ISAIA 55

1MI omẹ he nugbla to hùhù lẹpo mì wá ofi he osìn te, mẹhe ma tindo akuẹ; mì wá, mì họ̀, bo dù; nugbo, mì họ̀ vẹ̃n po yìnnọ̀ po mado akuẹ, madahina. 2Etẹwutu wẹ mì to akuẹzán na ehe ma yín núdùdù? podọ tuklajijẹ mitọn na ehe ma pékọnamẹ? mì dotóai dẹdẹ na mi, bo dù ehe yọ̀n bo gbọ̀ ayiha mitọn ni vivi to ojó mẹ. 3Mì tẹ́ otó mitọn dai, bo wá dẽ: mì sè, ayiha mitọn na sọ tin to ogbẹ̀: yẹn na basi alẹnu madopodo de hẹ mì, yèdọ lẹblanu Davidi tọn he diun 4Dayi e gó, yẹn ko yi ewọ na gbẹtọ lẹ na kunnudetọ nukọ̀ntọ, otògán na gbẹtọ lẹ. 5Dayi e go, hiẹ na ylọ akọta he hiẹ ma yọnẹn, akọta he hiẹ ma sọ yọ́nẹn lẹ na dowezun wá de we, na OKLUNỌ Jiwheyẹwhe towe, Omẹ Wiwe Islaeli tọn wutu; na ewọ ko pàgigona we. 6Mì din OKLUNỌ, whenu yè sọgan mọ ẹn do, mì ylọ ẹ, whenuena é tin to yakẹ. 7Omẹ ylankan ni gbọ̀ aliho etọn dai, mawàdódónọ linlẹn etọn: bo gbẹ́ é ni gọ̀ do OKLUNỌ de, ewọ na sọ wàlẹblanu nẹ̀, podọ do Jiwheyẹwhe mítọn de, é na sọ jona susugege. 8Na linlẹn ṣie ma yín linlẹn mitọn, mọ aliho mitọn ma yín aliho ṣie, wẹ OKLUNỌ dọ. 9Na le olọn yì oji hú aigba do, mọkẹdẹ wẹ aliho ṣie yì oji hú aliho mitọn, linlẹn ṣie hú linlẹn mitọn. 10Na le jikun po okẹ́n-jikun po nọ sọn olọn mẹ wá, bo ma sọ nọ lẹ́gọ̀ do finẹ, ṣigba bọ é nọ hẹn aigba yọ̀n, bo sọ nọ hẹn onú wú jẹgbonu, bo sọ nọ bligò, na é nido na nọkún jidotọ́, podọ núdùdù na núdùtọ. 11Mọkẹdẹ wẹ ohó ṣie he tọ́n sọn onù ṣie na te: é ma na lẹ̀gọ̀ wá dẽ agbá, aigba é na dotana onú he yẹn jlo, é na wàdagbe to onú he mọ yẹn do e hlan te. 12Na ayajẹ wẹ mì na do tòn, jijọho wẹ yè na do plan mì jẹgbonu: osó lẹ, po okọta lẹ po na ké to ohàn mẹ to nukọn mitọn, atin danji tọn lẹpo na sọ hopẹ́. 13Atin Kiple tọn na wú to owun tẹnmẹ, atin mytlẹ tọn to tẹun tẹnmẹ: é na sọ yín oyín de hlan OKLUNỌ, na ohia madopodo de he yè ma na sán ṣẹ́.

Currently Selected:

ISAIA 55: BWL23

Highlight

Compare

Copy