Chhóng-sṳ Ki 9

Song-ti lâu Nò-â Li̍p-yok

1Song-ti su-fuk Nò-â lâu kiâ lai-é, tui kì-têu kóng: “Oi kiung tô-tô chṳ́-ńg, phien-mân sṳ-kie. 2Só-yû thi-song ke chhu-lui, khûng-chûng ke fî-niâu, thi-song ke phà-chhùng, lâu hói-tú ke ǹg-lui, chhiòn-phu voi kiâng ngì-têu; Ngài oi chiông liá-têu kâu chhai ngì-têu sú-chûng. 3Yî-chhièn, Ngài chiông chhiâng-chhoi su-pûn ngì-têu cho sṳ̍t-vu̍t; liá-ha Ngài ya chiông liá-têu thung-vu̍t su-pûn ngì-têu cho sṳ̍t-vu̍t. 4Chúng-he, ngì-têu cho-m̀-tet sṳ̍t tai-hiet ke ngiuk, yîn-vi sâng-miang chhai hiet tî-poi. 5Mò-lun he ngìn ya-he yâ-chhu, na-he liù ngìn ke hiet, hoi-ngìn ke miang, Ngài yit-thin chûi-thó hiet-chai; chhiu-he hoi chhṳ-kâ ke hiûng-thi, ya cheu-yong lun-chhui.

6Liù ngìn-hiet ke,

phe̍t-ngìn ya oi liù kì ke hiet,

yîn-vi Song-ti chho-ngìn,

he cheu Kì chhṳ-kâ ke hìn-siong chho ke.

7Ngì-têu oi kiung tô-tô chṳ́-ńg, thai-thai hîn-vong, phien-mân sṳ-kie.”

8Song-ti tui Nò-â lâu kì ke-têu lai-é kóng: 9“Ngài liá-ha oi lâu ngì-têu pin ngì-têu ke chṳ́-sûn li̍p-yok; 10ya oi lâu thi-song só-yû ke sâng-vu̍t, chhiu-he ke-têu thùng ngì-têu khiung-ha chhut thai-sòn ke fî-niâu, thèu-sâng, pin yâ-chhu li̍p-yok. 11Ngài yin-hí ngì-têu: fàm-yû hiet-ngiuk ke, mò-chai pûn thai-súi me̍t-thet, m̀-voi chai yû thai-súi lòi fí-me̍t thai-thi.” 12Song-ti yu kóng: “Liá chhiu-he Ngài lâu ngì-têu pin ke-têu thùng ngì-têu khiung-ha kok-yong ke sâng-vu̍t, sṳ-sṳ thoi-thoi li̍p-yok ke ki-ho. 13Ngài oi chiông Ngài ke thiên-kiûng piong chhai yùn ke tông-chûng, sàng-cho Ngài lâu thai-thi li̍p-yok ke ki-ho. 14Tông Ngài chhai thiên-khûng phû-sông yùn, thiên-kiûng chhai yùn-chûng chhut-hien ke sṳ̀, 15Ngài chhiu-voi ki-ngiam Ngài lâu ngì-têu pin kok-yong yû hiet-ngiuk ke sâng-vu̍t só-li̍p ke yok; chhiu mò-chai cho thai-súi lòi fí-me̍t só-yû ke sâng-vu̍t. 16Tông Ngài khon-tó thiên-kiûng chhai yùn-chûng chhut-hien ke sṳ̀, Ngài chhiu voi ki-ngiam Ngài lâu thi-song kok-yong yû hiet-ngiuk ke sâng-vu̍t só-li̍p yún-yén ke yok.” 17Song-ti tui Nò-â kóng: “Liá chhiu-he Ngài lâu thi-song só-yû ke sâng-vu̍t li̍p-yok ke ki-ho.”

Nò-â lâu kiâ Lai-é

18Nò-â ke lai-é chhiòn-phu tui thai-sòn chhut-lòi, kì-têu he: Sám, Hàm lâu Ngâ-fut. (Hàm he Kâ-nàm ke â-pâ.) 19Fûn-san chhai chhiòn sṳ-kiên ke ngìn-lui, chhiu-he Nò-â liá sâm-ke lai-é ke chṳ́-sûn.

20Nò-â he kâng-chung ngìn, ya he chui-siên chung phù-thò-yèn ke ngìn. 21Kì sṳ̍t phù-thò-chiú, lîm-to chui-chui, thot-kông sâm-fu, soi chhai chong-phùng tú. 22Hàm (Kâ-nàm ke â-pâ) khon-tó kiâ-pâ tá chhak-pok, chhiu chhut-hi lâu kì lióng-ke hiûng-thi kóng. 23Sám lâu Ngâ-fut nâ yit-liâng chhòng-sâm kâ chhai lióng-sà ke kiên-thèu hong, to-thui hàng-ngi̍p chong-phùng, hi-châ â-pâ ke sṳ̂n-thí. Yîn-vi kì-têu mien hiong-ngoi, chhiu mò khon-tó â-pâ thot-kông ke sṳ̂n-thí. 24Nò-â chhîn-siáng heu, tî kiâ mân-chṳ́ tui kì só-cho ke sṳ, 25chhiu kóng:

“Kâ-nàm yin-tông su chu-chú!

Kì oi cho kiâ hiûng-thi nù-phu̍k ke nù-phu̍k.”

26Yu kóng:

“Oi siung-chan Song-chú, Sám ke Song-ti!

Kâ-nàm oi-cho Sám ke nù-phu̍k.

27Ngien Song-ti pûn Ngâ-fut hîn-vong,

sṳ́ kì he̍t chhai Sám ke chong-phùng tú;

yu ngien Kâ-nàm cho kì ke nù-phu̍k.”

28Thai-súi yî-heu, Nò-â hàn chhai-sṳ sâm-pak ńg-sṳ̍p ngièn. 29Nò-â sṳ̍t-to kiú-pak ńg-sṳ̍p se chang ko-sṳ̂n.

Currently Selected:

Chhóng-sṳ Ki 9: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Chhóng-sṳ Ki 9

Videos for Chhóng-sṳ Ki 9

Episode 36:Are We Near the End? The Bible’s Hidden Pattern

Under The Hood

EP 25. Why Do So Many Cultures Have Flood Myths? The Truth Behind the Stories

Under The Hood

Ep 34. Genesis 10: How Noah’s Sons Shaped the World & God's Redemption Story

The Bible Show

Episode 19: Feeding of Four thousand with the Syrophonecian woman

The Bible Show

Chhóng-sṳ Ki 9

Popular Bible Verses from
Chhóng-sṳ Ki 9

Videos for Chhóng-sṳ Ki 9

Episode 36:Are We Near the End? The Bible’s Hidden Pattern

EP 25. Why Do So Many Cultures Have Flood Myths? The Truth Behind the Stories

Ep 34. Genesis 10: How Noah’s Sons Shaped the World & God's Redemption Story

Episode 19: Feeding of Four thousand with the Syrophonecian woman

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhóng-sṳ Ki 9

Chhóng-sṳ Ki 9

Popular Bible Verses from Chhóng-sṳ Ki 9

Videos for Chhóng-sṳ Ki 9

Episode 36:Are We Near the End? The Bible’s Hidden Pattern

EP 25. Why Do So Many Cultures Have Flood Myths? The Truth Behind the Stories

Ep 34. Genesis 10: How Noah’s Sons Shaped the World & God's Redemption Story

Episode 19: Feeding of Four thousand with the Syrophonecian woman

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhóng-sṳ Ki 9

Popular Bible Verses from
Chhóng-sṳ Ki 9