Hò-sî-â Sû 11

Song-chú Lìn-mén Phoi-ngia̍k ke Chṳ́-mìn

1Song-chú kóng:

Yî-set-lie̍t hàn-se ke sṳ̀, Ngài chhiu siak kì;

Ngài chiông Ngài ke lai-é, tui Âi-khi̍p tai chhut-lòi.

2Chúng-he, Ngài ye̍t ham kì, kì ye̍t lì-khôi Ngài#11:2 “Ngài ... Ngài” he kîn-kí yit kú yi̍t-pún, Hî-pak-lòi-vùn he “kì-têu ... kì-têu”..

Ngài ke chṳ́-mìn hiong Pâ-li̍t hien-chi;

kì-têu hiong ngiéu-siong sêu-hiông.

3He Ngài kâu Yî-set-lie̍t-ngìn hàng-lu,

yung sûng-sú chiông kì-têu nám chhai hiûng-chhièn,

yî-hó kì-têu ke phiang, chúng-he kì-têu vàn-chhiòn m̀ sṳ̀n-ngin.

4Ngài yung chhṳ̀-pî ke sok-è, thung-siak ke tai-é khiên-tén kì-têu;

Ngài chiông kì-têu kiên-thèu táng ke ngiù-ak nâ hâ-lòi,

yu khù hâ-lòi vi kì-têu.

5“Yîn-vi Yî-set-lie̍t-ngìn m̀-hén fí-kói kûi-hiong Ngài, kì-têu kám m̀-voi chón-hi Âi-khi̍p; Â-sut-ngìn kám m̀-voi#11:5 “kám m̀-voi ... kám m̀-voi” ya-he yi̍t-cho “yit-thin m̀-voi ... sa oi”. cho kì-têu ke vòng? 6Chan-chên oi lìm-to kì-têu ke sàng-sṳ, pho-fái kì-têu ke sàng-mùn, sêu-me̍t kì-têu, yîn-vi kì-têu chhṳ-chok chhûng-mìn. 7Ngài ke chṳ́-mìn thiâu-thiâu oi phoi-ngia̍k Ngài; to-mî, kì-têu oi vi-tó kâ chhai kiên-thèu ke ngiù-ak kín-chhên, chúng-he mò-ngìn nèn vi kì-têu kié khôi-lòi#11:7 Chhai Hî-pak-lòi-vùn pún-chiet ke yi-sṳ mò chhîn-chhú..

8Yî-set-lie̍t-ngìn â, Ngài ngióng phan-tet vok-thet ngì-têu?

Ngài ngióng voi fit-thet ngì-têu?

Ngài voi chhiong sêu-me̍t Ap-mâ án-ngiòng fí-me̍t ngì-têu mò?

Ngài kám voi chhiong tui-thai Sé-pién án-ngiòng tui-thai ngì-têu?

M̀-voi! Ngài yí-kîn fì-sîm chón-yi,

yîn-vi Ngài fî-sòng thung-siak ngì-têu.

9Ngài m̀-voi chhai thai fat-khién chṳ̂-ha chit-fa̍t ngì-têu;

Ngài m̀-voi fán ko-lòi sêu-me̍t Yî-set-lie̍t.

Yîn-vi Ngài he Song-ti, m̀-he sṳ-kiên-ngìn.

Ngài he chhai ngì-têu tông-chûng ke Sṳn-chá;

Ngài m̀-voi chhai thai fat-khién chṳ̂-ha sṳ́m-phan ngì-têu.

10“Ngài oi chhiong sṳ̂-é thai-sâng hô, Ngài ke chṳ́-mìn chhiu voi lòi thèn Ngài. Ngài yit-ha hô, kì-têu voi tui sî-fông kiak-kiak chón-lòi. 11Kì-têu voi chhiong tiâu-é, tông-kiak chhiu tui Âi-khi̍p pî chón-lòi, yu chhiong ngie̍t-kap-è, tui Â-sut pî chón-lòi. Ngài oi tai Ngài ke chṳ́-mìn chhùng-sîn chón kì-têu ke kâ-hiông. Ngài — Song-chú án-ngiòng siên-pu lé.”

Yî-set-lie̍t lâu Yù-thai Su Chit-phi

12Song-chú kóng: “Yî-set-lie̍t-ngìn yung fâ-liâu kúi-cha khî-phien Ngài; Yù-thai-ngìn ya phoi-ngia̍k Ngài — sin-sṳ̍t, sṳ̀n-sṳn ke Song-ti#11:12 “Yù-thai-ngìn ... Song-ti” ya-he yi̍t-cho “chúng-he Yù-thai-ngìn hàn-he lâu Ngài khiung-ha hàng, tui Ngài — sṳ̀n-sṳn ke Song-ti chûng-sîm”..”

Currently Selected:

Hò-sî-â Sû 11: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)