Levitiku 21
21
1OKLUNỌ lọ sọ dọ hlan Moṣe dọmọ, Dọhó hlan yewhenọ lẹ ọvisunnu Aalọn tọn lẹ lọ, bo dọ hlan yé dọmọ, Mẹde ma na hen ede flu finẹ na osiọ lọ to omẹ etọn lẹ ṣẹnṣẹn gba; 2adavo na hẹnnumẹ etọn, he tin sèpọ hlan e de, na onọ etọn, podọ na otọ́ etọn, podọ na visunnu etọn, podọ na viyọnnu etọn, podọ na nọvisunnu etọn; 3podọ na nọviyọnnu etọn awhlivu de, he tin sópẹ́ hlan e de, he ma ko tindo asú gba, ewọ wẹ é sọgan hẹn ede flu na. 4Ewọ ma na hẹn ede flu di asú de to omẹ etọn lẹ mẹ, nado flu ede gba. 5Yé ma na basi tapipa to ota yetọn ji gba, mọ yé ma na lùn lọnglọnẹn otá yetọn tọn sẹ́ gba, kavi basi gbigbo depope to olàn yetọn mẹ gba. 6Ye na yín wiwe hlan Jiwheyẹwhe yetọn, bo ma na flu oyín Jiwheyẹwhe yetọn tọn gba: na avọ́nunina OKLUNỌ lọ tọn le yè basi gbọn miyọn dali, akla Jiwheyẹwhe yetọn tọn, wẹ yé yíyí na: enẹwutu yé na yín wiwe. 7Yé ma na yí yọnnu de he yín ogàlọtọ de gba, kavi gbigbletọ de; mọ yé ma na yí yọnnu de he yè dè sọn asú etọn de gba: na wiwe wẹ ewọ hlan Jiwheyẹwhe etọn. 8Enẹwutu hiẹ na klan ẹn do wiwe; na ewọ to akla Jiwheyẹwhe towe tọn yína: ewọ na yín wiwe hlan we: na yẹn OKLUNỌ lọ, he klan mì do wiwe, wiwe wẹ. 9Podọ viyọnnu yẹwhenọ depope tọn, eyín é flu ede gbọn gàlilọ lọ dali, ewọ flu otọ́ etọn; yè na yí miyọn do mẹ́ ẹn. 10Podọ ewọ he yin yẹwhenọ daho lọ to mẹmẹsunnu etọn lẹ ṣẹnṣẹn, ota mẹhetọn yè kòn amì sisá lọ do, podọ he yè hẹnzùnwiwe nado yí awu lẹ lọ do ogo, ma na dike odà ota etọn tọn ni jẹ wòwó gba, kavi tlẹn avọ̀ etọn lẹ gba; 11mọ é ma na yì họ̀mẹ jẹ osiọ depope de, kavi hẹn ede flu na otọ́ etọn gba, kavi na onọ etọn gba; 12mọ é ma na jẹgbonu sọn fìwiwe lọ mẹ gba, kavi flu fìwiwe Jiwheyẹwhe etọn tọn lọ gba; na hinhẹnzùnwiwe Jiwheyẹwhe etọn tọn tin to é ji: yẹn wẹ OKLUNỌ lọ. 13Asi to awhlivu etọn mẹ de wẹ é na yí. 14Asúṣiọsi de, kavi asigbẹ́dai de, kavi yọnnu gbigbletọ de, ogàlọtọ de, ehe lẹ wẹ e ma na yí gba: adavo awhlivu de sọn omẹ etọn lọsu lẹ mẹ wẹ é na yí na asi. 15Podọ ewọ ma na flu okún etọn to omẹ etọn lẹ ṣẹnṣẹn gba: na yẹn wẹ OKLUNỌ lọ he klan mì do wiwe.
16OKLUNỌ lọ sọ dọhó hlan Moṣe, dọmọ, 17Dọhó hlan Aalọn, dọmọ, Mẹdepope ewọ yín sọn okún towe mẹ gbọn whẹndo yetọn lẹ mẹ he tindo azọn de, a dike é dònsẹ́po nado yí akla Jiwheyẹwhe etọn tọn na blo. 18Na mẹdepope ewọ yín he tindo azọ̀n de, é ma na dọ̀nsẹ́pọ gba: nukuntọ́nnọ de, kavi sẹ́kunọ de, kavi ewọ he tindo awọntin pétẹ de, kavi onú depope he lánkan, 19kavi sunnusi he yín afọsánpònọ de, kavi alọsánpònọ, 20kavi opótónọ, kavi gbẹtọ kẹ́tẹ de, Kavi he tindo azọ̀n de to nukun etọn mẹ, kavi yín aklìnọ, kavi oflónọ, kavi he okún etọn lẹ gbà; 21sunnusi de sọn okún Aalọn yẹwhenọ lọ tọn lẹ mẹ, he tindo azọ́n de, ma na sèpọ wá nado na avọ́nunina OKLUNỌ lọ tọn lẹ lọ he yè basi gbọn miyọn dali gba: ewọ tindo azọ̀n de; é ma na wá sẹ́pọ nado yí akla Jiwheyẹwhe etọn tọn lọ na gba. 22Ewọ na dù akla Jiwheyẹwhe etọn tọn lọ, wiwe gbahúgbahú lọ tọn, po wiwe lọ tọn po. 23Kiki é ma na biọ avọ̀ajlalanọ lọ mẹ yì gba, kavi sèpọ wá agbà lọ kòn gba, na ewọ tindo azọ̀n de wutu: dọ ewọ flu fìwiwe ṣie lẹ blo: na yẹn wẹ OKLUNỌ lọ he klan mì do wiwe. 24Mọwẹ Moṣe dọhó hlan Aalọn do, podọ hlan visunnu etọn lẹ, podọ hlan ovi Islaeli tọn lẹpo lọ.
Currently Selected:
Levitiku 21: BWL23
Highlight
Copy
Compare
Share
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
