JOB 26
26
1WHENẸNU wẹ Job sọ gblọn bo dọmọ,
2Nawẹ hiẹ ko gọalọna ewọ lọ he tin matin huhlọn!
Nawẹ hiẹ ko whlẹn awà lọ do he ma tindo huhlọn de?
3Nawẹ hiẹ ko nahó ewọ do he ma tindo nuyọnẹn de,
Bo yí susu do dọ oyọnẹn whinwhẹ́n!
4Hlan mẹnu wẹ hiẹ túntún ohó lẹ?
Podọ gbigbọ mẹnutọn wẹ tọ́n sọn de we wá?
5Yẹtẹn lẹ sisọ
To osìn lẹ po tòmẹnu etọn lẹ po glọ.
6Omẹ́ wẹ oyọdò te to e nukọn,
Dindọn ma sọ tindo oṣinyọn de.
7Ewọ dlẹn agewaji do ofi vọtọ̀ ji,
Bo sọ zé aigba pla do agbégbé ji.
8E bla osìn lẹ pli do aslọ titli lẹ mẹ;
Aslọ lọ ma sọ tlẹn to yé glọ gba.
9Ewọ bu nukunmẹ ofìn etọn tọn,
Bo tó aslọ etọn do e ji.
10Ewọ ko jlẹ dogboji de to nukunmẹ osìn lẹ tọn ji,
Jẹ tenọtẹn hinhọ́n po zinvlu po tọn.
11Odòtin olọn tọn lẹ sisọ,
Bo sọ yín awújinọ na mẹwọhẹ etọn.
12E hẹn ohù whiwhẹ po huhlọn etọn po,
Podọ gbọn wuntùntùn etọn dali é hò Lahabi luntọ́n.
13Gbọn gbigbọ etọn dali wẹ yè daṣọna olọn lẹ;
Alọ etọn ko sọnú odàn mlanmlan lọ.
14Pọ́n, ehelẹ wẹ awọntinslo aliho etọn lẹ tọn lẹ:
Podọ le mimá whè sọ wẹ yè sè sọn e de!
Ṣigba wanyinyẹn owalọ hlọnhlọnnọ etọn tọn mẹnu wẹ sọgan tùnwun?
Currently Selected:
JOB 26: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.