ZEKALIA 6

1YẸN sọ vó nukun ṣie lọ zé daga, bo mọ, bo dayi e go, kẹkẹ ẹnẹ jẹgbonu wá sọn osọ́ awe lẹ ṣẹnṣẹn: osọ́ lẹ lọ sọ yin osọ́ gànvẹ̃ tọn lẹ. 2Osọ́ vẹ̀ lẹ wẹ tin to kẹkẹ tintan mẹ; podọ to awetọ mẹ osọ́ oyù lẹ; 3podọ to kẹkẹ atọ̀ntọ mẹ osọ́ wéwé le; podọ to kẹkẹ ẹnẹtọ mẹ osọ́ hu-hlọnnọ wéwéalánọ lẹ. 4Whenẹnu wẹ yẹn gblọn bo sọ dọ hlan angeli he to hódọ hẹ mi lọ dọ, Eté wẹ ehelẹ, klunọ ṣie? 5Angẹli lọ sọ gblọn bo dọ hlan mi dọ, Ehelẹ wẹ gbigbọ ẹnẹ olọn tọn lẹ, he jẹgbonu yi sọn tintọ́nkọ̀ mẹ to OKLUNỌ aigba lọ lẹpo tọn nukọn. 6Kẹkẹ he mẹ osọ́ oya lẹ te jẹgbonu yì otò agéwaji tọn dali; podọ wéwé jẹgbonu yì hodo yé; podọ wéwéalánọ lẹ lọ sọ jegbonu yì otò ohùwaji tọn dali. 7Podọ huhlọnnọ lẹ lọ sọ jẹgbonu yì, bo to dindin nado yì na yé nido zinzọnlin yìgodo yìnukọn gbọn aigba lọ mẹ: é bo sọ dọmọ, Yì sọn ofile, zinzọnlin yìgodo yìnukọn gbọn aigba lọ mẹ. Mọ wẹ yé zinzọnlin yìgodo yìnukọn gbọn aigba lọ mẹ. 8Whenẹnu wẹ ewọ dawhá do oji e, bo dọhó hlan mi, dọmọ, Dayi e go, yé he yì otò agéwaji tọn dali lẹ ko hẹn gbigbọ ṣie nabọẹ to otò agéwaji tọn lọ mẹ.

9Ohó OKLUNỌ tọn sọ wá jẹ dẽ, dọmọ, 10Yí sọn yé mẹmẹglọ lẹ tọn mẹ, yèdọ sọn Hẹldai mẹ, sọn Tobija mẹ, podọ sọn Jẹdaia mẹ; hiẹ ni sọ wá to azán doponẹ gbè, bo yì biọ ohọ̀ Josia visunnu Zefania tọn lọ tọn mẹ, fiedali yè hẹn yé sọn Babilọni mẹ wá; 11mọwẹ, yí fataka po sika po sọn yé si, bo basi ojẹgbakun de, bo zé e do ota Jọṣua visunnu Jehozadaki, yẹwhenọ daho lọ tọn tọn ji; 12bo dọhó hlan ẹn, dọmọ, Le wẹ OKLUNỌ awhànpa lẹ tọn dọhó do, dọmọ, Dayi e go, dawe lọ oyín mẹhetọn nọ yín Alà: podọ ewọ na zalà sọn otẹn etọn mẹ, ewọ bo na sọ do tẹmpli OKLUNỌ tọn: 13yèdọ ewọ na do tẹmpli OKLUNỌ tọn lọ; ewọ bo na sọ hẹn gigo lọ, bo na sinai bo dùgán to ofìn etọn ji; yẹwhenọ de na sọ tin to ofìn etọn ji: podọ hónamẹ jijọho tọn na sọ tin yé meawe lẹ ṣẹnṣẹn. 14Podọ ojẹgbakun lọ na tin jẹ Helẹmi de, podọ jẹ Tobija de, podọ jẹ Jẹdaia de, podọ na dagbewà Hẹni visunnu Zẹfania tọn lọ tọn, na oflinnú de to tẹmpli OKLUNỌ tọn mẹ. 15Podọ yé he tin to aganu boboe lẹ na sọ wá bo do tẹmpli OKLUNỌ tọn lọ, mìwlẹ bo na sọ yọnẹn dọ OKLUNỌ awhànpa lẹ tọn wẹ ko do mi hlan mì de. Podọ ehe na sọ jọ, eyín míwlẹ na yí sọwhiwhe do sètónuna ogbè OKLUNỌ Jiwheyẹwhe mìtọn tọn.

Currently Selected:

ZEKALIA 6: BWL23

Highlight

Copy

Compare