Hò-sî-â Sû 12

1“Yî-set-lie̍t-ngìn só-cho só-hàng chhiòn-phu he phú-fûng chok-yáng; kì-têu tông-chûng, kúi-cha, phau-hàng yit-chhṳ̍t chen-kâ. Kì-têu lâu Â-sut li̍p thiàu-yok, yu chiông yù sung-pûn Âi-khi̍p.”

2Song-chú oi khúng-ko Yù-thai-ngìn. Kì ya oi cheu Yî-set-lie̍t-ngìn só-cho ke po-yin kì-têu, chit-fa̍t kì-têu. 3Ngài-têu ke chú-siên Ngâ-kok hàn chhai mû-thôi ke sṳ̀, chhiu chok-tén kiâ-kô ke kiok-châng, sṳ̀n-ngìn heu yu lâu Song-ti siông-châng. 4Kì lâu thiên-sṳ́ nám yêu-kâu-é nám-yàng, yu kieu-tén khién-khiù thiên-sṳ́ chuk-fuk kì. Song-ti chhai Pak-thi̍t-li tù-tó ngài-têu ke chú-siên Ngâ-kok, chhiu thûng-ko kì hiong ngài-têu kóng-fa. 5Liá chhiu-he Song-chú — Van-kiûn ke Ngièn-soi Song-ti; Song-chú he Kì ke miàng. 6Só-yî, Ngâ-kok ke heu-thoi â, ngì-têu oi sin-kho Song-ti, kûi-hiong Kì; oi sṳ̍t-hàng put-pien ke oi, sṳ̂n-chông chṳn-ngi, yit-chhṳ̍t ngióng-mong ngì-têu ke Song-ti.

Lun Sṳ́m-phan

7Song-chú kóng: “Yî-set-lie̍t-ngìn chhiong Kâ-nàm ke sên-lî-ngìn khiung-yong mò sṳ̀n-sṳ̍t; kì-têu oi yung mò kûng-tong ke chhṳn-é phien ngìn. 8Kì-têu kóng: ‘Ngài-têu yû-chhièn lé; ngài-têu fat-chhòi lé! Mò-ngìn chhìm tet-tó ngài-têu tet vàng-chhòi ke chhui.’ 9Ngài he Song-chú, he thu ngì-têu chhut Âi-khi̍p ke Song-ti. Ngài oi sṳ́ ngì-têu chai he̍t chong-phùng, chhiong chhai chṳ́-thin ko-chiet ke sṳ̀ khiung-yong.

10“Ngài hiong siên-tî kóng-fa, sṳ́ kì-têu khon-tó chhin-tô yi-siong, yu thûng-ko kì-têu kóng pí-yi, lòi kín-ko Ngài ke chṳ́-mìn. 11Chúng-he Kî-lie̍t hàn-he chhûng-mân chhui-ok; ke-têu pai ngiéu-siong ke ngìn to-mî ya he hî-khûng. Kì-têu chhai Kit-kap hien ngiù-kú cho chi-vu̍t; kì-têu ke chi-thàn voi pien-cho chhiong sa̍k-tôi piong chhai thièn-kiêu.”

12Thèu-pái Ngâ-kok thò-nan to Mî-sok-put-tha̍t-mí-â; vi-tó thó pû-ngiòng, chhai ke-vi lâu ngìn chóng-yòng. 13Song-chú phai yit-vi siên-tî#12:13 “yit-vi siên-tî”: Chṳ́ Mô-sî. hi Âi-khi̍p, chiông Yî-set-lie̍t-ngìn kiu chhut-lòi, thûng-ko kì cheu-ku kì-têu. 14Chúng-he Yî-set-lie̍t-ngìn ngiâ Song-chú thai fat-khién; kì-têu ke hiet-chai oi kûi-to kì-têu sṳ̂n-hong. Kì-têu méu-sṳ Chú, só-yî Kì oi chhûng-chhûng hìn-fa̍t kì-têu.

Currently Selected:

Hò-sî-â Sû 12: THV12Rdb

Highlight

Copy

Want to have your highlights saved across all your devices? Sign up or sign in