Yî-sî-kiet Sû 14

Song-chú Chit-phi Pai Ngiéu-siong

1Yû kí-ke Yî-set-lie̍t ke chóng-ló lòi chhô-to ngài mien-chhièn mun ngài. 2Ke-sṳ̀, Song-chú lâu ngài kóng-fa; 3Kì kóng: “Ngìn-chṳ́ â, liá-têu ngìn tông mì-sin, pai ngiéu-siong, chiông hoi kì-têu fam-chhui ke pan-kiok-sa̍k pài chhai kì-têu mien-chhièn. Ngài kám oi tap kì-têu ke khiù-mun mâ?

4“Ngì oi lâu kì-têu kóng, Ngài — Chṳ-kô ke Song-chú án-ngiòng kóng: Na yû Yî-set-lie̍t-ngìn mì-sin, pai ngiéu-siong, chiông hoi kì fam-chhui ke pan-kiok-sa̍k pài chhai kì mien-chhièn, yèn-heu yu lòi khiù-mun siên-tî, Ngài oi yîn-vi kì pai án-tô ngiéu-siong lòi po-yin kì! 5Só-yî ke-têu yîn-vi ngiéu-siong lòi lì-khôi Ngài ke Yî-set-lie̍t-ngìn, Ngài oi chiông kì-têu ke sîm chai khiú chón-lòi.

6“Só-yî, ngì oi lâu Yî-set-lie̍t-ngìn kóng, Ngài — Chṳ-kô ke Song-chú án-ngiòng kóng: To-chón-lòi! Lì-khôi ngì-têu ke ngiéu-siong, lì-khôi ke-têu sià-ok ke tûng-sî!

7“Mò-lun he Yî-set-lie̍t-ngìn ya-he he̍t chhai ngì-têu tông-chûng ke ngoi-chhu̍k-ngìn, fàm lì-khôi Ngài, mì-sin hi pai ngiéu-siong, phai-fái, fam-chhui, yèn-heu yu lòi khiù-mun siên-tî ke, Ngài chhṳ-kâ oi kau-hiun kì! 8Ngài oi chit-fa̍t kì, nâ kì lòi sṳ-chung, yung kì lòi kín-ko chung-ngìn. Ngài oi tui Ngài ke chṳ́-mìn tông-chûng chhù-thet kì. Án-ngiòng, ngì-têu chhiu voi tî Ngài he Song-chú.

9“Na-he yû siên-tî pûn-ngìn phien-chéu, fì-tap ngìn ke sṳ̀ kóng m̀-chho̍k fa, ke he yîn-vi Ngài — Song-chú yù-chhai kì pûn-ngìn phien-chéu. Ngài oi chit-fa̍t ke siên-tî, tui Yî-set-lie̍t-ngìn tông-chûng chhù-thet kì. 10Siên-tî lâu chhiáng-kau kì ke ngìn oi su khiung-yong ke chit-fa̍t. 11Ngài án-ngiòng cho he oi sṳ́ Yî-set-lie̍t-ngìn m̀-voi chai lì-khôi Ngài, m̀-voi chai fam-chhui, vú-yu̍k chhṳ-kâ. Kì-têu oi cho Ngài ke chṳ́-mìn; Ngài oi cho kì-têu ke Song-ti.” Chṳ-kô ke Song-chú án-ngiòng siên-pu lé.

Nò-â, Tan-yî-lî lâu Yok-pak

12Song-chú lâu ngài kóng-fa; 13Kì kóng: “Ngìn-chṳ́ â, na-he yû yit-chak koet-kâ fam-chhui, tui Ngài mò chûng-sîm, Ngài oi chhûn-sú chhiet-thôn kì-têu liòng-sṳ̍t ke lòi-ngièn; Ngài oi sṳ́ kî-fông lìm-to, sṳ́ ngìn lâu thèu-sâng chhiòn-phu ngo-sí. 14Chhiu-son Nò-â, Tan-yî-lî#14:14 “Tan-yî-lî” ya-he yi̍t-cho “Tha̍t-nì-ngí”, 14:20; 28:3 khiung-yong. lâu Yok-pak sâm-sà chhiòn-phu he̍t chhai ke-vi, kì-têu ke ngi ya tân-chhiang kiu tet-tó chhṳ-kâ ke miang thin-thin.” Chṳ-kô ke Song-chú án-ngiòng siên-pu lé.

15“Ngài na-he sṳ́ yâ-chhu chhai ke-koet lon-chéu hoi ngìn, pûn ngìn kiâng-tó, m̀-kám kîn-ko ke-vi, ke-thi pien-cho fông-thi, 16Ngài — Chṳ-kô ke Song-chú chṳ́-tén Ngài yún-yén ke sâng-miang fat-sṳ, chhiu-son ke sâm-ke ngìn he̍t chhai ke-vi, kì-têu ya kiu m̀-tó chhṳ-kâ ke chṳ́-ńg; kì-têu tân-chhiang kiu tet-tó chhṳ-kâ thin-thin, thú-thi ya voi fông-thet hi.

17“Ngài na-he sṳ́ ke só-chhai su-tó chan-lon, tông-li ke tô-kiam chiông ngìn lâu thèu-sâng chhiòn-phu chhṳ̀ chhiang-chhiang, 18Ngài — Chṳ-kô ke Song-chú chṳ́-tén Ngài yún-yén ke sâng-miang fat-sṳ, chhiu-son ke sâm-ke ngìn he̍t chhai ke-vi, kì-têu ya kiu m̀-tó chhṳ-kâ ke chṳ́-ńg; kì-têu tân-chhiang kiu tet-tó chhṳ-kâ thin-thin.

19“Ngài na-he sṳ́ pot-vûn chhai ke-vi liù-hàng, chhai thai fat-khién tông-chûng sêu-me̍t yit-chhiet, chiông ngìn lâu thèu-sâng chhiòn-phu chhṳ̀ chhiang-chhiang, 20Ngài — Chṳ-kô ke Song-chú chṳ́-tén Ngài yún-yén ke sâng-miang fat-sṳ, chhiu-son Nò-â, Tan-yî-lî lâu Yok-pak chhiòn-phu he̍t chhai ke-vi, kì-têu ya kiu m̀-tó chhṳ-kâ ke chṳ́-ńg; kì-têu ke ngi tân-chhiang kiu tet-tó chhṳ-kâ thin-thin.”

21Chṳ-kô ke Song-chú án-ngiòng kóng: “Hàn voi kha chhám ô! Ngài oi yung chan-lon, kî-fông, yâ-chhu lâu pot-vûn liá si-chúng chhin tet-ngìn-kiâng ke châi-nan lòi chit-fa̍t Yâ-lu-sat-lâng, chiông ngìn lâu thèu-sâng chhiòn-phu sêu-me̍t. 22Na-he yû-ngìn mò sí, yu kiu-chhut chhṳ-kâ ke chṳ́-ńg, kì-têu chéu-to ngì-têu ke-vi ke sṳ̀, ngì-têu oi chu-yi khon kì-têu yû kí-fái! Án-ngiòng, ngì-têu chhiu voi mìn-pha̍k Ngài chit-fa̍t Yâ-lu-sat-lâng he yin-kôi ke. 23Ngì-têu ya voi liáu-kié Ngài só-cho ke yit-chhiet he yû-lî ke.” Chṳ-kô ke Song-chú án-ngiòng siên-pu lé.

Currently Selected:

Yî-sî-kiet Sû 14: THV12Rdb

Highlight

Copy

Compare

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Yî-sî-kiet Sû 14

Videos for Yî-sî-kiet Sû 14

Ezekiel 12-24

BibleProject

Ezekiel 1-32

BibleProject

Ezekiel 12-14

Spoken Gospel

Yî-sî-kiet Sû 14

Popular Bible Verses from
Yî-sî-kiet Sû 14

Videos for Yî-sî-kiet Sû 14

Ezekiel 12-24

Ezekiel 1-32

Ezekiel 12-14

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yî-sî-kiet Sû 14

Yî-sî-kiet Sû 14

Popular Bible Verses from Yî-sî-kiet Sû 14

Videos for Yî-sî-kiet Sû 14

Ezekiel 12-24

Ezekiel 1-32

Ezekiel 12-14

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yî-sî-kiet Sû 14

Popular Bible Verses from
Yî-sî-kiet Sû 14