HOSEA 6

1MÌ wá, bo gbọ mí ni lẹ̀gọ̀ do OKLUNỌ de: na ewọ ko tlẹn, ewọ na sọ hẹnazọ̀ngbọna mí; ewọ ko hò, ewọ na sọ vọ̀ mí dònbla. 2Azán awe godo wẹ ewọ na hẹn mí hinhónun: to azán atọ̀ntọ gbè ewọ na fọ́n mí tite, mí bo na sọ nọgbẹ̀ to ewọ nukọn. 3Mi bo sọ gbọ mí ni yọnẹn, mì sọ gbọ mí ni to hihodo zònmi nado yón OKLUNỌ; gbonu jẹ yì etọn tin yọnẹnnugbo di afọnnu: ewọ na sọ wá jẹ mí de di ojikun, di ojikun agọ̀gbọnẹn he húsìnna aigba.

4Etfaimi È, etẹ́ yẹn na wà hlan we? Juda È, eté yẹn na wà hlan we? na homẹdagbe mìtọn tin di aslọ afọnnu tọn de, podọ di ahún he kẹ̀nyì to fliflimẹ. 5Enẹwutu wẹ yẹn sán yé gbọn yẹwhegán lẹ dali; yẹn ko sọ hù yé gbọn ohó onù ṣie tọn lẹ dali: whẹ̀dida ṣie sọ jẹgbonu yì di hinhọ́n. 6Na homẹdagbe wẹ yẹn jlo, avọ̀sánnu ma gba; podọ oyọnẹn Jiwheyẹwhe tọn hugán avọ̀ nunina mimẹ̀ lẹ. 7Ṣigba yéwlẹ taidi Adam ko jẹsẹ́nmẹna alẹ̀nù lọ: finẹ wẹ yé ko yí odanuwiwà do zán do ogo e te. 8Tòdaho yé he nọ wà oylanwà lẹ tọn de wẹ Gileadi, yè yí ohùn blu nẹ̃. 9Podọ dile ajotọ lẹ nọ mlọnai do to ovàmẹ, mọwẹ ogbé yewhenọ lẹ tọn to mẹhù do to aliho hlan Ṣekẹmi dali; mọwẹ, yé ko wà wantúnnú. 10Yẹn ko mọ onú dobu de to owhé Islaeli tọn gbè: finẹ yè mọ gàlilọ te to Eflaimi mẹ, yè sọ flu Islaeli. 11Ga, Juda È, ojijẹ de yín didè na we, whenuena yẹn vọ̀ mẹmẹglọ omẹ ṣie lẹ tọn hẹnwá.

Currently Selected:

HOSEA 6: BWL23

Highlight

Copy

Compare