JẸLEMIA 11
11
1OHO he wá Jelemia de sọn OKLUNỌ de, dọmọ, 2Mi sè ohó alènu he tọn lẹ, bo so dọ hlan omẹ Juda tọn le, podọ hlan tòmenu Jelusalẹm tọn lẹ; 3Hie ni sọ dọ hlan yé dọmọ, Le wẹ OKLUNỌ dọ, Jiwheyẹwhe Islaeli tọn: Mẹhodódo wẹ omẹ lọ yín he ma sè ohó alẹ̀nu he tọn lẹ, 4he yẹn degbèna otọ́ mitọn lẹ to azán lọ mẹ he yẹn hẹn ye jegbonu sọn aigba Egiptì tọn ji, tón sọn ogànyú zòhò mẹ, dọmọ, Mì sètónuna ogbè ṣie, bo wà yé, kẹdedi ehe yẹn degbèna mì lẹpo: mọwẹ míwlẹ na yín ome ṣie lẹ, yẹn na sọ yín Jiwheyẹwhe mitọn. 5Na yẹn nido hẹn whiwhle ṣie lódo he yẹn ko whle hlan otọ́ mitọn lẹ, nado na yé aigba de he yí oyìnnọ́ po owín po do to sisa, di to azán he gbè. Whenenu wẹ yẹn gblọn, bo dọmọ, Niṣẹ, OKLUNỌ E.
6OKLUNỌ sọ dọ hlan mi dọmọ, Lá ohó he lepo to tòdaho Juda tọn lẹ me, podọ to alihogbo Jelusalẹm tọn lẹ ji, dọmọ, Mì sè ohó alẹ̀nù he tọn lẹ, bo sọ wà yé. 7Na yen yí vivenu do sàhẽlu hlan otọ́ mitọn lẹ to azán he mẹ yẹn hẹn yé hẹji jẹgbonu sọn aigba Egipti tọn ji wá, yèdọ jẹ azán he gbè, finfọ́n klefu bo to ahèlusa, dọ, Mì ni sètónuna ogbè ṣie. 8Gãnṣo yé ma sètónuna gba, kavi dotó yetọn ai gba, ṣigba omẹ dopodopo to zọnlinzin to tasinyẹn ayiha ylankan yetọn tọn mẹ: enẹwutu we yẹn hẹn ohó alẹ̀nù he tọn lẹpo wá yé ji, he yẹn degbèna yé nado wà, ṣigba yé ma wà yé gba.
9OKLUNỌ sọ dọ hlan mi dọmọ, Yè mọ núbibla de to omẹ Juda tọn lẹ ṣẹnṣẹn, podọ to tòmẹnu Jelusalẹm tọn lẹ ṣẹnṣẹn. 10Yè hẹn yé lé godo hlan oylan wà tógbo yetọn lẹ tọn le kòn, he gbó nado sè ohó ṣie lẹ; yè sọ hẹn yé hodo yẹwhe dẽvo lẹ yì nado sèn yé: owhó Islaeli tọn po owhó Juda tọn po ko gbà alẹ̀nù ṣie he yẹn basi hẹ otọ́ yetọn lẹ. 11Enẹwutu le wẹ OKLUNỌ dọ, Dayi e go, yẹn na hẹn oylan wa yé ji, he mẹ yé ma na tin sọgan nado họngán sọn; yé na sọ dawhá hlan mi, ṣigba yẹn ma na tuntóai hlan yé gba. 12Whenẹnu wẹ tòdaho Juda tọn lẹ po tòmenu Jelusalẹm tọn lẹ po na yi bo to awhádo hlan yẹwhe lẹ he yé to nuyọnwan na hlan lẹ: ṣigba yé ma na whlẹn yé lala to ojlẹ oylan yetọn tọn mẹ. 13Na kẹdẹdi osọha tòdaho towe lẹ tọn wẹ yẹwhe towe lẹ, Hiẹ Juda; podọ kẹdẹdi osọha alihogbo Jelusalẹm tọn lẹ tọn wẹ mì ko do zé agbà lẹ daga hlan oviìnyan, yèdọ agbà le nado nọ mẹ nuyọnwan hlan Baali. 14Enewutu hiẹ hodè na omẹ he le blo, hiẹ sọ ze awha kavi odẹ daga na yé blo: na yẹn ma na sè yé to ojlẹ he mẹ yé to awhádo hlan mi to ojlẹ oylan yetọn tọn mẹ.
15Etó meyiwanna ṣie tindo nado wà tó ohò ṣie mẹ, mimọ ewọ ko basi wantúntún hẹ mẹsusu, bo yè sọ hẹn olàn wiwe juyì sọn de we? whenuena oylan towe wá, whenenu wẹ hiẹ to ayaje. 16OKLUNỌ ylọ oyín towe, Atin olivieli omú de, he yọnwhanpe na sinsẹ́n dagbedagbe: po awhagbè zingidi daho de tọn po, ewọ ko pla mìyọn do e ji, yè sọ wén alà etọn lẹ. 17Na OKLUNỌ awhanpa lẹ tọn, he do we, ko dọ oylan do ogo we, na oylan owhé Islaeli tọn tọn wutu po owhé Juda tọn tọn po, he yé ko basi na yéde to hinhenhomẹgble mi hlan adi mẹ gbọn nina nuyọnwan hlan Baali dali.
18OKLUNỌ sọ na oyọnẹn e tọn mi, bọ yẹn sọ yón en: whenenu we hiẹ do wiwà yetọn le hia mi 19Ṣigba yẹn tin, taidi lẹngbọvu abọenọ de he yè plan hlan liùhùtọ; yẹn ma sọ yọnen do yé ko dowé wédido lẹ do ògọ e gba domọ, Gbọ mí ni và atin lọ po sinsẹ́n etọn po, bo sọ gbọ mí ni san ẹn sè sọn aigba ogbènọ tọn ji, na yè ma na sọ do flin oyín eton ba gba. 20Ṣigba, OKLUNỌ awhànpa lẹ tọn, he nọ yí dódó do dawhè, he nọ whle otù po ayiha po pon, gbọ yen ni mọ ahosúyí towe to ye ji: na hiẹ we yen do ọwhẹhó ṣie hia hlan. 21Enewutu le wẹ OKLUNỌ dọ gbọn omẹ Anatoti tọn lẹ tọn dali, he to ogbè towe din, dọmọ, Hie ma na dọ dọdai to oyín OKLUNỌ tọn me gba, na hiẹ ma na do kú gbon alọ mitọn dali. 22Enẹwutu lẹ́ we OKLUNỌ awhànpa lẹ tọn dọ, Dayi e go, yen na dlapọ́n to yé ji yọ̀pọ sunnu lẹ na kú gbọn ohi dali; visunnu yetọn lẹ pó viyọnnu yetọn lẹ po na kú gbọn ohùvé dali; 23podọ pipòtọ de ma na tin hlan yé gba: na yẹn na hen oylan wá omẹ Anatoti tọn lẹ ji, to owhè odlapón yetọn lọ tọn mẹ.
Currently Selected:
JẸLEMIA 11: BWL23
Highlight
Copy
Compare
Share
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
