PSALM 113
113
1HALLELUJAH.
Mì mẹdagun OKLUNỌ tọn emi,
Mì pa ẹ, mì pa oyín OKLUNỌ tọn.
2Oyín OKLUNỌ tọn ni yín donanọ
Sọn ojlẹ he mẹ zònmí kakadoidoi.
3Sọn whèzẹtẹn yì whèyihọ
Oyín OKLUNỌ tọn wẹ yè ni to pipa.
4OKLUNỌ tin yìaga hú akọta lẹpo,
Gigo etọn sọ yìji hú olọn lẹ.
5Mẹnu wẹ taidi OKLUNỌ Jiwheyẹwhe mítọn,
He hẹn ede sinai to aga ji,
6He huwhé ede Nado payi olọn po aigba po go?
7É zé wamọnọ tite sọn kógudu mẹ,
Bo sọ zé agbátọnọ sọn ogbóji;
8Na é nido zé e sinai hẹ ahọvi lẹ,
Yèdọ hẹ ahọvi omẹ etọn lẹ tọn.
9E hẹn yọnnu wẹnsinọ nado pọ́n owhégbè go,
Podọ nado yín onọ ayajẹnọ ovi lẹ tọn.
Hallelujah.
Currently Selected:
PSALM 113: BWL23
Highlight
Copy
Compare
Share
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
