JOHANU 20
20
1TO azọ́n Tin Tan ọsè tọn to afọnnufliflimẹ, whenuena zinvlu pò to ai, wẹ Malia Magdaleni wá oyòwhé lọ kòn, bo sọ mọ dọ yè ko zé ozannu sè sọn oyòwhó lọ ji. 2Enẹwutu ewọ dowezun, bo wá Simọni Pita de, po nuplọntọ devo lọ po de, mẹhe Jesu yiwanyina, bo dọ hlan yé dọ, Yé ko zé Oklunọ sè sọnoyòwhé lọ mẹ, mí ma sọ yón ofie yé ko té ẹ do gba. 3Enẹwutu Pita tọn jẹgbonu yì po nuplọntọ devo lọ po to yìyì jlọdo oyòwhé lọ ji. 4Mọwẹ yé omẹ awe lẹ họnwezun dopọ: nuplọntọ devo lọ họnwezun jẹnukọnna Pita, bo wá oyòwhó lọ kòn. 5E fè, bo pọ́n e mẹ, bo mọ alà lọ to ai; ṣigba ewo ma biọ e mẹ 6Whenẹnu Simọni Pita, he hodo e, wá, bo biọ oyòwhé lọ mẹ, bo mọ alà to ai. 7Podọ dukù, he tin to ota etọn dali, ma to opó po alà lọ po gba, ṣigba yè há ẹ dopọ do apadopo na ede. 8Enẹwutu whenẹnu nuplọntọ devo lọ, mẹhe whéwhé wá oyòwhé lọ kòn, biọ e mẹ ga, é mọ, bo sọ yise. 9Na kakajẹ dinvie yé ma ko yón Owé wiwe lọ, dọ ewọ ma sogan nọ ma fọ́n sọn okú. 10Mowẹ nuplọntọ lẹ lọ yì owhé yetọn titi gbè.
11Ṣigba Malia site to oyòwhé lọ kòn to gbonu, bo to avivi: mọwẹ le é to ávivij é fẹ, bo pọ́n oyòwhé lọ mẹ, 12bo mọ angẹli awe avọ̀ wówónọ sinai, ode to ota dali, awetọ to afọ dali, to ofi he osiọ Jesu tọn mlọnai te. 13Yé sọ dọ hlan en, dọ, Nawe, etẹwutu hiẹ to avivi? Ewọ sọ dọ hlan yé, dọ, Na ye ko zé Oklunọ ṣie sè, yẹn ma sọ yón ofi he yé tó ẹ do wutu. 14Whenuena é ko dọ le, é lé ede pọ́n godo, bo mọ Jesu to ote, é ma yọnẹn dọ Jesu wẹ gba. 15Jesu sọ dọ hlan ẹn, dọ, Nawe, etẹwutu hiẹ to avivi? Menu wẹ hiẹ to dindin? E lẹn dọ opahọtọ lọ wẹ, é sọ dọ hlan ẹn, dọ, Mẹdaho, eyín hiẹ ko zé e sọn ofi, dọ ofi he hiẹ té ẹ do na mi, yen nasọ zé e sè. 16Jesu dọ hlan ẹn, dọ, Malia. Ewọ sọ lé ede, bo dọ hlan ẹn, dọ, Labboni; ehe yín, Meplọntọ. 17Jesu sọ dọ hlan ẹn, dọ, A do alọ ogo e blo; na yẹn ma ko hẹji yì Oto ṣie de gba: ṣigba yì mẹmẹsunnu ṣie lẹ de, bo dọ hlan yé, dọ, Yẹn hẹji jei Oto ṣie po Otò mìtọn po de; podọ Jiwheyẹwhe ṣie po Jiwheyẹwhe mìtọn po de. 18Malia Magdaleni wá, bo dọ hlan nuplọntọ lẹ dọ, Yẹn ko mọ Oklunọ, podọ le ewọ ko dọ onú helẹ hlan ẹn do.
19Enẹwutu whenuena é yín whèjai azán doponẹ tọn, azán tintan osè tọn, whenuena yè ko sú ohòn lẹ, to ofì he nuplọntọ lẹ pli do, ná osi Ju lẹ tọn wutu, Jesu wá, bo ṣite to yé ṣẹnṣẹn, bo dọ hlan yé, dọ, Jijọho ni tin hlan mì. 20Whenuena é ko dọ ehe, é do alọ etọn po adaja etọn po hia hlan yé. Enẹwutunuplọntọ lẹ yín homẹhunnọ, whenuena yé mọ Oklunọ. 21Enẹwutu Jesu sọ vò dọ hlan ye, dọ, Jijọho ni tin hlan mì: le Otọ́ do mi hlán, yèdọ mọ wẹ yẹn do mì hlan do. 22Podọ whenuena é dọ ehe, é gbò do yé ji, bo dọ hlan yé, dọ, Mì yí Gbigbọ Wiwe: 23ylando mẹdepepe tọn lẹ mì joná yé yín jijona hlan yé; ylando mẹdepepe tọn lẹ mì hèndote, yé yín hinhèndote.
24Ṣigba Tọmasi, dopo to omẹ wiawe lẹ mẹ, he yè nọ ylọ Didimu má tin to yé de whenuena Jesu wá gba. 25Enẹwutu nuplọntọ he pò lẹ dọ hlan ẹn, dọ, Mìwlẹ ko mọ Oklunọ. Ṣigba ewọ dọ hlan yé, dọ, Adavo yẹn mọ apà ohúngan tọn to alọ etọn mẹ bo sọ yí alọviyẹyẹ ṣie do apà ohúngan lẹ lọ tọn mẹ, bo sọ yí alọ ṣie do adaja etọn mẹ, yẹn ma na yise.
26To azán sinatòn godo, nuplọntọ etọn lẹ sọ vó tin to họmẹ, Tọmasi tin to yé de: Jesu wá, le ohòn lẹ to súsu, bo site to ṣẹnṣẹn, bo domọ, Jijọho ni tin hlan mì. 27Whenẹnu wẹ é dọ hlan Tọmasi, dọ, Yí alọviyẹye towe wá ofi, bo pọ́n alọ ṣie bo sọ yí alọ towe wá ofi, bo yí i do adaja ṣie me: hiẹ yín mayisenọ blo, ṣigba yisenọ 28Tọmasi sọ gblọn bo dọ hlan en, do, Oklunọ ṣie, Jiwheyẹwhe ṣie. 29Jesu sọ dọ hlan ẹn, dọ, Tọmasi, na hiẹ mọ mi wutu wẹ hiẹ yise; donanọ wẹ yé he ma mọ bo yise lẹ.
30Enẹwutu ohia susu devo lẹ wẹ Jesu basi, to nuplọntọ lẹ nukọn, ehe yè ma wlan do owé he me: 31ṣigba ehelẹ wẹ yè wlan, na mì nido yise dọ, Jesu wẹ Klisti, Ovi Jiwheyẹwhe ton; dọ to yiyise mẹ mì nido tindo ogbè to oyín etọn mẹ.
Currently Selected:
JOHANU 20: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.