Osọha lẹ 6
6
1OKLUNỌ lọ sọ dọhó hlan Moṣe, dọmọ, 2dọhó hlan ovi Islaeli tọn lẹ lọ, bo dọ hlan yé do, Whenuena sunnu kavi yọnnu na basi opadido talala de, opadido Nazilinu de tọn, nado dè ede do utiwe hlan OKLUNỌ lo: 3e na klan ede sọn ovẹ̃n mẹ po nunùnù sinsinyen po: ewọ ma na nù agó ovẹ̃n tọn de gba, kavi ago núnùnù sinsinyen tọn, mọ ewọ ma na nù ahàn vẹnsinsén tọn depope gba, kavi dù vẹnsinsén pòpọ kavi huhù gba. 4To azán didèdowiwe etọn tọn lepo mẹ wẹ é ma na dù nude he yè basi sọn ovẹ̃nsinsẹ́n lẹ me, sọn okun lẹ lọ mẹ yedọjẹ apá lọ me. 5To azán opadido oklandovo etọn tọn lẹpo mẹ odalunhi de ma na-wá ota etọn ji gba: kaka azán lẹ lọ yín pipe, ehe me ewọ klan ede dovo hlan OKLUNỌ lọ te, ewọ na yín wiwe, e na gbo odi odà ota etọn tọn lọ lẹ ni wu ditẹ. 6To azán he ewọ de ede dovo hlan OKLUNỌ lọ lẹpo mẹ ewọ ma na wásèpọ osiọ: de gba. 7Ewọ ma na hẹn ede zùn mawé na otọ́ etọn gba, kavi na onọ etọn, na nọvisunnu etọn, kavi na nọviyọnnu etọn, whenuena yé kú gba: na didèdovo etọn hlan Jiwheyẹwhe tin to ota etọn ji wutu. 8To azán didèdovó etọn tọn lẹpo mẹ wiwe wẹ ewọ hlan OKLUNỌ lọ. 9Podọ eyín ome de kú ajiji to e dali, bọ é flu ota didèdovo etọn tọn lọ; whenẹnu ewọ na lùn odà etọn to azán lilẹ̀we etọn tọn lọ me, to azán sinawetọ lọ gbè wẹ ewọ na lùn in 10Podọ to azán sinatòntọ lọ gbè ewọ na hen owhle awe wá, kavi awhànnẹvu awe, jẹ yẹwhenọ lọ de, jẹ ohòn ogohọ̀ opli tọn lọ tọn kọ̀n: 11yẹwheno lọ bo na yí dopo na na avọ́nunina ylando de tọn, podo awetọ na avọ́nunina mimẹ̀ de, bo basi ovẹ̀se na ẹn, na dọ ewọ wàylando gbon osiọ lọ tọn dali, bo nasọ hiọ ota etọn to azán doponẹ gbè. 12Ewọ na klandovo azán oklandovo etọn lọ tọn lẹ hlan OKLUNỌ lọ, bo hen lẹngbọvú asú dopo owhè tintan lọ tọn wá na avọ́nunina whègbledo tọn de: ṣigba azán nukọntọn lẹ na yín ovẹ́, na kinklandovo etọn yín fuflu wutu.
13Podọ ehe wẹ osẹ́n Nazilinu lọ tọn lẹ́, whenuena azán kinklandovo etọn tọn lẹ yín pipé: ewọ na yín hinhẹnwá jẹ ohọ̀n ogohọ̀ opli tọn lọ tọn kọ̀n: 14ewọ bo na yí avọ́nunina etọn na hlan OKLUNỌ lọ, lẹngbọvú asu owhè tintan lọ tọn matinazòn na avọ́nunina mimẹ̀ de, po lẹngbọvú asi owhè tintan ton: dopo po matinazọn na avọ́nunina ylando de ton, po agbò dopo po matinazòn na avọ́nunina jijọho tọn lẹ, 15po òha akla madoton tọn de po, aklahihi linfin dagbedagbe tọn he yè yí amì do hò, po aklawadawada madotón tọn lẹ po he ye yi amì do samisisána lẹ, po avọ́nunina jinulili yetọn po, po avọ́nunina nùnù yetọn le po. 16Yewhenọ lọ bo na hen yé wá OKLUNỌ lọ nukon, bo na yi avọ́nunina ylando tọn etọn na, po avọ́nunina mimẹ̀ etọn po: 17é bo na yi agbo lọ na na avọ́sánnu avọ́nunina jijoho tọn le de hlan OKLUNỌ lọ, dogó oha akla madotón tọn lọ: yẹwhenọ lọ na yí avọ́nunina jinulili etọn lọ na ga, po ovọ́nunina nùnù etọn lọ po. 18Podo Nazilinu lọ ná lún odà kinklandovo etọn tọn lọ to ohọn ogohọ̀ opli tọn lọ ton kọ̀n, bo na yí oda ota kinklandovo etọn tọn lọ tọn bo yí i do omiyọn he tin to avọ́sánnu avọ́nunina jijoho ton lọ lẹ glọ. 19Yẹwhenọ lọ bo na yí abọ́ agbo tọn lọ he yè sọakúsìn lo, po, aklahihi madotọnno dopo po sọn oha lọ me, po aklawádaváda dopo po, bo na ví yé do alọ Nazilinu lọ ton lẹ lọ ji, godo he é ko lùndana ota kinklandovo etọn tọn lọ: 20yewhenọ lọ bo na ze yé hia na avọ́nunina zizéhia de to OKLUNỌ lọ nukọn; ehe wẹ wiwe na yewhenọ lọ, dopọ po akọn zéhia lọ po po abọ́ po: podọ to enẹgodo Nazilinu lọ sọgan nù ovẹ̃n. 21Ehe wẹ osẹ́n Nazilinu lọ tọn lọ mẹhe dopa, po avọ́nunina etọn ton po hlan OKLUNỌ lọ na kinklandovo eton, gọna enẹ he ewọ tin sọgan nado tindo; kẹdẹdi opagbè etọn he ewọ ko do dopa, mọwẹ ewọ do na wà do kẹdẹdi osẹ́n kinldandovo etọn tọn lọ.
22OKLUNỌ lọ sọ dọhó hlan Moṣe, dọmọ, 23Dọho hlan Aalon podọ hlan visunnu etọn lẹ, dọmọ, Alopa he ji wẹ mì ná no dona ovi Islaeli tọn lẹ lọ; mì na nọ dọ hlan ye dọ,
24OKLUNỌ lọ ni dona we, bo payi ogo we.
25OKLUNỌ lọ ni hẹn nukunmẹ etọn nado to sisẹ́ to oji we, bo yín homẹhùnnọ hlan we:
26OKLUNỌ lọ ni zé nukunme etọn lọ daga to oji we, bo sọ na jijoho we.
27Mọwe yé na yí oyín ṣie do ovi Islaeli tọn lẹ lọ ji do; Yẹn bo nasọ dona yé.
Currently Selected:
Osọha lẹ 6: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
