ISAIA 19
19
1Agbàn Egypti-tọn. Dayi e go, OKLUNỌ hé aslọ he jawu ji, bo na wá Egypti: yè na sọ whàn vodun Egypti tọn lẹ to nukọn etọn, ayiha Egypti tọn na yé to ṣẹnṣẹn etọn. 2Yẹn na sọ zé Egypti fọ́n do Egypti ji: omẹ dopodopo na sọ hoavùn hẹ mẹmẹsunnu etọn, omẹ dopodopo do kọmẹnu etọn ji; otò na fọ́n do otò ji, ahọludu na fọ́n do ahọludu ji. 3Gbigbọ Egypti tọn na gble to ṣẹnṣẹn etọn; yẹn na hẹn oplọn etọn gble: yé na din in hlan vodun lẹ de, hlaan nújlẹtọ lẹ de, hlan yé he tindo gbigbọ dọdi tọn lẹ de, hlan azétọ lẹ de podọ hlan owọ́ntọ lẹ de. 4OKLUNỌ awhànpa lẹ tọn dọmọ, Egyptinu lẹ wẹ yẹn na yí do alọ mẹ na klunọ fifiẹtọ de; ahọlu kàndùtọ de na sọ dùgán do yé ji. 5Osìn na vọ̀ to ohù mẹ, yè na hẹn otọ̀ gble, é na sọ hú. 6Yè na diọkọna otọ̀ lẹ yì ofi dindẹn; yè na hẹn otò whlẹngán tọn lẹ jẹvọ́; ofán po fẹ́nkan po na sọ fiọ. 7Ofán pọ̀pọ̀ tọpá tọn to otọ̀ tó, podọ nudepope he yè dó do otọ́t Ó, na wlo, é na kija, bo ma na tin bà. 8Whèhùtọ lẹ na blawu ga, yé he to omlẹn dlẹn to otọ̀pá lẹ na viavi, onú na dikọna yé he to odọ̀ dlẹn do osìn mẹ lẹ. 9Yé he to azọ́n osékan dagbedagbe tọn wà lẹ, mẹhe to alavọ̀ lọ̀n lẹ na sọ flú. 10Yè na gbà yé to linlẹn etọn mẹ, yé he basi áliho po tándo po na whevi. 11Nugbo, nulunọ wẹ ahọvi Isoan tọn lẹ, linlẹn honamẹtọ nuyọnẹntọ Falo tọn lẹ ko lẹzun nululu: nawẹ mì dọ na Falo do, dọmọ, Yẹn tindo visunnu nuyọnẹntọ, visunnu ahọlu hóhó—whenu tọn lẹ? 12Bé fie wẹ yé te? fie wẹ gbẹtọ nuyọnẹntọ towe lẹ te? gbọ yé ni dọ na we dinvie, gbọ yé ni yọ́n onú he OKLUNỌ awhànpa lẹ tọn lẹn do Egypti go. 13Ahọvi Isoan tọn lẹ lẹzùn nulunọ, yè sọ klọ ahọvi Nofi tọn lẹ; yé klọ Egypti ga, yèdọ yé he yín aglosu whẹndo etọn tọn lẹ. 14OKLUNỌ ko gbọ̀ gbọ̀f ufu tasinyẹn tọn do e mẹ: yé ko hẹn Egvptì búali to azọ́n etọn lẹpo mẹ, dile ahannumunọ nọ to ahlida to oslu etọn mẹ do. 15Mọ azọ̀n depope ma na tin na Egypti, he ota kavi osí, alà kavi tọ̀woko, sọgan basi.
16To azán lọ gbè, Egypti na taidi yọnnu: é na dibu, bo sisọ na alọ mìmì OKLUNỌ awhànpa lẹ tọn tọn wutu, he émì do e ji: 17Aigba Juda tọn na zùn mọsi na Egypti, mẹdepope he sọ flin bo dọhó etọn na dibu to ohò ede tọn mẹ, na linlẹn OKLUNỌ awhànpa lẹ tọn wutu, he é ko magbè etọn do ẹ go.
18To azán lọ gbè wẹ otò atọ́n to aigba Egypti tọn ji na do ogbè Kanaani tọn, bo na sọ whle hlan OKLUNỌ awhànpa lẹ tọn; yè na nọ ylọ dopo dọ, Otò dindọ̀n tọn.
19To azán lọ gbè agbà dopo na tin hlan OKLUNỌ to aigba Egypti tọn sọnsẹn, po odotin de po to dali etọn hlan OKLUNỌ. 20E na sọ yín na ohia dopo, podọ na kunnúhó hlan OKLUNỌ awhànpa lẹ tọn to aigba Egypti tọn ji: na yé na dawhà hlan OKLUNỌ na awusinyẹnnamẹtọ lẹ wutu, é na sọ do whlẹngántọ de hlan ẹn, omẹ daho de, ewọ na sọ whlẹn yé. 21OKLUNỌ na sọ zùn yinyọnen na Egypti, Egypti-nu lẹ na sọ yọ́n OKLUNỌ to azán lọ gbè, yé na sánvọ́, bo sọ na nunina; nugbo, yé nadopà hlan OKLUNỌ, bo na sọ yi i basi. 22OKLUNỌ na linú Egypti zindai: bo sọ hẹnazòn etọn gbọ yé na lẹ́gọ̀ do OKLUNỌ de, é na sè óvẹ̀ yetọn, bo sọ hẹn azọn yetọn gbọ.
23To azán lọ gbè alihogbó dopo wẹ na tin sọn Egypti jẹ Assylia, Assylianu lẹ na wa Egypti, Ẹgypti-nu lẹ na sọ wá Assylia; Egypti-nu lẹ na sẹ́n hẹ́ Assylia-nu lẹ.
24To azán lọ gbè wẹ Islaeli na yín atọ̀ntọ hẹ Egypti podọ hẹ Assylia, yèdọ odona to aigba lọ ṣẹnṣẹn. 25Mẹhe OKLUNỌ awhànpa lẹ tọn ko dona, dọmọ, Donanọ wẹ Egypti omẹ ṣie lẹ, podọ Assylia azọ́n alọ ṣie tọn, po Islaeli aigbagú ṣie po.
Currently Selected:
ISAIA 19: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.