JOB 39
39
1HIẸ yón ojlẹ lọ whenuena otẹgbọẹ osé ji tọn lẹ nọ jihò
Kavi hiẹ sọgan pónhiana whenuena agbànlinsi lẹ jivi?
2Bé hiẹ hiasọhana osùn he yé nọnọ̀ hò?
Kavi hiẹ yọ́n ojlẹ lọ whenuena ye nọ jihò?
3Yé dó yéde, yé ji ovú yetọn lẹ,
Yé dè awubla yetọn lẹ jẹgbonu.
4Ovìvú yetọn lẹ tin tojijlo dagbe mẹ,
Yé to whinwhẹ́n to odanfáfá ji;
Yé tón yì, bo ma sọ lẹ́gò do yé de ba.
5Mẹnu wẹ ko do kẹtẹkẹtẹ ogbémẹ tọn hlan yaya?
Kavi mẹnu wẹ ko tún ogàn kẹtẹkẹtẹ ogbémẹ tọn lọ?
6Ohọ́ mẹhetọn yẹn ko yí zùngbo do basi,
Podọ ojó yigba otẹn fininò etọn.
7Ewọ nọ ṣàn zingidi tòdaho mẹ tọn kò,
Mọ ewọ ma sọ sè abóbo azọ́ngán lọ tọn.
8Okọho osé lẹ tọn wẹ yìndùgbo etọn,
Ewọ sọ nọ din onú omú lẹpo mọ.
9Bé ogbéyìn lọ na yin pékọnọ nado nọ sẹ̀n we wẹ?
Kavi ewọ na nọ gbọṣi núdùtẹn towe dali?
10Bé hiẹ sọgan yi ogàn etọn do sín
ogbéyìn to whẹ́ndọvlọ mẹ?
Kavi ewọ na to glejlonú yí do to agbàdo jlo hodo e?
11Bé hiẹ na nọ dotudo e go, na huhlọn etọn yin kiklo wutu?
Kavi hiẹ na tuklajẹ towe hlan ẹn?
12Bé hiẹ na yise to ewọ mẹ, na ewọ
na do hẹn okún towe wá whégbè, Bo sọ bẹ́ ogbadó ovẹ́ngbà towe tọn?
13Awà ogọngo tọn to ayajẹ;
Ṣigba oyá etọn lẹ po ofùn lẹ po tin taidi adọwé tọn la?
14Na ewọ jó azìn etọn lẹ do aigba ji,
Bo hẹn yé gblò to kógudu me.
15Bo sọ nọ wọn dọ afọ sọgan tlu yé,
Kavi dọ gbékanlin sọgan tùnafọ yé ji.
16Ewọ nọ zán sinsinyẹn hẹ ovi etọn
lẹ, di eyín yé ma yín etọn:
Yín tuklajẹ etọn tlẹ yín ovọ́, ewọ tin matin obu;
17Na Jiwheyẹwhe ko hẹn ẹn nado wọn nuyọnẹn wutu,
Mọ ewọ ma ko sọ má wuntùntùn hlan ẹn gba.
18Ojlẹ mẹ ewọ zé ede fọ́n daga to wezùnhọ̀n mẹ,
E nọ ṣàn osé po hihọ́tọ etọn po kò.
19Hiẹ wẹ na osé hlọnhlọn etọn?
Hiẹ wẹ ko yí okọ̀ja do ṣinyọnavóna okọ̀ whinwhàn etọn?
20Hiẹ wẹ hẹn ẹn nado nọ lẹ́n di owẹ̀n de?
Gigo awọnmẹfinfin etọn tọn yín budaho.
21Yé nọ yí afọ do kànnú to agbàdo
mẹ, bo sọ nọ jaya huhlọn yetọn mẹ:
E nọ jẹgbonu yì nado pé adánwànú lẹ.
22E nọ sàn obu kò, bo ma sọ nọ yín
Mọ ewọ ma sọ nọ godo godo sọn ohi de.
23Ogágò nọ to núdọ pẹkópẹkó to e go,
Owhán sisẹ́nọ po dlùdlu lọ po.
24E nọ yí nukunmẹyìnylọn po homẹgble po do zé aigba mì;
Mọ ewọ ma sọ nọ site abọẹ to ogbè opẹ̀n tọn ji.
25Whedepopenu opẹ̀n dọnú, ewọ nọ dọmọ, Háhá!
E sọ nọ whlẹ́n awhàn pọ́n to aganu boboe
Wányinyẹn awhàngán lẹ tọn po abóbodido po.
26Gbọn nuyọnẹn towe dali wẹ gàngàn do nọ zlọn yìaga,
Bo sọ dlẹn awà etọn lẹ hlan huwaji dali?
27Akùn nọ gbọn gbèdide towe ji do zlọn yìaga,
Bo basi adó etọn do oji aga?
28Osó ji wẹ ewọ nọ nò, bo sọ tindo onọtẹn etọn to finẹ,
To obẹ́nu osé tọn ji, po ofi gángán po.
29Finẹ ewọ nọ fìn nuyanwẹ̀nna pọ́n sọn;
Nukun etọn lẹ nọ to pinpọ́n ẹn to aganu boboe.
30Ovú etọn lẹ ga nọ gbón ohùn:
Podọ fie alántọṣiọ lẹ te, finẹ wẹ ewọ nọ te.
Currently Selected:
JOB 39: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.