Tan-yî-lî Sû 9

Tan-yî-lî Vi Thùng-pâu Khì-tó

1Mí-tí-â-chhu̍k Â-ha̍p-sùi-lû ke lai-é Thai-liù-sṳ cho vòng thúng-chhṳ Pâ-pí-lùn-koet. 2Kì chhai-vi ke thi-yit ngièn, ngài — Tan-yî-lî ngièn-thu̍k Sṳn-kîn, liáu-kié Song-chú lâu siên-tî Yâ-li-mí kóng ke yû-koân Yâ-lu-sat-lâng voi fông-fi, chhṳ̍t-to mân chhit-sṳ̍p ngièn ke fa#9:2 Chhâm-kháu Yâ-li-mí Sû 25:11-12; 29:10.. 3Ngài kim-sṳ̍t, chok mà-sâm, chhô chhai chhṳ̀n-fôi tú, mien-hiong Chú Song-ti pet-chhiet khì-tó. 4Ngài hiong Song-chú — ngài ke Song-ti khì-tó, vi ngài ke thùng-pâu ngin-chhui.

Ngài kóng: “Chú â, Ngì he chṳ-thai ke Song-ti; ngài-têu kin-vi Ngì. Ngì sú Ngì ke yok, hiong ke-têu oi Ngì, chûn-sú Ngì min-lin ke ngìn hién-mìn put-pien ke chhṳ̀-oi.

5“Ngài-têu fam-chhui cho fái-sṳ, sòng-sòng phoi-ngia̍k, phiên-lì Ngì ke kie-min li̍t-li. 6Ngì ke phu̍k-ngìn, chhiu-he ke-têu siên-tî, sṳt fung Ngì ke miàng hiong ngài-têu ke kiûn-vòng, liâng-chhiu, chú-siên, lâu chhiòn-koet ke ngìn kóng-fa; chúng-he ngài-têu m̀-thâng. 7Chú â, Ngì he kûng-chṳn ke, chúng-he ngài liá-têu Yù-thai lâu Yâ-lu-sat-lâng ke ngìn-mìn, pin ke-têu phoi-ngia̍k Ngì, pûn Ngì kiuk-san to yén-fông, ya-he fu-khiun tak-koet ke Yî-set-lie̍t-ngìn, chhiòn-phu yîn-vi tui Ngì mò chûng-sîm, kîm-pû-ngit chang voi án kien-seu. 8Song-chú â, ngài-têu lâu ngài-têu ke kiûn-vòng, liâng-chhiu, pin chú-siên chhiòn-phu tet-chhui Ngì, ngài-têu ke kien-seu he chhṳ-kâ ngiâ-lòi ke. 9Chú — ngài-têu ke Song-ti â, sûi-yèn ngài-têu phoi-ngia̍k Ngì, Ngì hàn-he lìn-mén ngài-têu, sa-miên ngài-têu. 10Song-chú — ngài-têu ke Song-ti â, Ngì thûng-ko Ngì ke phu̍k-ngìn, chhiu-he ke-têu siên-tî, hiong ngài-têu siên-pu fap-li̍t, oi ngài-têu chûn-sú; chúng-he ngài-têu m̀-thâng Ngì ke fa. 11Yî-set-lie̍t-ngìn chhiòn-phu phoi-ngia̍k Ngì ke fap-li̍t, phiên-lì Ngì, mò thâng-chhiùng Ngì. Só-yî, ke-têu ki chhai Ngì phu̍k-ngìn Mô-sî Fap-li̍t-sû ke chu-chú lâu sṳ́m-phan chhiòn-phu lo̍k chhai ngài-têu sṳ̂n-song, yîn-vi ngài-têu sṳ̍t-chhai tet-chhui Ngì. 12Ngì chhai ngài-têu lâu ngài-têu ke thúng-chhṳ-chá sṳ̂n-song sṳ̍t-hien Ngì kóng-ko ke fa. Ngì yung thai châi-fo chit-fa̍t Yâ-lu-sat-lâng he thiên-ha só-yû ke sàng-sṳ màng-yû sṳ̂-hàng ko ke. 13Ngì chiông Mô-sî Fap-li̍t-sû song só-siá yit-chhiet ke châi-fo chhiòn-phu kong chhai ngài-têu sṳ̂n-song. Chúng-he, Song-chú — ngài-têu ke Song-ti â, ngài-têu hàn-he mò pûn Ngì fôn-hí, ngài-têu hàn-he mò lì-khôi chhui-ok, mò khon-chhung Ngì ke chṳ̂n-lî. 14Song-chú — ngài-têu ke Song-ti â, Ngì sṳt chún-phi oi chit-fa̍t ngài-têu. Sṳ-sṳ̍t-song, Ngì yí-kîn chit-fa̍t ngài-têu lé; yîn-vi Ngì chhiùng-thèu to-mî kûng-chṳn, chúng-he ngài-têu m̀-thâng Ngì ke fa.

15“Chú — ngài-têu ke Song-ti â, Ngì yung thai-nèn ke sú tai-liâng Ngì ke chṳ́-mìn chhut Âi-khi̍p; Ngì ke miàng-sâng liù-chhòn to kîm-pû-ngit. Ngài-têu khok-sṳ̍t yû fam-chhui, cho fái-sṳ. 16Chú â, khiù Ngì cheu Ngì yit-chhiet ke kûng-ngi, liá-ha m̀-hó hiong Ngì ke sṳn-sân Yâ-lu-sat-lâng-sàng fat-khién. Yîn-vi ngài-têu fam-chhui, ngài-têu chú-siên cho fái-sṳ, Yâ-lu-sat-lâng lâu Ngì ke chṳ́-mìn chhiu pûn si chû-vì ke ngìn vú-yu̍k. 17Liá-ha, ngài-têu ke Song-ti â, khiù Ngì thâng Ngì phu̍k-ngìn ke khì-tó lâu ôi-khiù. Khiù Ngì kông-cheu, chai khon-ku Ngì ke-chho fông-fi ke sṳn-thien, pûn ngìn tî Ngì he Chú. 18Song-ti â, khiù Ngì thâng ngài-têu ke khì-khiù! Khiù Ngì khon-ku ngài-têu lâu su̍k Ngì miàng-hâ fông-fi ke sàng! Ngài-têu hiong Ngì khién-khiù m̀-he kho chhṳ-kâ ke kûng-ngi, he kho Ngì ke thai lìn-mén. 19Chú â, khiù Ngì thâng! Chú â, khiù Ngì sa-miên! Chú â, khiù Ngì tap-yin lòi thâng pin sṳ̂-hàng chṳ́n-kiu! Ngài ke Song-ti â, vi-tó pûn ngìn tî Ngì he Song-ti, khiù Ngì m̀-hó yèn-chhàn; yîn-vi liá-chho sàng he Ngì ke sàng, liá-têu ngìn he Ngì ke chṳ́-mìn.”

Thiên-sṳ́ Kâ-pak-lie̍t Kié-sṳt Yi-siong

20Ngài ki-siu̍k khì-tó, sṳ̀n-ngin ngài lâu ngài thùng-pâu Yî-set-lie̍t ke chhui, yu vi Song-ti ke sṳn-sân hiong Song-chú — ngài ke Song-ti khién-khiù. 21Ngài khì-tó ke sṳ̀, siên-chhièn chhut-hien chhai ngài yi-siong chûng ke Kâ-pak-lie̍t chhin-kiak pî-to ngài liá-vi lòi; ke-yông-sṳ̀ he lìm-am-é hien-chi ke sṳ̀-kiên. 22Kâ-pak-lie̍t hiong ngài kié-sṳt kóng: “Tan-yî-lî, ngài liá-ha lòi, pûn ngì yû chṳ-fi hó mìn-pha̍k. 23Ngì khôi-sṳ́ hiong Song-ti khì-khiù ke sṳ̀, Kì chhiu tap-yin ngì lé. Kì kak-yi ngì, só-yî ngài lòi hiong ngì chhòn Kì ke fa. Liá-ha chhiáng ngì chu-yi thâng ngài kié-sṳt yi-siong ke yi-sṳ:

24“Chhit-sṳ̍p ke chhit-ngièn he Song-ti só-thin oi kié-kiu ngì thùng-pâu lâu sṳn-sàng lì-khôi chhui-ok ke sṳ̀-kiên. Ke-sṳ̀, Kì oi sa-miên chhui-ok, tai-lòi yún-kiú ke chṳn-ngi, sṳ́ yi-siong lâu yi-ngièn sṳ̍t-hien#9:24 “sṳ́ ... sṳ̍t-hien” ya-he yi̍t-cho “chiông ... fûng hí-lòi”., pin sṳ́ sṳn-thien chhùng-sîn fung-hien#9:24 “sṳ́ sṳn-thien chhùng-sîn fung-hien” ya-he yi̍t-cho “kò chṳ-sṳn-só” ya-he “kò chṳ-sṳn ke chi-thàn” ya-he “kò Chṳ-sṳn-chá”.. 25Ngì oi tî, oi liáu-kié: Tui siên-pu fu̍k-hîn chhùng-kien Yâ-lu-sat-lâng ke min-lin to Song-ti kién-sién ke liâng-chhiu chhut-hien, khì-kiên yit-thin oi kîn-ko chhit-ke chhit-ngièn. Yâ-lu-sat-lâng-sàng voi chhùng-kien, yû kiê-lu lâu kiên-ku ke fòng-phi; khì-kiên he liuk-sṳ̍p ngi-ke chhit-ngièn, chúng-he#9:25 “chhit-ke chhit-ngièn ... liuk-sṳ̍p ngi-ke chhit-ngièn, chúng-he” ya-he yi̍t-cho “chhit-ke chhit-ngièn lâu liuk-sṳ̍p ngi-ke chhit-ngièn. Yâ-lu-sat-lâng-sàng voi chhùng-kien, yû kiê-lu lâu kiên-ku ke fòng-phi, chúng-he”. ke he yit-chham khun-khú ke khì-kiên. 26Ko-liáu liá khì-kiên, Song-ti kién-sién ke liâng-chhiu voi pûn-ngìn chhṳ̀-thet, yit-vù-só-yû#9:26 “yit-vù-só-yû” Hî-pak-lòi-vùn ke yi-sṳ mò chhîn-chhú.; liá-sàng lâu sṳn-thien voi pûn yit-ke kiûn-vòng ke kiûn-chhui fí-fai. Liá kiet-khiu̍k voi chhiong thai-súi chhûng-lòi, chiông Song-ti só chún-phi ke chan-chên lâu fí-me̍t tai-lòi. 27Ke kiûn-vòng voi lâu tông-tô ngìn kiet mèn-yok chhit-ngièn, chúng-he chhit-ngièn ko-thet yit-pan, kì chhiu kim-chṳ́ ngìn hien-chi, hien lî-vu̍t. Ke-sṳ̀, ke ‘Fí-me̍t-sin, sià-ok ke tûng-sî’#9:27 “Fí-me̍t-sin, sià-ok ke tûng-sî”: Chṳ́ ngoi-lòi ke chhîm-lio̍k-chá piong chhai sṳn-thien tú ke yi-kau sṳ̀n-siong (khon Khiu-yok ngoi-tién Mâ-kâ-pí-song 1:54-61). voi pûn-ngìn piong chhai chi-thàn ke kok-song#9:27 “chi-thàn ke kok-song” ya-he yi̍t-cho “sṳn-thien ke chṳ-kô só-chhai”, Hî-pak-lòi-vùn ke yi-sṳ mò chhîn-chhú., liù chhai ke-vi, yit-chhṳ̍t to chiông kì piong chhai ke-vi ke ngìn su-tó Song-ti vi kì só-thin ke châi-nan vì-chṳ́.”

Currently Selected:

Tan-yî-lî Sû 9: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Tan-yî-lî Sû 9

Videos for Tan-yî-lî Sû 9

Episode 31: Should Christians Celebrate Ash Wednesday?

Under The Hood

Episode 26: Christmas Part 1

The Bible Show

Episode 27: Christmas Part 2

The Bible Show

Episode 26: Christmas Part 1

The Bible Show

Tan-yî-lî Sû 9

Popular Bible Verses from
Tan-yî-lî Sû 9

Videos for Tan-yî-lî Sû 9

Episode 31: Should Christians Celebrate Ash Wednesday?

Episode 26: Christmas Part 1

Episode 27: Christmas Part 2

Episode 26: Christmas Part 1

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Tan-yî-lî Sû 9

Tan-yî-lî Sû 9

Popular Bible Verses from Tan-yî-lî Sû 9

Videos for Tan-yî-lî Sû 9

Episode 31: Should Christians Celebrate Ash Wednesday?

Episode 26: Christmas Part 1

Episode 27: Christmas Part 2

Episode 26: Christmas Part 1

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Tan-yî-lî Sû 9

Popular Bible Verses from
Tan-yî-lî Sû 9