JẸLEMIA 13
13
1LE wẹ OKLUNỌ dọ hlan mi dọ, Yì, bo hò homẹbla alàvò tọn de na dewe, bo yí i do adaja towe go, a yí i do osìn mẹ blo. 2Mọ wẹ yẹn hò homẹbla de kẹdẹdi ohó OKLUNỌ tọn, bo yí i do adaja ṣie go. 3Ohó OKLUNỌ tọn sọ wá dẽ whlawetọ, dọmọ, 4Yí homẹbla lọ he hiẹ ko hò, he tin to adaja towe go, bo tite, yì Euíìatesi, bo whla ẹ finẹ to odò osé tọn de mẹ. 5Mọwẹ yẹn yì, bo whla ẹ to Euflatesi dali, dile OKLUNỌ degbèna mi do. 6E sọ wá jọ to azán susu godo, wẹ OKLUNỌ dọ hlan mi, dọ, Tite, yì Euflatesi kòn, bo yí homẹbla lọ sọn finẹ, he yẹn degbèna we nado yíwhla do finẹ. 7Whenẹnu wẹ yẹn yì Euflatesi kòn, bo kùn, bo yí homẹbla lọ sọn otẹn fie yẹn ko whla ẹ do mẹ: bo, dayi e go, yè hẹn homẹbla lọ diọun, é ma yín alènọ na núde. 8Whenẹnu wẹ ohó OKLUNỌ tọn wá dẽ, dọmọ, 9Le wẹ OKLUNỌ dọ, Le he hunkọ wẹ yẹn na diọunna sakla Juda tọn, po sakla daho Jelusalẹm tọn po. 10Omẹ ylankan he lẹ, he gbé nado sè ohó ṣie lẹ, he to zọnlinzin to otasinyẹn ayiha yetọn tọn mẹ, bọ yè hẹn hodo yẹwhe dẽvo lẹ yì nado to yé sẹ̀n, podọ nado to taliaina yé, na tin yèdo di homẹbla he, he ma yín alènọ na núde. 11Na le homẹbla lọ tédo adaja omẹ de tọn go do, mọwẹ yẹn ko hẹn owhé Islaeli tọn pete podọ owhé Juda tọn pete nado tédo ogo e, wẹ OKLUNỌ dọ; na yé nido tin hlan mi na gbẹtọ lẹ de, podọ na oyín de, podọ na pipa de, podọ na gigo de: ṣigba yé ma jlo na sè gba. 12Enẹwutu wẹ hiẹ na dọ ohó he hlan yé: Le wẹ OKLUNỌ dọ, Jiwheyẹwhe Islaeli tọn, odẹ̀zẹ́n lẹpo wẹ yè na yí ovẹ̃n do gó: yé na sọ dọ hlan we dọ, Bó mí ma yọnẹn dọ odèzén lẹpo wẹ yè na yí ovẹ̃n do gó? 13Whenẹnu wẹ hiẹ na dọ hlan yé dọ, Le wẹ OKLUNỌ dọ, Dayi e go, yẹn na yí onùmú do góhòna tòmẹnu aigba he tọn lẹ, yèdọ ahọlu he sinai na Davidi to ofìn etọn ji lẹ, po yẹwhenọ lẹ po, po yẹwhegán lẹ po, po tomẹnu Jelusalẹm tọn lẹpo po. 14Yẹn na sọ gbà yé ode do awetọ go, yèdọ otọ́ po visunnu lẹ po dopọ, wẹ OKLUNỌ dọ: yẹn ma na wàlẹblanu, kavi hladote, kavi tindo awubla gba, bọ yẹn ma na do và yé. 15Mì sè, bo na otọ́; mì yín saklanọ blo: na OKLUNỌ ko dọhó. 16Mì na gigo hlan OKLUNỌ Jiwheyẹwhe mitọn, whẹpo zinvlu ni do do, podọ whẹpo afọ mitọn lẹ na do dahli to osé fliflimẹ tọn lẹ ji; podọ, whenuena míwlẹ to nukundọ hinhọ́n, ewọ diọ ẹ do zinvlu sisosiso mẹ, bo sọ hẹn ẹn zùn zinvlu góhgón. 17Ṣigba eyín mìwlẹ ma na sè e, alindọn ṣie na viavi to nuglọ na sakla mitọn; nukun ṣie na viavi badabada, bo yí dansìn do sà kọnyìnai, na yè yí lẹngbọpa OKLUNỌ tọn do wle mẹmẹglọ wutu. 18Dọ hlan ahọlu lọ podọ hlan ahọsi onọ lọ dọ, Mì sinai to odò: na yè hẹn zinvò mitọn lẹ wá odò, yèdọ ojẹgbakun mitọn whanpẹnọ. 19Yè sú tòdaho huwaji tọn lẹ do, mẹde ma tin finẹ nado hùn yé: yè plan Juda yì mẹmẹglọ popo e tọn: yè plan ẹn yì mẹmẹglọ pete.
20Mì zé nukun mitọn lẹ daga, bo pọ́n yé he sọn agéwaji wá lẹ: fie lẹngbọpa he yè na we te, lẹngbọpa towe whanpenọ? 21Eté hiẹ na dọ, whenuena é na dla we pọ́n, mimọ hiẹ lọsu ko naplón yé do oji we, yèdọ họntọn towe lẹ, nado yín ogán to oji we? bó awubla ma na hẹn ogo we, di yọnnu de to ajipa mẹ? 22Podọ eyín hiẹ dọ to ayiha towe mẹ dọ, Etẹwutu wẹ yè hen onú helẹ wá oji e? na gégé oylanwà towe tọn wẹ yè dọ hùn avọ̀ towe, bọ afọgben towe lẹ do jiyana huhlọn. 23Bé Etiopianu sọgan diọ agbasayú etọn, kavi opò owhó etọn lẹ? bó whenẹnu wẹ mìwlẹ ga sọgan wà dagbe, he yè plọn nado wà oylan. 24Enẹwutu wẹ yẹn na vúnvún yé, di zinkán he juwayì jẹ ojẹhọn zùngbọmẹ tọn de. 25Ehe wẹ mimá towe, adade yè jlẹ hlan we sọn dẽ, wẹ OKLUNỌ dọ; na hiẹ ko wọn mi wutu, bo sọ dotu to lalo mẹ. 26Enẹwutu wẹ yẹn na hùn awu towe lẹ to nukunmẹ towe nukọn, owinyan towe na sọ sọawuhia. 27Yẹn ko mọ osùnú towe lẹ, yèdọ ayọdide towe lẹ, po winwan towe lẹ po, wantúntún galilọ towe tọn, to okota lẹ ji to dangbo. Dindọn hlan we hiẹ Jelusalẹm! Yè ma na hẹn we zùn wiwe gba; nawẹ é na gbó sọ yín dindẹn sọ?
Currently Selected:
JẸLEMIA 13: BWL23
Highlight
Copy
Compare
Share
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
