngìn Ngâ-kok â, m̀-sṳ́ kiâng,

yîn-vi Ngài lâu ngì khiung-ha.

Ngài oi chiông Ngài kiuk ngì hi ke ke-têu koet-kâ vàn-chhiòn sêu-me̍t;

chúng-he Ngài m̀-voi sêu-me̍t ngì.

Ngài oi yung kûng-chṳn kón-kau ngì,

cho-m̀-tet m̀ chit-fa̍t ngì.

Ngài — Song-chú án-ngiòng siên-pu lé.

Currently Selected:

Yâ-li-mí Sû 46: THV12Rdb

Highlight

Copy

Compare

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Yâ-li-mí Sû 46

Video for Yâ-li-mí Sû 46

Jeremiah 46-52

BibleProject

Yâ-li-mí Sû 46

Popular Bible Verses from
Yâ-li-mí Sû 46

Video for Yâ-li-mí Sû 46

Jeremiah 46-52

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yâ-li-mí Sû 46

Yâ-li-mí Sû 46

Popular Bible Verses from Yâ-li-mí Sû 46

Video for Yâ-li-mí Sû 46

Jeremiah 46-52

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yâ-li-mí Sû 46

Popular Bible Verses from
Yâ-li-mí Sû 46