Osọha lẹ 12

1MILIÀMI po Aalọn po sọ dọhó do Moṣe go na yọnnu Kuṣinu lọ tọn wutu mẹhe ewọ ko wlealọhẹ na ewọ ko wlealọhẹ yọnnu Kuṣinu de. 2Yé sọ dọmọ, OKLUNỌ lọ nugbonugbo ko dọhó gbọn Moṣe ṣókẹdẹ dali wẹ? OKLUNỌ lọ sè e. 3Dinvie dawe lọ Moṣe yín homẹmimiọnnọ talala hu omẹ he tin to nukunmẹ aigba lọ tọn ji lẹpo. 4OKLUNỌ lọ sọ dọhó ajiji hlan Moṣe, podọ hlan Aalọn, podọ hlan Miliami dọmọ, Mì omẹ atọ̀n lẹ ni jẹgbonu wá jẹ ogohò opli tọn lọ kọ̀n. 5OKLUNỌ lọ sọ wá odò to odòtin aslọ tọn de mẹ, bo site to ohọ̀n ogohọ̀ lọ tọn ji, bo ylọ Aalon po Miliami po: yé omẹ awe lẹ sọ jẹgbonu wá. 6E bo sọ dọmọ, Mi sè oho ṣie lẹ dinvie: eyín yẹwhegán de tin to mì ṣẹnṣẹn finẹ, Yẹn OKLUNỌ lọ na hẹn dè zùn yinyọnẹn hlan ẹn to numimọ de mẹ, yẹn na dọhó hẹ ẹ to odlọ de mẹ. 7Devi ṣie Moṣe ma yín mọ gba; nugbonọ we ewọ to ohọ̀ ṣie lẹpo mẹ: 8Ewọ wẹ yẹn na dọhó hẹ onù hlan onù, yèdọ to gbangba, bo ma yín to hógbe zinvlunọ lẹ mẹ gba, podọ ojlẹmọ OKLUNỌ lọ tọn lọ wẹ ewọ nasọ mọpọn: whenẹnu etẹwutu avọ̀ ma vo mì nado dọhó do devi ṣie go, do Mọṣẹ go? 9Yè bo sọ hẹn adi OKLUNỌ lọ tọn lo jimiyọn do yé ji; é bo sọ fónyì. 10Aslọ lọ sọ klón sọn Ogohó lọ ta; bo, dayi e go, Miliam yín opòtọ, wéwé di sìnmlinmlin: Aalọn bo sọ pọn Miliami, bo, dayi e go, opòtọ wẹ ewọ. 11Aalọn bo sọ dọ hlan Moṣe dọmọ, Ṣó OKLUNỌ ṣie, yẹn vẹ̀ we, a zé ylando he do mí ji blo, na ehe míwlẹ ko yí núlulu do wà, podọ ná ehe míwlẹ ko do wàylando. 12Yẹn vẹ́ we, a dike ewọ tin di omẹ kúkú de blo, olàn mẹhe tọn yè ko dù odá súdo whenuena é jẹgbonu sọn adọ̀ onọ etọn tọn mẹ wá 13Moṣe so dawhá hlan OKLUNỌ lọ dọmọ, Jiwheyẹwhe È, yẹn vẹ̀ we, henazọngbọna ẹn. 14OKLUNỌ lọ bo sọ dọ hlan Moṣe dọmọ, Eyín otọ́ etọn wẹ ko Tuntán do nukunmẹ etọn me ewọ ma do yín winyanmẹ azán ṣinawe? gbọ é ni yín súsú do gbonu osla lọ tọn azán ṣinawe, enẹgodo é na yín hinhẹn wá hòmẹ. 15Miliami bo yín súsú do gbonu osla lọ tọn azán ṣinawe: gbẹtọ lẹ lọ ma sọ yígbejizọnlin yetọn gba, kaka yè sọ do hẹn Miliami wá hómẹ. 16Podọ to enẹgodo gbẹtọ lẹ lọ yígbéjizọnlin yetọn sọn Hazeloti mẹ, bo pénslahọ̀ do zùngbo Palani tọn lọ mẹ.

Currently Selected:

Osọha lẹ 12: BWL23

Highlight

Copy