MATIU 28

1DINVIE to opòdo gbọjezángbè tọn, le ai azán tintan awlen tọn sẹ hinhọ́n, Malia Magdaleni po Malia awetọ po wá nado pọ́n olidò lọ. 2Bo pọ́n, aigba whinwhàn daho de tin: na angẹli Oklunọ tọn de jẹte sọn olon mẹ, bo wá bo bli osé lọ sọn hòntonu, bo sinai do e ji. 3Awusọhia etọn tin di abì, podọ avọ̀ etọn wéwó di osìn-ago: 4Podọ na òsi etọn tọn, hihọtọ lẹ whàn, bo sọ taidi osiọ. 5Angeli lọ sọ gblọn, bo dọ hlan yọnnu lẹ, domọ, Mì dibu blo: na yẹn yọnen dọ mì to Jesu din, he yè whè do satin go. 6Ewọ ma tin to ofi gba; na é fọ́n, yedọ dile é dọ do, mì wá pọ́n fie Oklunọ mlọnai te. 7Mì bo yawu yì dọ na nuplọnto etọn lẹ, dọ, E fọ́n sọn osiọ lẹ me, bo pọ́n, é jenukon na mì jei Galili finẹ wẹ mì na mọ en te mì pọ́n, yẹn ko dọ na mì 8Yé sọ yí obu po homehùnhùn daho po do yawu tón sọn oyówhé kòn; bo sọ họnwezun nado hẹn ohó wá nuplọntọ etọn le de. 9Bo, do ayi e go, Jesu pé yé, bo dọmọ, Oyínjla. Yé sọ wá, bo hẹn afọ etọn go, bo litai nẹ̃. 10Whenẹnu wẹ Jesu dọ hlan yé, dọmọ, Mì dibu blo: mì yì dọ na mẹmẹsunnu ṣie lẹ, na yé ni fọ́n yì biọ Galili, podọ finẹ wẹ yé na mo mi te.

11Dinvie Whenuena yé jei, do ayi e go, mẹdelẹ to hihọtọ lẹ mẹ wá otò daho mẹ, bo yí onú he jọ helẹ pó dọ hlan ogán yẹwhenọ lẹ tọn. 12Whenuena yé plidopọ po mẹho lọ po, bo sọ lẹnayiha, yé na akuẹ susu hlan awhanvipẹ lẹ, 13Dọmọ, Mì dọ, Nuplọntọ etọn lẹ wá to ozán mẹ, bo fìn in zé yì whenuena mí damlọn. 14Eyín ehe jẹ sisè de mẹ to otògán lọ nukọn, mìwlẹ na doalọtún in, bo whlẹn mì sọn tuklajẹ mẹ. 15Mọwẹ yé yí akuẹ lọ, bo sọ basi kẹdedile yè plón yé do: podọ ohó he sọ dipé Ju lẹ mẹ kaka jẹ egbé.

16Ṣigba nuplọntọ widopo lẹ tón yibiọ Galili, jẹ osó he Jesu dọ na yé kọ̀n. 17Whenuena yé mọ ẹn, yé litai nẹ̃: ṣigba mẹdelẹ tin to ayi awe mẹ. 18Jesu sọ wá yé de, bo dọ hlan yé, dọmọ, Aṣẹ lẹpo wẹ yè ko jo hlan mi to olọn mẹ podọ to aigba ji. 19Enewutu mì yi, bo hẹn akọta lẹpo zùn nuplọntọ, bo sọ nọ baptizi yé to oyín Otọ tọn, po Ovi tọn po, po Gbigbọ Wiwe tọn po mẹ 20Na mì sọ nọ plón ye na do nọ doayi onu lẹpo go, nudepopẹ he ẹn degbena mi; bọ pọn yẹn to mi to whẹpoponu, kaka jẹ opodo aihọn tọn. Niṣẹ.

Currently Selected:

MATIU 28: BWL23

Highlight

Copy