Yî-sî-kiet Sû 25

Yi-ngièn Â-mùn Su Chit-fa̍t

1Song-chú lâu ngài kóng-fa; 2Kì kóng: “Ngìn-chṳ́ â, ngì oi kóng yi-ngièn chit-phi Â-mùn-ngìn. 3Oi ham kì-têu thâng Ngài — Chṳ-kô ke Song-chú só-kóng ke fa. Ngài án-ngiòng kóng: Ngì-têu fôn-hí khon-tó Ngài ke sṳn-thien pûn-ngìn vú-yu̍k, fôn-hí khon-tó Yî-set-lie̍t ke thú-thi fông-fi, Yù-thai-ngìn pûn-ngìn chok-chéu. 4Yîn-vi ngì-têu fôn-hí khon ngìn tù-tó châi-nan, Ngài oi pûn tûng-fông khóng-yâ lòi ke mìn-chhu̍k cham-liâng ngì-têu. Kì-têu thin-chho̍k voi chhai ngì-têu ke thú-thi ôn-yàng, he̍t chhai ke-vi, sṳ̍t ngì-têu chhut-sán ke súi-kó, lîm ngì-têu chhut-sán ke nen. 5Ngài oi sṳ́ Lâ-pâ-sàng pien-cho hiuk lo̍k-thò ke só-chhai, sṳ́ Â-mùn chhiòn-koet sàng-cho yòng-khiùn soi ke mu̍k-chhòng. Án-ngiòng, ngì-têu chhiu voi tî Ngài he Song-chú.

6“Chṳ-kô ke Song-chú án-ngiòng kóng: Yîn-vi ngì-têu fôn-hí to thiau-vú phok-sú, khon ngìn tù-tó châi-nan chhiu khoai-lo̍k, méu-sṳ Yî-set-lie̍t ke thú-thi, 7Ngài oi chhûn-sú kûng-kit ngì-têu, chiông ngì-têu kâu-pûn ngoi-koet-ngìn; kì-têu voi lòi chiông ngì-têu ke tûng-sî chhióng chhiang-chhiang. Ngài oi sêu-me̍t ngì-têu, sṳ́ ngì-têu fûn-san to m̀-sàng yit-ke koet-kâ, m̀-voi chai-yû chhṳ-kâ ke thú-thi. Án-ngiòng, ngì-têu chhiu voi tî Ngài he Song-chú.”

Chit-phi Mô-ap

8Chṳ-kô ke Song-chú án-ngiòng kóng: “Yîn-vi Mô-ap#25:8 “Mô-ap” he kîn-kí yit-têu kú yi̍t-pún, Hî-pak-lòi-vùn he “Mô-ap lâu Sî-ngí”. Sî-ngí-ngìn chhiu-he Yî-tûng-ngìn. kóng Yù-thai-koet lâu phe̍t ke koet-kâ chhiòn-mò chhâ-phe̍t, 9Ngài oi sṳ́ Mô-ap piên-kie ke sàng-sṳ pûn-ngìn kûng-kit, lièn kì-têu chui khoâ-khiéu ke sàng-pó — Pak-Yâ-sî-ma̍t, Pâ-li̍t-Miên, Kî-lie̍t-thìn chhiòn-phu voi pûn-ngìn kûng-kit. 10Ngài oi pûn tûng-phién khóng-yâ lòi ke mìn-chhu̍k cham-liâng Mô-ap, lièn Â-mùn-ngìn khiung-ha cham-liâng, sṳ́ Mô-ap#25:10 “Mô-ap”: Hî-pak-lòi-vùn he “Â-mùn-ngìn”, chhâm-kháu Chhóng-sṳ Ki 19:36-38. pûn lie̍t-koet m̀ ki-tet. 11Ngài yit-thin oi chit-fa̍t Mô-ap. Án-ngiòng, kì-têu chhiu voi tî Ngài he Song-chú.”

Chit-phi Yî-tûng

12Chṳ-kô ke Song-chú án-ngiòng kóng: “Yî-tûng-ngìn ok khià-khià lòi hiong Yù-thai-ngìn po-fu̍k, kì-têu ke chhui-ok khi̍t-thai. 13Só-yî Ngài — Chṳ-kô ke Song-chú án-ngiòng siên-pu: Ngài oi chhûn-sú kûng-kit Yî-tûng, chiông ngìn lâu thèu-sâng chhiòn-phu sêu-me̍t. Tui Thì-man to Tí-tan ke thú-thi chhiòn-phu oi fông-fi; só-yû ke ngìn chhiòn-phu voi pûn-ngìn chhṳ̀-thet. 14Ngài ke chṳ́-mìn Yî-set-lie̍t oi thoi Ngài hiong Yî-tûng po-sù. Kì-têu oi cheu Ngài ke thai fat-khién lòi tui-fu Yî-tûng. Án-ngiòng, Yî-tûng chhiu voi tî Ngài chhai hiong kì po-sù.” Chṳ-kô ke Song-chú án-ngiòng siên-pu lé.

Chit-phi Fî-li-sṳ

15Chṳ-kô ke Song-chú án-ngiòng kóng: “Fî-li-sṳ-ngìn ok khià-khià hiong kì-têu kú-chó yî-lòi ke sù-thi̍t#25:15 “kì-têu kú-chó yî-lòi ke sù-thi̍t” chṳ́ Yù-thai-ngìn. lòi po-sù, chhùn yen-hen ke sîm oi fí-me̍t thi̍t-ngìn. 16Só-yî Ngài — Chṳ-kô ke Song-chú án-ngiòng siên-pu: Ngài oi chhûn-sú kûng-kit Fî-li-sṳ-ngìn, sêu-me̍t kì-têu, lièn chhai Fî-li-sṳ phìn-ngièn chhûn-tó ke ngìn chhiòn-phu ya oi sêu-me̍t. 17Ngài oi thai-thai chit-fa̍t kì-têu, chiông thai fat-khién piang pûn kì-têu, lòi-po yên-sù. Án-ngiòng, kì-têu chhiu voi tî Ngài he Song-chú.”

Currently Selected:

Yî-sî-kiet Sû 25: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)