HOSEA 4

1SÈ ohó OKLUNỌ tọn, mì ovi Islaeli tọn emi: na OKLUNỌ tindo núdindọn de hẹ tomẹnu aigba lọ tọn lẹ, na nugbo de ma tin wutu, kavi lẹblanu, kavi oyonẹn Jiwheyẹwhe tọn to aigba lọ mẹ. 2Núde ma tin finẹ adavo whiwhle po gbigbà yise po, po mẹhùhù po, po ajojìjẹ po, po ayọdide po; yé gbà jẹgbonu, ohùn sọ jẹ ohùn go. 3Enẹwutu wẹ aigba lọ na blawu; podọ omẹ he nọ nọ̀ finẹmẹ lẹpo na vọ̀gán, po gbékanlin danji tọn lẹ po po ohẹ̀ olọn tọn lẹ po; mọwẹ, owhevi ohù tọn ga na yín bibẹ́ yì. 4Gãnṣo a dike mẹde wọ̀ blo, mọ a sọ dike mẹdepope dowhẹ̀mẹ blo; na omẹ towe lẹ tin di yé he nọ wọ́ hẹ yẹwhenọ. 5Hiẹ na dahli to azán lọ mẹ, yẹwhegán lọ ga na dahli po hiẹ po to ozán lọ mẹ; yẹn bo na sọ và onọ towe. 6Yè và omẹ ṣie lẹ na agbágbọ oyọnẹn tọn: na hiẹ ko gbẹ́ oyọnẹn dai wutu, yẹn ga gbẹ we dai, dọ hiẹ ma na sọ yín yẹwhenọ de hlan mi gba: mimọ hiẹ ko wọn osẹ́n Jiwheyẹwhe towe tọn, yẹn ga na wọn ovi towe lẹ. 7Le yè hẹn yé jideji do, mọwẹ yé wàylando hlan mi do: Yẹn na diọ gigo yetọn do owinyan mẹ. 8Yé dù to ylando omẹ ṣie lẹ tọn mẹ, bo sọ zé ayiha yetọn do oylanwà yetọn go. 9E na sọ yín, gbẹtọ mọnkọ lẹ, yẹwhenọ mọnkọ lẹ: Yẹn bo na sayahẹ yé na aliho yetọn-lẹ, bo sọ nale yé na wiwà yetọn lẹ. 10Yé na dù, bo ma na tindo pékọ́; yé na lọgà, bo ma na sudeji gba: na yé ko jó nado nọ payi hlan OKLUNỌ de dai wutu 11Ogàlilọ po ovẹ̃n po po ovẹ̃n yọ́yọ́ po dè ayiha yì. 12Omẹ ṣie lẹ kàn hónamẹ biọ to atinpo yetọn si, opò yetọn sọ to lilá hlan yé: na gbigbọ ogàlilọ tọn ko hẹn yé nado buali, yé ko sọ lọgà de yì sọn Jiwheyẹwhe yetọn glọ. 13Yé sánvọ to aga osé: lẹ lọ tọn ji, bo sọ mẹ̀ nuwhẹnwan to okọta lẹ ji, to oaki po poplali lẹ po po tẹlẹbinti lẹ po glọ, na dagbe wẹ oyẹtẹn etọn wutu: enẹwutu wẹ viyọnnu mìtọn lẹ do lọgà, podọ asidadaliho mitọn lẹ sọ deayọ. 14Yẹn ma na sayahẹ viyọnnu mìtọn lẹ whenuena yé lọgà gba, kavi asidadaliho mìtọn lọ whenuena yé deayọ gba; na yé lọsu yì apadopo po gàlọtọ lẹ po, podọ yé sọ sánvẹ́ po ogàlọtọ lẹ po: podọ omẹ he ma tùnwun na yín zizédlan. 15Yín hiẹ, Islaeli, tlẹ lọgà, gà, nso a dike Juda lẹzùn whẹylannọ blo; podọ mìwlẹ sọ wá jẹ Gilgali blo, mọ mì sọ hẹji yì jẹ Bẹti-aveni blo, kavi whle dọ, Le OKLUNỌ togbẹ, blo. 16Na Islaeli ko yí otasinyẹn do zán na ede, taidi oyìnsiwhẹ otasinyẹntọ de: dinvie wẹ OKLUNỌ na yìn yé di lẹngbọvú de to otẹn daho de mẹ. 17Yè hẹn Eflaimi kọndopọ hlan ovodun lẹ; gbọ é ni nọ. 18Núnùnù yetọn tin lẹzùn ovẹ́sìn: yé to gàlọ tẹgbẹtẹgbẹ; yè jó yé do hlan wanyina: ogán etọn lẹ yín winyannọ. 19Ojẹhọn ko hizi i do avọtónu etọn lẹ mẹ, agbà yetọn lẹ na yín hinhẹn mọwinyan na avọ̀sánnu yetọn lẹ tọn wutu.

Currently Selected:

HOSEA 4: BWL23

Highlight

Copy

Compare