HÓWHÍNWHÉN LẸ 2
2
1OVI ṣie, eyín hiẹ na yí ohó ṣie lẹ, Bo sọ bé gbèdide ṣie pli do de we.
2Sọmọ bọ hiẹ lẹ́ otọ́ towe hlan nuyọnẹn go,
Bo sọ jlẹ ayiha towe hlan ayi: tùnnugo;
3Nugbo eyín hiẹ to awhádo hodo nuyọnẹn,
Bo sọ zé ogbè towe dàga na ayitùnnugo;
4Eyín hiẹ din in di fataka,
Bo sọ din in di adọkunnú he whlá.
5Whenẹnu wẹ hiẹ na tùnwun osí OKLUNỌ tọn,
Bo na sọ mọ oyọnẹn Jiwheyẹwhe tọn.
6Na OKLUNỌ wẹ nọ na oyọnẹn omẹ:
Onù etọn mẹ wẹ nuyọnẹn po ayi tùnnugo po nọ sọn.
7E bẹ́ nuyọnẹn pli na dódónọ lẹ:
Ewọ sọ wẹ gaglo hlan yé he to zọnlinzin to dódó mẹ lẹ.
8E yí omọ́ whẹ̀dida tọn whlá,
Bo sọ whlá aliho mẹwiwe lẹ tọn.
9Whenẹnu wẹ hiẹ ná tùnwun dódó, po whẹ̀dida po,
Po kunnumahu po; yèdọ omọ́ dagbe lẹpo.
10Whenuena nuyọnẹn biọ ayiha towe mẹ,
Bọ oyọnẹn sọ yín homẹhùnnú gbigbọ towe tọn;
11Zìnzìn na whlá we,
Wuntùntùn na sọ yí we whlá.
12Nado whlẹn we sọn aliho mẹylankan tọn ji,
Sọn gbẹtọ he to onú gblezọn dọ si.
13Mẹhe gbé aliho dódó tọn dai,
Nado zinzọnlin to aliho zinvlu tọn ji.
14Mẹhe jaya nado wàylan,
Bo sọ hùnhomẹ to owalọ wluwlu mẹylankan tọn mẹ.
15Mẹhe aliho etọn yín gbingbán,
Bọ yé sọ yín mẹwluwlu to omó yetọn ji.
16Nado whlẹn we sọn yọnnu jonọ si,
Yèdọ sọn jonọ he nọ yí ohó etọn do gàn omẹ.
17Mẹhe gbé alihiamẹtọ ovuwhenu etọn tọn dai,
Alẹ̀nu Jiwheyẹwhe etọn tọn.
18Na owhé etọn dè hlan okú dali,
Omó etọn hlan osiọ lẹ dali.
19Mẹhe yì e de bo sọ lẹ́gọ̀ de ma tin,
Mọ alọ yetọn ma nọ jẹ omọ́ ogbẹ̀ tọn go.
20Na hiẹ nido to zọnlinzin to aliho gbétọ dagbe tọn ji,
Na hiẹ nido yí omó dódónọ? tọn whlá.
21Na nugbonọ wẹ na nò aigba lọ ji,
Yé he pó lẹ wẹ na nò e mẹ.
22Ṣigba mẹylankan lẹ wẹ yè na sán sọn aihọn mẹ,
Sénmẹjẹtọ lẹpo wẹ yè na dónsùn sọn e mẹ.
Currently Selected:
HÓWHÍNWHÉN LẸ 2: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
