Tan-yî-lî Sû 10

Chhai Tí-kiet-lî-sṳ̂ Hò-pa Sùn Khon-tó ke Yi-siong

1Sai-lû-sṳ cho Pô-sṳ̂-vòng ke thi-sâm ngièn, Song-ti hiong yu ôn-to Pak-thì-sâ-sat ke Tan-yî-lî khí-sṳ yit-ke sin-sit. Liá sin-sit he chṳ̂n-sṳ̍t ke, chúng-he tông-nàn liáu-kié#10:1 “chúng-he tông-nàn liáu-kié” ya-he yi̍t-cho “he yû-koân thai chan-chên ke sṳ”.. Tan-yî-lî chhai yi-siong chûng tet-tó liáu-kié.

2Ke-sṳ̀, ngài — Tan-yî-lî pî-sông sâm-ke lî-pai. 3Ngài sâm lî-pai mò sṳ̍t phông-phai, mò sṳ̍t-ngiuk, mò lîm-chiú, mò kò-yù, ya mò sṳ̂-thèu.

4Châng-ngie̍t ngi-sṳ̍p si#10:4 “Châng-ngie̍t ngi-sṳ̍p si” he cheu ke-sṳ̀ ke ngit-la̍k, he thai-yok si-ngie̍t chûng, oi ko Phàn-ko-chiet ke sṳ̀., ngài khî chhai Tí-kiet-lî-sṳ̂ thai hò-pa sùn. 5Ngài ngo-thèu khon, khon-tó yû yit-sà chok se mà-sâ ke sâm, kiê-tén vòng-kîm cho ke yêu-tai. 6Kì ke sṳ̂n-thí chhiong pó-sa̍k fat-kông, mien chhiong ngiap-lang; muk-chû chhiong fó-pá chhin kông, sú-kiok chhiong chhu̍t-kîm ke thùng; kì kóng-fa ke sâng-liong chhiong kûi-khiùn ngìn hêm ke sâng.

7Chṳ́-yû ngài — Tan-yî-lî yit-sà khon-tó liá yi-siong. Lâu ngài khiung-ha ke ngìn pin-mò khon-tó má-ke; chúng-he kì-têu chhiòn-phu fî-sòng chho̍k-kiâng, chhiu chéu-hi khong. 8Ngài yit-sà liù chhai ke-vi, khon-tó liá khì-meu ke kông-kín. Ngài chhiòn-sṳ̂n mò-li̍t, mien mò hiet-set, khiòng-khiòng khî m̀-he̍t. 9Yit thâng-tó kì ke sâng-yîm, ngài chhiu phu̍k chhai thi-song, m̀-tî ngìn sṳ.

10Fut-yèn-kiên, yû yit-chak sú fù-tén ngài, sṳ́ ngài yung sú lâu chhit-thèu chhang hí-lòi; chúng-he ngài hàn-he chhiòn-sṳ̂n pi̍t-pi̍t-chhat. 11Thiên-sṳ́ tui ngài kóng: “Song-ti só-siak ke Tan-yî-lî â, khî hí-lòi, chu-yi thâng ngài lâu ngì kóng ke fa; ngài he su-phai to ngì liá-vi lòi ke.” Kì kóng-so̍t, ngài hàn kín-chûn khî hí-lòi.

12Kì chhiu tui ngài kóng: “Tan-yî-lî â, m̀-sṳ́ kiâng! Chhṳ-chhiùng thi-yit ngit ngì khiâm-pî chhai Song-ti mien-chhièn khì-khiù oi mìn-pha̍k liá yi-siong ke yi-sṳ, Kì chhiu thâng ngì ke khì-tó. Ngài chhiu-he lòi vi ngì kié-sṳt ke. 13Chúng-he Pô-sṳ̂ ke fu-koet thiên-sṳ́ chú-tóng ngài ngi-sṳ̍p yit-ngit. Yîn-vi ngài liù chhai Pô-sṳ̂-vòng ke-vi, yû yit-vi thiên-sṳ́-chóng Mí-kâ-le̍t lòi pông-chhu ngài. 14Liá-ha ngài lòi, he vi ngì kié-sṳt chiông-lòi ngì ke thùng-pâu só oi tù-tó ke sṳ; liá he yû-koân chiông-lòi ke yi-siong.”

15Kì tui ngài kóng-fa ke sṳ̀, ngài mien phu̍k thi-nài, tiâm-tiâm mò kóng-fa. 16Só-yî ke khoán-sṳt chhiong ngìn ke thiên-sṳ́ chhûn-sú miâ ngài ke choi-sùn, ngài chhiu khôi-choi, tui kì kóng: “Ngâ chú â, ngài khon-tó liá yi-siong chhiu chhiòn-sṳ̂n mò-li̍t, yit-chhṳ̍t pi̍t-pi̍t-chhat. 17Ngài chhiong yit-ke nù-chhòi khî chhai chú-ngìn mien-chhièn; ngài ngióng cho-tet lâu ngì kóng-fa nè? Ngài yí-kîn mò-li̍t, mò phan-fap théu-hi.”

18Kì chai yit-pái fù ngài, sṳ́ ngài fî-fu̍k ngièn-hi. 19Kì kóng: “Song-ti só-siak ke ngìn â, m̀-sṳ́ kiâng! Ngien ngì phìn-ôn! Ngì oi kiên-khiòng!”

Kì kóng liá-ke fa yî-heu, ngài chhiu kám-kok yû-li̍t lé. Ngài kóng: “Ngâ chú â, ngì sṳ́ ngài ke li̍t-liong fî-fu̍k; ngì cho-tet lâu ngài kóng-fa lé!”

20-21Kì kóng: “Ngì tî ngài cho-má-ke to liá-vi lòi mò? Ngài lòi he oi chiông Chṳ̂n-lî ke Sû só-siá ke lâu ngì kóng. Liá-ha ngài yit-thin oi chón-hi, lâu Pô-sṳ̂ ke fu-koet thiên-sṳ́ siông-chhṳ̀. Yî-heu, Hî-lia̍p ke fu-koet thiên-sṳ́ voi chhut-hien. Chhù-liáu Yî-set-lie̍t ke fu-koet thiên-sṳ́ Mí-kâ-le̍t, mò-ngìn pông-chhu ngài tí-tóng liá lióng-ke fu-koet thiên-sṳ́.”

Currently Selected:

Tan-yî-lî Sû 10: THV12Rdb

Highlight

Copy