Yî-sî-kiet Sû 35

Song-ti Chit-fa̍t Yî-tûng

1Song-chú lâu ngài kóng-fa; 2Kì kóng: “Ngìn-chṳ́ â, ngì oi kóng yi-ngièn chit-phi Yî-tûng#35:2 “Yî-tûng”: Hî-pak-lòi-vùn chhṳ̍t-yi̍t he “Sî-ngí-sân”, 35:3,7,8 khiung-yong., 3tui kì-têu kóng, Ngài — Chṳ-kô ke Song-chú án-ngiòng kóng:

Yî-tûng-sân â, Ngài oi lâu ngì cho tui-thi̍t!

Ngài oi chhûn-sú kûng-tá ngì, sṳ́ ngì fông-fi.

4Ngài oi sṳ́ ngì ke sàng-sṳ fông-fi;

Ngài oi sṳ́ ngì ke thú-thi fông-liòng;

án-ngiòng, ngì chhiu voi tî Ngài he Song-chú.

5“Ngì lâu Yî-set-lie̍t sṳ-sṳ thoi-thoi yû yên-sù. Yî-set-lie̍t yîn-vi chhṳ-kâ ke chhui tù-tó châi-nan, su chui-mî sṳ́m-phan ke sṳ̀, ngì chiông kì kâu chhai thi̍t-ngìn ke tô-kiam chṳ̂-ha. 6Só-yî, Ngài — Chṳ-kô ke Song-chú chṳ́-tén Ngài yún-yén ke sâng-miang fat-sṳ: Ngì chu-thin voi me̍t-mòng, chéu m̀-thet. Ngì fam chhṳ̀-ngìn ke chhui, hiet-chai yit-thin oi yung hiet phòi-sóng. 7Ngài oi sṳ́ Yî-tûng-sân chha̍t-tái fông-thet, chhṳ̀-sí só-yû lu-ko ke-vi ke ngìn. 8Ngài oi sṳ́ Yî-tûng-sân mân-phien he sṳ̂-thí, sṳ́ sân-kông, sân-lak, hò-pa, tak só-chhai yû chan-sí ke ngìn. 9Ngài oi sṳ́ ngì yún-yén fông-thet, ngì ke sàng-sṳ m̀-voi chai yû-ngìn he̍t. Án-ngiòng, ngì chhiu voi tî Ngài he Song-chú.

10“Sṳ-sṳ̍t-song, Ngài — Song-chú he Yù-thai lâu Yî-set-lie̍t lióng-koet ke Song-ti, ngì ngióng kám-kóng kì-têu he ngì ke, oi cham-liâng kì-têu ke thú-thi! 11Só-yî, Ngài — Chṳ-kô ke Song-chú chṳ́-tén Ngài yún-yén ke sâng-miang fat-sṳ: Ngì ngióng-pân yen-hen, chhit-tu, nâu Ngài ke chṳ́-mìn, Ngài ya oi cheu án-ngiòng tui-fu ngì. Kì-têu oi tî, Ngài án-ngiòng chit-fa̍t ngì he thoi kì-têu sṳ̂n-yên. 12Ke-sṳ̀ ngì chhiu voi tî, Ngài — Song-chú sṳt thâng-tó ngì fí-pong Yî-set-lie̍t kóng: ‘Liá-têu sân chhiòn-phu fông-thet lé, voi pûn ngài-têu sṳ̍t-thet.’ 13Ngì khôi-choi kóng chhṳ-thai ke fa kûng-kit Ngài, Ngài chhiòn-phu thâng-tó lé.”

14Chṳ-kô ke Song-chú kóng: “Chhiòn sṳ-kie fôn-fû ke sṳ̀-chiet, Ngài voi sṳ́ ngì pien fông-liòng. 15Ngì sṳt yîn-vi Yî-set-lie̍t-ngìn ke thú-thi pien fông-liòng lòi fôn-hí, só-yî Ngài oi cheu ngì só-hàng ke tui-thai ngì. Sî-ngí-sân â, Yî-tûng chhiòn-thi â, ngì-têu voi pien fông-liòng. Ke-sṳ̀, sà-sà chhiu voi tî Ngài he Song-chú.”

Currently Selected:

Yî-sî-kiet Sû 35: THV12Rdb

Highlight

Copy