HEBLU LẸ 7
7
1NA Mẹlkizedeki he, ahọlu Salẹm ton, yẹwhenọ Jiwheyẹwhe gigogan ton, meùe pé Ablaham gò sọn ahọlu lẹ hùhù tẹnmẹ, bo sọ dona ẹn; 2mẹhe Ablaham yí vlọndao ọnú popo tọn hlan; gbọn yínkọdena dali whẹ, Ahọlu dodo tọn, podọ to godome ga, Ahọlu Salem tọn, he basi Ahọlu jijọho tọn; 3e mẹ tindo otọ́, é ma tindo onọ, é ma tindo ajitẹn, mọ éma tindo azán jiji tọn, kavi opòdo ogbè-tọn; ṣigba yè da ẹ di Ọvi Jiwheyẹwhe tọn; é sọ to yẹwhenọ yín kakadoi.
4Be mí lẹn le dawe he klo sọ tọn pọ́n, mẹhe Ablaham otọ́-daho do vlọndao ogblàn lẹ tọn hlan 5Podọ nugbo wẹ mẹhe yín ovi Levi tọn lẹ, he yí yẹwhenọ ganduta tindo osén nado nọ yí vlọndao to gbẹtọ lẹ dẹ kẹdẹdi osén tọn, enẹ wẹ sọn mẹmẹsunnu yetọn lẹ de, eyín yé tlẹ tọ́n sọn Ablaham mẹ: 6ṣigba ewọ, mẹhe yè ma hia ajitẹn etọn sọn ogbla yetọn mẹ, yí, vlọndao to Ablaham de, bo sọ dona ewọ he tindo opagbe lẹ. 7Matin núdindọn depope, yọ̀pọ godo wẹ yè nọ dona sọn mẹpọnte de. 8Podọ to ofì gbẹtọ hẹ nọ kú yí vlọndao; ṣigba to fìnẹ mẹhe yè dẹkunnuna dọ, é tin to ogbé, wẹ yí yé. 9Dile yẹn sọgan dọ mọ do, Levi ga, he nọ yí vlọndao, é sú vlọndao họ to Ablaham mẹ. 10Na ẹwọ tin to, otọ́ Ablaham mẹ, whenuena Mẹlkizedẹki pé e.
11Be eyín gbèsisọ tin gbọn Levi yẹwhenọ gánduta dali, (na oglọ etọn wẹ gbẹtọ lẹ yí osén tẹ wutu,) ete ka wẹ sọ pò bo yẹwhenọ gánduta devo nado fọ́n kẹdẹdi ohukan Mẹlkizedẹki tọn, bọ yè ma sọ ylọ ẹ gbọn ohukan Aalọn tọn dali? 12Le yè diọ yẹwhenọ gánduta, yè ma sọgan nọ osén ma diọ ga. 13Na mẹhe go yè to ohó onú helẹ tọn dọ dọ, whẹndo devo mẹ wẹ é sọn, ehe tọn mẹde ma nọ; nọte to agbà kòn. 14Na yè mọ onú jẹ e mẹ dọ, whẹndo Juda tọn mẹ wẹ Oklunọ mítọn, tọn sọn; whẹndo he mẹ Moṣe ma do ohó gbọn yẹwhenọ gánduta tọn dali. 15Yè sọ mọ onú jẹ e mẹ humọ dọ: na, kẹdẹdi opajlẹ Mẹlkizedeki tọn, yẹwhenọ devo fọ́n wutu, 16mẹhe yè yí do do, é ma yín di ogbè osén agbasanọ gbèdide tọn gba, ṣigba di huhlọn ogbè madopodo tọn wẹ. 17Na é dekunnu dọ, Hiẹ wẹ yẹwhenọ de kakadoi Kẹdẹdi ohukan Mẹlkizedẹki tọn. 18Na odèsè osén hóhó tọn tin, na madogan po madoale etọn po tọn wutu, 19na osén ma sọgan hen nudepope sogbè, ṣigba hinhẹn tódido he yọnwhanpẹ humọ wá e mẹ nọ basi i; gbọn ehe dali mìwlẹ to sisẹpé hlan Jiwheyẹwhe de. 20Podọ é ma yín to mawhlé núde mẹ wẹ yè yí i do do yẹwhenọ te gba: 21(na yè do yẹwhenọ lẹ to mawhlé núde mẹ; ṣigba ehe po whiwhlé po gbọn mẹhe dọ hlan ẹn dali, dọmọ,
Oklunọ whlé, é ma to na diọ,
Hie wẹ yewhenọ de kakadoi,
Kedẹdi ohukan Melkizedẹki tọn:)
22Somọ hunkọ gẽ wẹ yè yí Jesu do do alọyitọ alẹnu he bọawú humọ tọn. 23Podọ nugbo, yẹwhenọ susu wẹ ye, na yè ma dike yé ni dẹn to e mẹ: na okú wutu: 24ṣigba dawe he, na é tin toté kakadoi wutu, tindo yẹwhenọ gánduta he yè ma nọ diọ. 25Enẹwutu é sọgan whlẹn yé gán ga kaka jẹ opòdo, yé he wá Jiwheyẹwhe de gbọn afọ etọn ji lẹ, na é tin to ogbè tẹgbẹ̃ nado nọ vẹvẹ na yé.
26Na yẹwhenọ daho mọtọn hunkọ wẹ jẹ mí, mẹwiwe, madoblu, magble, mẹhe jela na ylandonọ lẹ, he yè zé daga hú olọn lẹ. 27Mẹhe ma do onú wiwà egbésọegbésọ di yẹwhenọ daho nẹlẹ, nado sánvọ́ na ylando ede tọn whé, whẹpo é na do basi na gbẹtọ lẹ: na whladopo wẹ é wà ehe, whẹnuẹna é yí ede do sánvọ́. 28Na osén nọ yí mẹhe hlọnhlọn ma to olan me na lẹ do do yẹwhenọ daho: ṣigba ohó whiwhlé tọn he ko tin sọn osẹ́n whenu gbọn, ko yí Ovi do do, mẹhe yè dè do pipé dovo kakadoi.
Currently Selected:
HEBLU LẸ 7: BWL23
Highlight
Copy
Compare
Share
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
