Yî-sî-kiet Sû 30

Song-chú Oi Chit-fa̍t Âi-khi̍p

1Song-chú yu lâu ngài kóng-fa; 2Kì kóng: “Ngìn-chṳ́ â, ngì oi kóng yi-ngièn, siên-pu Ngài — Chṳ-kô ke Song-chú oi kóng ke fa. Ngì oi thai-sâng hêm:

Chhám lé, tet-ngìn-vi ke ngit-è to lé!

3Song-chú oi hàng-thung ke ngit-è to lé;

ke he vû-am, lie̍t-koet su chit-fa̍t ke ngit-è.

4Âi-khi̍p voi tù-tó chan-lon;

Kú-sṳ̍t voi yû khú-nan.

Âi-khi̍p chhiòn-thi yû sṳ̂-thí;

chhiòn-koet pûn-ngìn chhióng, pien-cho phiàng-thi.

5“Tui Kú-sṳ̍t, Fut, Lî-tí-â, Â-lâ-pak, Ku-phú#30:5 “Fut” lâu “Ku-phú” khó-nèn chhai “Li-pí-â”., sṳm-chṳ tui Ngài chṳ́-mìn tông-chûng chhiáng-lòi ke pîn-é chhiòn-phu voi chan-sí.”

6Song-chú án-ngiòng kóng: “Tui pet-phu ke Me̍t-thot to nàm-phu ke Set-fut-nì#30:6 “Set-fut-nì” ya ôn-to “Hî-nì” (chhâm-kháu Yî-soi-â Sû 49:12), hien-thoi miàng ôn-to Â-sṳ̂-vùn-sṳ; 29:10 khiung-yong., só-yû pó-ví Âi-khi̍p ke ngìn chhiòn-phu voi chan-sí; Âi-khi̍p chui-khiòng ke kiûn-chhui chhiòn-phu voi pûn-ngìn sêu-me̍t. Ngài — Chṳ-kô ke Song-chú án-ngiòng siên-pu lé. 7Âi-khi̍p voi pien-cho sṳ-kie-song chui fông-liòng ke thú-thi; Âi-khi̍p ke sàng-sṳ voi pí só-yû fông-liòng ke sàng hàn-kha chhî-liòng. 8Ngài piong-fó sêu Âi-khi̍p, chiông pó-fu-sàng ke kiûn-chhui chhṳ̀ chhiang-chhiang yî-heu, kì-têu chhiu voi tî Ngài he Song-chú.

9“Âi-khi̍p fí-me̍t ke-ngit, Ngài oi phai sṳ́-chá chhô-sòn hi yéu-lon mò-sèu mò-li ke Kú-sṳ̍t-ngìn, sṳ́ kì-têu kiâng-to voi sí. Ke-ngit yí-kîn to lé!”

10Chṳ-kô ke Song-chú án-ngiòng kóng: “Ngài oi yung Pâ-pí-lùn-vòng Nì-pu-kap-nì-sat ke sú chhióng-chéu Âi-khi̍p ke chhòi-fu. 11Kì oi tai-liâng tông-ok ke kiûn-chhui lòi, kûng-tá Âi-khi̍p. Kì-têu oi yung tô-kiam kûng-kit, sṳ́ Âi-khi̍p mân-phien yû sṳ̂-thí. 12Ngài oi sṳ́ Nì-lò-hò châu-thet, chiông Âi-khi̍p kâu chhai fái-ngìn sú-chûng. Ngài oi yung ngoi-koet-ngìn lòi pho-fái chhiòn-koet. Ngài — Song-chú án-ngiòng siên-pu lé.”

13Chṳ-kô ke Song-chú án-ngiòng kóng: “Ngài oi pho-fái chhai Men-fì-sṳ̂#30:13 “Men-fì-sṳ̂”: Khiu miàng ôn-to “Nò-fut”, 16 chiet khiung-yong. ke ngiéu-siong lâu ká-sṳ̀n. Âi-khi̍p voi mò-ngìn lòi thúng-chhṳ; Ngài oi sṳ́ Âi-khi̍p-ngìn kiâng-to voi sí. 14Ngài oi sṳ́ Âi-khi̍p nàm-phu fông-liòng; Ngài oi piong-fó sêu pet-phu ke Só-ôn-sàng, chit-fa̍t sú-tû Tí-pí-sṳ̂. 15Ngài oi hiong Âi-khi̍p chui kiên-ku ke pó-fu-sàng — Hiun-sàng, piang-chhut Ngài ke thai fat-khién, sêu-me̍t Tí-pí-sṳ̂ ke chhòi-fu. 16Ngài oi piong-fó sêu Âi-khi̍p; Hiun-sàng voi tù-tó thai châi-nan. Tí-pí-sṳ̂ ke sàng-chhiòng voi pûn-ngìn tá vang-thet; Men-fì-sṳ̂ voi chhòng-theu pûn thi̍t-ngìn kûng-tá. 17Hî-li-pô-lî-sàng lâu Pí-pak-sṳ̍t-sàng ke chhiâng-ngièn chhiòn-phu voi chan-sí; khì-thâ ke ngìn chhiòn-phu voi pûn-ngìn chok-chéu. 18Ngài sû-thet Âi-khi̍p ke li̍t-liong, sêu-me̍t kì só khoâ-khiéu chui-hó ke kiûn-chhui sṳ̀, vû-am voi chiông Tap-pí-ni̍t khièm hí-lòi. Vû-yùn oi châ-tén liá-sàng, chû-vì tak sàng-sṳ ke ngìn-mìn chhiòn-phu voi pûn-ngìn chok-chéu hi. 19Ngài án-ngiòng chit-fa̍t Âi-khi̍p, kì-têu chhiu voi tî Ngài he Song-chú.”

Âi-khi̍p-vòng ke Sṳt-phai

20Ngài-têu pûn-ngìn chok-hi ke thi sṳ̍p-yit ngièn châng-ngie̍t chhû-chhit, Song-chú lâu ngài kóng-fa. 21Kì kóng: “Ngìn-chṳ́ â, Ngài tá-thôn Âi-khi̍p-vòng ke sú-kut, mò-ngìn thoi kì pâu-sông kò-yo̍k, yî-hó kì, sṳ́ kì voi chai khià-kiam. 22Só-yî, Ngài — Chṳ-kô ke Song-chú án-ngiòng kóng: Ngài oi lâu Âi-khi̍p-vòng cho tui-thi̍t; Ngài oi tá-thôn kì ke sûng-sú — mò-lun hó-hó ke ya-he thôn-thet ke chhiòn-phu tá-thôn, sṳ́ kì sú-chûng ke kiam tiet hâ-hi. 23Ngài oi chiông Âi-khi̍p-ngìn fûn-san to chhiòn sṳ-kie. 24Yèn-heu, Ngài oi sṳ́ Pâ-pí-lùn-vòng ke sú-kut khiòng-chong hí-lòi, chiông Ngài ke kiam kâu chhai kì sú-chûng. Chúng-he, Ngài oi tá-thôn Âi-khi̍p-vòng ke sú-kut, kì voi chhai thi̍t-ngìn mien-chhièn chhên-to voi sí. 25Ngài yit-thin oi sṳ́ Âi-khi̍p-vòng sôi-ngio̍k, sṳ́ Pâ-pí-lùn-vòng khiòng-chong. Ngài chiông Ngài ke kiam kâu-pûn Pâ-pí-lùn-vòng yî-heu, kì voi chiông kiam chṳ́-hiong Âi-khi̍p, tak-sà chhiu voi tî Ngài he Song-chú. 26Ngài oi chiông Âi-khi̍p-ngìn fûn-san to chhiòn sṳ-kie; ke-sṳ̀, kì-têu chhiu voi tî Ngài he Song-chú.”

Currently Selected:

Yî-sî-kiet Sû 30: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)