JOB 15
15
1WHENẸNU wẹ Eliíazi Temanu lọ sọ gblọn, bo domọ,
2Bé omẹ nuyọnẹntọ de do yí oyọnẹn jẹhọn tọn do gblọnhó,
Bo sọ yí ojẹhọn whèzẹtẹn tọn do gọ́ ohòto etọn?
3Bọ́ ewọ do yí finfan madoalenọ do dówe,
Kavi po hógbè he é ma do sọgan wà dagbe de po?
4Mowẹ, hiẹ dè osi sọ,
Bo sọ hẹn ayihamẹlẹnpọ́n kẹ̀n to Jiwheyẹwhe nukọn.
5Na onù towe to oylanwà towe plọnmẹ,
Hiẹ sọ dè odẹ́ anatọ tọn.
6Onù towe titi wẹ gblewhẹ̀do we, yẹn ma gba;
Mowẹ, nùflo towe titi dekunnu do oji we.
7Hiẹ wẹ omẹ tintan he yè ji la?
Kavi yè hẹn we tọ́n jẹnukọnna okọta lẹ?
8Hiẹ ko sè nuglọ hónamẹ Jiwheyẹwhe tọn?
Hiẹ to agọ̀jona nuyọnẹn hlan dewe wẹ?
9Etẹ́ hiẹ yọnẹn bọ mìwlẹ ma yọnẹn?
Etẹ́ hiẹ tùnwun he ma tin to míwlẹ mẹ?
10Otawhànọ po omẹ whinwhẹ́n talala po tin to míwlẹ de,
He whẹ́n hú otọ́ towe.
11Tudohomẹnamẹ Jiwheyẹwhe tọn lẹ yín whiwhè na we wẹ,
Kavi onú bibẹ̀ tin to de we?
12Etẹwutu wẹ ayiha hẹn we yì?
Podọ etẹwutu wẹ nukun towe lọ to whiwheṣuaṣua?
13Bọ hiẹ do lẹ́ gbigbọ towe do Jiwheyẹwhe ji,
Bo do dike ohó mọnkọ lọ tón yì sọn onù towe mẹ.
14Etẹ́ gbẹtọ yín, na ewọ ni do yín wiwe?
Podọ ewọ he yè ji sọn yọnnu de mẹ, na ewọ ni do yín dódónọ?
15Dayi e go, ewọ ma do tudido de do to omẹ wiwe etọn lẹ mẹ gba;
Mowẹ, olọn lẹ ma yín wiwe to nukun etọn mẹ gba.
16Whè sọ na enẹ he yín wángbẹ́na po gbigble po,
Gbẹtọ he to oylanwà nù taidi osìn
17Yẹn na dohia we, hiẹ ni sè mi; Podọ ehe yẹn ko mọ wẹ yẹn na lá:
18(Ehe omẹ nuyọnẹntọ lẹ ko dọ Sọn
otọ́ yetọn lẹ de, bo ma ko yí i whla;
19Hlan mẹhe kẹdẹ yè na aigba lọ,
Bọ ojonọ de ma ju gbọn yé ṣẹnṣẹn;)
20Omẹ ylankan yi awuflẹsa do dafei to azán etọn lẹpo mẹ,
Podọ owhè he yè yísọhana wẹ yè bẹ́ pli na nukunbianamẹtọ lọ.
21Núdidọ ahlinhọn lẹ tọn de tin to otó etọn lẹ mẹ;
To gbdùdù mẹ wẹ hẹngbletọ na wá e ji:
22Ewọ ma yise dọ ewọ na lẹ́gó sọn zinvlu mẹ gba,
Yè sọ nọtepọ́n ẹn sọn ohi lọ de:
23E to dindánpé gbonu na akla, dọmọ, Fie é te?
Ewọ sọ yọnẹn dọ azán zinvlu tọn lọ tin alọji to alọ etọn mẹ:
24Oyà po awuvẹ́ po hẹn ẹn savọ̀;
Yé ṣatẹ etọn di ahọlu de to alọji hlan awhànfuntẹn:
25Na ewọ ko dlẹn alọ etọn jẹgbonu do Jiwheyẹwhe go wutu,
Bo sọ dinaklọn do Ganhunupo go:
26E yí okò línlín de do họ́nwezun gbọn e ji,
To agó titli gáglo etọn lẹ tọn ji:
27Na ewọ ko yí ojó etọn do ṣinyọn nukunmẹ etọn wutu,
Bo sọ basi òwhẹ ojó tọn lẹ do okója etọn lẹ go;
28Ewọ ko sọ nọnó otòdaho sinsán sẹ́ lẹ mẹ,
To ohọ́ he mẹ omẹ de ma na nọ́, He tin alọji nado lẹzùn okiti lẹ.
29Ewọ ma na yín adọkunnọ, mọ agbàn etọn ma na nọteai,
Mọ ajónú yetọn ma na dó hlan aigba.
30Ewọ ma na tọ́nyì sọn zinvlu mẹ;
Lìnlìn lọ na hẹn alà etọn lẹ hú,
Podọ gbọn gbọfufu onù etọn tọn dali wẹ é na do yì
31A dike ewọ dotu to ovọ́ mẹ blo, do to ede klọ:
Na ovọ́ wẹ na yín ahọsunú etọn.
32Yè na súahọ etọn to gigọ́ mẹ,
Alà etọn ma na yín omú gba.
33E na húnhún ovẹ̃nsinsẹ́n mabiamabia só di ovẹ̃n lọ,
Bo na sọ kọ̀n ovòvó etọn yìngbé di olivieli lọ.
34Na ogbẹ́ matin budisi Jiwheyẹwhe tọn na yín wẹ́nsinọ,
Omiyọn na sọ fiọ gohọ́ opadùtọ lẹ tọn lẹ.
35Yé mọ danú hò, bo sọ ji oylanwà jẹgbonu,
Hòto yetọn sọ wleawuna oklọ.
Currently Selected:
JOB 15: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.