MATIU 3
3
1TO azán nẹlẹ gbè, Johanu wá, bo to yẹwhehó dọ to zùngbo Judé tọn mẹ, 2dọmọ, Mì lẹnvọjọ: na ahọludu olọn tọn sẹpọ́. 3Na ehe wẹ mẹhe yè dọhó etọn gbọn onú yẹwhegán Isaia tọn mẹ, dọmọ,
Ogbè mẹde tọn to awhádo to zùngbo mẹ,
Mì jla aliho Oklunọ tọn do,
Mì hẹn mọji etọn lẹ jlọ.
4Johanu lọsu tindo na avọ̀ etọn ofún kanklosọpóawenọ tọn, bo sọ tindo gbaja ayú tọn to ada etọn mẹ; núdùdù etọn sọ wẹ owèn po owín akú po.
5Whenẹnu wẹ mehe tin to Jẹlusalem po Judé po, podọ oto he lẹ́do Jọdani lẹpo tọ́n wá e de; 6yè sọ baptizi yé to otò Jọdani mẹ gbọn e de, yé to ogbè ylando yetọn lẹ tọn yí.
7Ṣigba whenuena é mọ susu Falẹsi lẹ tọn po Sadusi lẹ tọn ja baptẹm lọ kọ̀n, é dọ hlan yé, dọmọ, Ovi amapoe tọn, mẹnu wẹ kọ́nú na mì nado hòn sọn homẹgble he ja mẹ? 8Enẹwutu mì sẹ́n sinsẹ́n he jẹ na lẹnvọjọ : 9mì sọ lẹn to mì hòmẹ, dọ, Mí tindo Ablaham na otọ̀ mítọn blo: na yẹn ni dọ na mì, dọ, Jiwheyẹwhe sọgan de ovi sọn zannu helẹ mẹ na Ablaham. 10Asiọvi lọ mlọnai to adò atin lẹ tọn lọ kòn dinvie: enẹwutu atin depope he ma sẹ́n sinsẹn dagbe, yè san liai, bo sọ dlan do miyọn mẹ. 11Nugbo wẹ yẹn yi osìn do to bibaptizi mi na lẹnvọjọ: ṣigba mẹhe ja to godo ṣie tin huhlọn hú mi, afọpa mẹhe tọn yẹn ma jẹ na zé: ewọ wẹ na yí Gbigbọ Wiwe po miyọn po do baptizi mì: 12mẹhe afàfà etọn tin to alọ etọn mẹ, é nasọ za agbà zinhọ etọn tọn wẹ ṣéṣé bo nasọ bẹ́ likun etọn do zinhọ̀ mẹ; ṣigba ogetin wẹ e na yí miyọn maṣimaṣi do mẹ̀.
13Whenẹnu wẹ Jesu sọn Galili wá, yì Jọdani to Johanu de ye nido baplizi nẹ̀ gbọn e de. 14Ṣigba e jlo na ko glọnali nẹ̃, dọmọ, Yẹn wẹ tindo nuwhèdo yè nado baptizi sọn de we, bọ hiẹ sọ wá yẹn de? 15Jesu sọ gblọn bo dọ hlan ẹn, dọ, Jo e domọ dinvie: na mọwẹ é jẹ do na mí nido hẹn dódó lẹpo di. E sọ dike nẹ. 16Podọ Jesu, whenuena yè ko bapazi nẹ e tọn je age to afọdoponẹji sọn osin mẹ: bo pon, olọn hùn hlan ẹn, é mọ Gbigbọ Jiwheyẹwhe tọn jẹte di apoe bo jẹ do e ji: 17bo pọ́n, ogbè de sọn olọn le mẹ, didọmọ, Ehe wẹ Visunnu ṣie; Mẹvive ṣie, mẹhe mẹ hòmẹ ṣie vivi te talala.
Currently Selected:
MATIU 3: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.