JẸLEMIA 20
20
1DINVIE Pasihuli visunnu Imẹli yẹwhenọ lọ tọn, mẹhe yín ogándaho to ohò OKLUNỌ, tọn mẹ, sè Jẹlemia to onú helẹ dọdai. 2Whenenu wẹ Pasihuli hò. Jẹlemia yewhegán lo, bo, yí i do osópò mẹ he tin to hòngbo Benjamini tọn ji aga, he tin to ohọ̀ OKLUNỌ tọn mẹ. 3E sọ wá jọ to aihọngbè, wẹ Pasihuli hẹn Jelemia tón jegbonu sọn osópò lọ mẹ. Whenẹnu wẹ Jẹlemia dọ hlan ẹn dọ, OKLUNỌ ma ko ylọ oyín towe Pasihuli gba, adavo Magoli-misabibi. 4Na le wẹ OKLUNỌ dọ, Dayi e go, yẹn na hẹn we zùn obudaho de hlan dewe, podọ hlan họntọn towe lepo: yé na sọ jai gbọn ohi kẹ̀ntọ yetọn lẹ; tọn dali, nukun towe lẹ na sọ mọ ẹn: yẹn na sọ jó Juda lẹpo do alọ ahọlu Babilọni tọn tọn mẹ, bo na sọ yí ohi do hù yé. 5Humọ yẹn na jó adọkun tòdaho he tọn lẹpo, po ale etọn lẹpo po, po onú họakuẹ etọn lẹpo po, mọwẹ, adọkunnu aholu Juda tọn lẹ tọn lẹpo wẹ yẹn na jó do alọ kẹ̀ntọ yetọn lẹ tọn mẹ, he na hẹn yé gble, bo wle yé, bo bé yé yì jẹ Babilọni. 6Podọ hiẹ, Pasihuli, po ehe nọnọ̀ ohọ̀ towe mẹ lẹpo po na yì meglọnọ mẹ: hiẹ na sọ wá Babilọni, finẹ wẹ hie na kú do, finẹ wẹ yè na sọ di we do, hiẹ, po họntọn towe lepo po, mẹhe hiẹ ko yi lalo do dọdọdai hlan lẹ.
7OKLUNỌ E, hiẹ ko do mi, yẹn sọ yín mẹdido: hiẹ yín mẹsinsinyẹn hú yẹn, bo ko sọ gbàwhàn: yè hẹn yẹn lẹzùn mẹkikò to azán lẹpo gbè, mẹpopo wẹ to yivlẹ mi. 8Na whedepopenu yẹn to hódọ, yẹn nọ to awhádo; yẹn dawhá dọ, Huhlọn po hẹngble po: na yè hẹn ohó OKLUNỌ tọn zùn ovlẹ de hlan mi wutu, po aṣagbonu de po, to azán popo gbè. 9Podọ eyín yẹn dọmọ, Yẹn ma na dọhó e tọn gba, kavi dọhó depope to oyín etọn mẹ ba, whenẹnu é tin to ayiha ṣie mẹ di miyọn jiji de yè ṣinyọnnudo do ohú ṣie lẹ mẹ, yè sọ yí linsinsinyẹn do hẹn mi zùn nusikọnọ, yẹn ma sọ sọgan hẹn ẹn. 10Na yẹn ko sè mẹdèpo mẹsusu ton, obudaho to awà lẹpo ji. Blẹ, mìwlẹ na sọ blẹ ẹ, wẹ họntọn vivé ṣie lẹpo dọ, yé he to sinsọn ṣie hó lẹ; eya ewọ na yín dido, míwlẹ na sọ glo e, mí na sọ yíahọsu mítọn to e go. 11Ṣigba OKLUNỌ tin to dẽ di hlọnhlọnnọ de mẹdobu de: enẹwutu homẹkẹndomẹtọ ṣie lẹ na mùsa, yé ma to na glonú gba: yé na yín mẹmọwinyan dahodaho, na yé ma ko yí nuyọnẹn do dùale wutu, yèdọ po ozùn madopodo de po he yè ma na wọn gbèdegbède, 12Ṣigba OKLUNỌ awhànpa lẹ tọn E, he nọ whló dódónọ lẹ pọ́n, he mọ otu po ayiha po, gbọ yẹn ni mọ ahọsu towe to yé go; na hiẹ wẹ yẹn ko do whẹ́hó ṣie hia hlan. 13Jihàn hlan OKLUNỌ, mì pà OKLUNỌ: na ewọ ko whlẹn alindọn agbatọnọ tọn sọn alọ ylanwàtọ lẹ ton mẹ.
14Dẹ́hodo ni tin na azán ehemẹ yè ji mi te: a dike azán hemẹ onọ ṣie ji mi te yín donanọ blo. 15Dẹhodo ni tin na dawe lọ mẹhe hẹn owẹn wá jẹ otọ́ ṣie de, dọmọ, Yè ji ovi sunnu de hlan we; do hẹn ẹn yín homẹhùnnọ talala. 16Sọ gbọ dawe nẹ ni tin di tòdaho lẹ he OKLUNỌ hùngona, bo ma diọlinlẹn gba: bo sọ gbọ é ni sè awhá de to afọnnu, po zinhihò po to azánda mẹ; 17na ewọ ma hù mi sọn adò mẹ wutu; sọmọ bọ onọ ṣie na ko yín oyọdo ṣie, podọ adò etọn kiklo whepoponu. 18Étewutu wẹ yẹn tẹ́n jẹgbonu wá sọn adò mẹ nado to tuklajẹ po awubla po mọ, na azán ṣie lẹ ni do yín vivàsúdo po winyan po?
Currently Selected:
JẸLEMIA 20: BWL23
Highlight
Copy
Compare
Share
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
