HÓWHÍNWHÉN LẸ 5
5
1OVI ṣie, dayi nuyọnẹn ṣie go,
Na a ni sọ tùn otó towe ai do ayitunnugọ ṣie go.
2Na hiẹ nido lẹn zìnzìn pọ́n,
Podọ na nuflo towe nido yí oyọnẹn whlá.
3Na nuflo yọnnu jonọ tọn nọ kùn di owín,
Onù etọn sọ vivi hú amì.
4Ṣigba pòdo etọn vẹ̀ di vivó,
E sọ da di ohi nùawenọ.
5Afọ etọn to tejẹ jei okú;
Afọdide etọn jẹ olọn zòdo me.
6Na hiẹ nikã lẹn aliho ogbè tọn pọ́n,
Aliho etọn nọ lẹ́ do ofi lé do odọn, na hiẹ nikã yọ́n yé.
7Sè ṣie dinvie, mì ovi emì,
Mì fọ́n yì sọn ohó onù ṣie tọn mẹ blo.
8Dè aliho towe do ola sọn e de,
A sọ sẹ̀pọ́ hóntonu owhé etọn tọn blo.
9Na hiẹ nikã yí yẹyi towe na mẹdèvo,
Podọ owhè towe na okanọ.
10Na yè nikã yí adọkun towe do gó jonọ lẹ;
Na azón towe nikã tin to owhé jonọ tọn gbè.
11Hiẹ na sọ blawu to godo,
Whenuena awutu towe po agbasa towe po súdo.
12Hiẹ na sọ dọmọ, nawẹ yẹn gbẹwanna oplón sọ,
Bọ ayiha ṣie sọ vlẹ wọhẹ:
13Bọ yẹn ma yí ogbè mẹplọ́ntọ ṣie tọn sè,
Jla vi tùn otó ṣie ai na yé he to pinplọ́n mì lẹ.
14Yẹn ko bla tin to oylan mẹ pata pata
To agùn ṣẹnṣẹn, podọ to opli tò.
15Nù osìn sọn avundoe towe lọsu mẹ,
Podọ osìn he to sìsa sọn odòtọ hiẹ lọsu tọn mẹ.
16Be asisa towe ni sà pó,
Podọ otọ́ osìn tọn to aligbo ji wẹ?
17Gbò yé ni yín hiẹ lọsu tọn kẹdẹ,
Na é yín jonọ tọn hẹ we blo.
18Na asisa towe ni tindo dona,
Na hiẹ ni jaya hẹ asi ovu whenu towe tọn.
19Di agbanlin asi de, podọ di olùwa asi whanpẹnọ de;
Gbò anó etọn ni pékọna we whepoponu;
Na hiẹ ni sọ jaya whepoponu to owanyi etọn mẹ.
20Ovi ṣie, etẹwutu wẹ hiẹ na nọ jaya
to owanyi jonọ tọn mẹ,
Ah Bọ hiẹ na do dòn akónnu jonọ tọn do ogo.
21Na aliho gbẹtọ tọn tin to nukọn OKLUNỌ tọn,
E sọ to wiwà etọn lẹpo lẹnpón.
22Ylando omẹ ylankan tọn wẹ na wle ewlọsu,
Okàn ylando ede tọn na sọ hẹn ẹn, do ote.
23E na kú ma yí oplọn;
Podọ to oklọ nululu etọn tọn mẹ é na to alibu doi.
Currently Selected:
HÓWHÍNWHÉN LẸ 5: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
