ISAIA 39
39
1TO ojlẹ nẹ mẹ wẹ Mẹloadaki-Baladani ovi Baladani tọn, ahọlu Babylọni tọn, do owé po nunina po hlan Hẹzekia: na é sè dọ é ko jẹazọ̀n, bo sọ jẹ gángán. 2Hẹzekia sọ jaya na yé wutu, bo sọ yí ohọ̀ yẹyinu etọn tọn hia yé, fataka, po sika po, po nuwhẹnkun po, po nusisá akuẹgegenu tọn po, ohọ̀ ogbaja etọn tọn lẹpo, po onú he yè mọ to adọkunnu etọn mẹ lẹ po: onú de ma tin to owhé etọn gbè, kavi to ahọludu etọn lẹpo mẹ, he Hẹzekia ma yí hia yé. 3Whenẹnu wẹ Isaia yẹwhegán wá ahọlu Hẹzekia de, bo dọ nọ̀ dọmọ, Etẹ wẹ dawe helẹ dọ? fie wẹ yé sọn wá de we? Hẹzekia sọ dọmọ, otò dindẹn mẹ wẹ yé sọn wá dẽ, yèdọ sọn Babyloni. 4Whenẹnu wẹ é dọmọ, Etẹ wẹ yé mọ to owhé towe gbè? Hẹzekia sọ gblọn, dọmọ, Onú he tin to owhó ṣie gbè lẹpo wẹ yé mọ: núde ma sọ tin to adọkunnu ṣie lẹpo mẹ he yẹn ma yí hia yé. 5Whenẹnu wẹ Isaia dọ na Hẹzekia, dọmọ, Sè ohó OKLUNỌ awhànpa lẹ tọn. 6Dayi e go, azán lọ wá, dọ onú he tin to owhé towe gbè lẹpo, podọ onú he otọ́ towe lẹ ko bẹ́pli kaka jẹ egbó, wẹ yè na hẹn yì Babyìọni: onú de ma na pò, wẹ OKLUNỌ dọ, 7Podọ sọn ovisunnu he na tón sọn ohò towe mẹ lẹ he hiẹ na ji, wẹ yé na bẹ́ yì; yé na sọ yín ọjọ to awánu ahọlu Babylọni tọn mẹ 8Whenẹnu wẹ Hẹzekia dọ na Isaia, dọmọ, Dagbe wẹ ohó OKLUNỌ tọn he hiẹ dọ E sọ dọ ga, dọmọ, Jijọho po nugbo po na tin to owhè ṣie nu.
Currently Selected:
ISAIA 39: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.