JONA 2
2
1WHENẸNU wẹ Jona hodẹ̀ hlan OKLUNỌ Jiwheyẹwhe etọn sọn adọ̀go owhèvi lọ tọn mẹ. 2E sọ dọmọ,
Yẹn ylọ sọn nukunbibia ṣie mẹ hlan OKLUNỌ,
Podọ ewọ sọ siọ mi;
Sọn ogòto kútòmẹ tọn mẹ!
Hiẹ bo sọ sè ogbè ṣie.
3Na hiẹ dlan mi biọ odògbo mẹ, to ṣẹnṣẹn ohù lọ tọn mẹ,
Sìngigọ́ bo sọ tin lẹ́do mi pé;
Agbowhẹn towe lẹpo po bibli towe lẹ po gbọn oji e.
4Yẹn bo sọ dọmọ,
Yè zé mi dlan sọn nukun towe lẹ nukọn;
Gãnṣo yẹn na sọ nọ pọ́n hlan tẹmpli wiwe towe dali.
5Osìn lẹ lẹ́hla mi pé, yèdọ jẹ alindọn ṣie go;
Odògbo lẹ tin lédo mi pé;
Yé hẹn woko lẹ hizi do ota na mi.
6Yẹn jẹte yì jẹ asabọ́ osó lẹ tọn;
Aigba lọ po opátin etọn lẹ po bọnùdo mi kakadoi:
Gãnṣo wẹ hiẹ OKLUNỌ Jiwheyẹwhe ṣie, sọ hẹn ogbẹ̀ ṣie hẹji sọn ogble mẹ wá.
7Whenuena alindọn ṣie kúsiọ to ohò ṣie mẹ, yẹn flin OKLUNỌ:
Odẹ́ ṣie bo sọ wá họ̀mẹ jẹ e de, biọ tẹmpli wiwe towe mẹ.
8Yé he nọ hò lalo ovọ́ lẹ pọ́n lẹ.
Gbẹ́ lẹblanu yé lọsu tọn dai.
9Ṣigba yẹn na yi ogbè pẹ́dido tọn do sánvọ hlan we;
Yẹn na dèpa he yẹn ko do nẹ.
OKLUNỌ tọn wẹ whlẹngan.
10OKLUNỌ sọ dọhó hlan owhèvi lọ, é bo sọ kọ́ Jona jẹgbonu do aigba klo ji.
Currently Selected:
JONA 2: BWL23
Highlight
Copy
Compare
Share
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
